Of augljós lygi

sko: 1)Fyrsti apríl var í gær. 2) það er ekki svona sem þetta virkar. 

Ekki verður um frekari hækkun skatta á næsta kjörtímabili að ræða samkvæmt kosningaráherslum Vinstrihreyfingarinnar - græns framboð

Og ef þú trúir því þá á ég brí í Friskó sem ég get selt þér. 

...lögð áhersla á að þær breytingar sem gerðar hafi verið á kerfinu á kjörtímabilinu hafi bjargað grunnstoðum samfélagsins frá frekari og skaðlegri niðurskurði en raunin hafi orðið.

Það er til orð yfir þetta: http://en.wikipedia.org/wiki/Delusional_disorder 

Þær breytingar hafi aukið skattbyrði hinna tekjuhæstu en lækkað hana hjá þeim tekjulægstu og aflað ríkissjóði þar með aukinna tekna.

Og, segið mér, hvernig lækkaði VSK á þá tekjuminni?  Og hvernig kom þessi neikvæða lækkun þeim til góða? 

Ennfremur er gert ráð fyrir því að ekki verði frekari niðurskurður í heilbrigðis-, mennta- og velferðarmálum

Lygi. 

og að skattalækkanir á lág- og millitekjuhópa verði teknar til skoðunar geri launaskrið í hátekjuhópum vart við sig.

Og þá eru þeir búnir að segja það, sem er alveg nógu mikil skoðun.  Næsta. 

Lögð er áhersla á að skattkerfið gegni lykilhlutverki við að tryggja jöfnuð í samfélaginu.

Allir verði jafn-fátækir.  Þannig er það alltaf gert. 

Þá er ætlunin að hefja stórsókn í heilbrigðis,- mennta- og velferðarmálum

Stórsókn á hendur þeim, meinarðu. 

niðurgreiðsla skulda þjóðarbúsins verði hafin.

Ef eitthvað vit hefði verið í þeim skulduðum við ekki neitt.  En nei... 

Til fjármögnunar gerir VG ráð fyrir því að 50-60 milljarða svigrúm verði í ríkisfjármálunum á næsta kjörtímabili miðað við óbreytta stefnu í ríkisfjármálum

Sem þýðir að þeir ætla að taka einhversstaðar 50-60 milljarða lán.  Húrra. 

Þá verði auknar tekjur vegna aukinnar auðlindarentu.

Þessi renta er þegar byrjuð að valda miklum búsyfjum, svo þarna ætti að standa minni tekjur. 

Þá þurfi að bæta starfsaðstöðu og tækjakost í heilbrigðiskerfinu auk þess sem lögð er áhersla á byggingu nýs Landspítala

Það er sama hve oft þeir segja það, við höfum ekkert frekar efni á því. 

og að komið verði skuldsettum heimilum til aðstoðar.

Þetta er endurnýtanlegt loforð.  Vandinn er krónískur. 

Ekki frekari niðurskurður eða skattahækkanir