21.10.2014 | 20:30
Gott að vera í þeirri aðstöðu að fá gefins vélbyssur
Oftast þarf maður að vera búinn að verða fyrir aðkasti einhverra sem þykja miklar grílur á vesturlöndum - og þá í svo langan tíma að allir vinir manns eru dauðir.
Hann bætti því við að sú fjárveiting sem embætti ríkislögreglustjóra fékk til að efla búnað og þjálfun lögreglumanna á þessu ári, samtals 78 milljónir króna, hefði ekki verið nýtt til að kaupa skotvopn. Ekki ein króna, sagði hann.
Það mun kosta milljónir að skjóta úr þeim. High-impulse ammó er ekkert gefins.
Jón sagði að frá því á tímum síðari heimsstyrjaldarinnar og til ársins 2000 hafi lögreglan átt um það bil 70 hríðskotabyssur.[...] Þær voru orðnar ónothæfar vegna aldurs ...
Ha? Hvernig? Ryðguðu þær? Hvernig urðu einhverjar byssur sem voru bara geymdar á lager alltaf "ónothæfar vegna aldurs?" Þetta er stál. Það endist svo lengi sem það ryðgar ekki. Ef Forn Egyptar hefðu átt vélbyssur, og geymt þær í olíu, þá væri enn hægt að skjóta úr þeim núna, 5000 árum síðar.
Jón sagði aðspurður, að vopnabúr lögreglunna hafði minnkað sem nemur hríðskotabyssunum 70 sem var aflagt sökum aldurs.
Hann lætur þetta hljóma eins og einhverja ansi mikilvæga hólka. Hvað var þetta? Bergmann? (Það virkar enn.)
Hmm...
Þarf að spyrja hvort kaninn getur ekki óvart airdroppað vopnafarmi á lóðina hjá mér...
Hríðskotabyssurnar norsk gjöf | |
Tilkynna um óviðeigandi tengingu við frétt |
21.10.2014 | 16:09
Nei, drepið mig ekki...
...úr hlátri.
"Ég hef spilað nógu marga tölvuleiki um ævina til að þekkja þetta vopn. Þetta er drápstæki, sagði Helgi Hrafn Gunnarsson, þingmaður Pírata, um MP5 léttar vélbyssur sem ríkislögreglustjóri hefur fengið til embættisins.
HAHAHAHA! Hér ætti ég að segja eitthvað kaldhæðið, en þetta segir sig einhvernvegin sjálft.
Bjarkey Olsen Gunnarsdóttir, þingmaður Vinstri grænna, sagði fólk hafa miklar áhyggjur af þeim fréttum að almennir lögreglumenn fái vélbyssur til notkunar í störfum sínum.
Það er vissulega rétt, en í mínu tilfelli ekki af sömu ástæðum og í hennar tilfelli.
Það er ekki að vopnvæða lögregluna.
Nú? Hvað kalliði það þá þegar þið... uhm... vopnvæðið... uhm... lögregluna?
Þetta er drápstæki | |
Tilkynna um óviðeigandi tengingu við frétt |