Ef maður stendur fyrir utan Lundann eina helgi....

Sagði lög­reglu­stjór­inn nauðsyn­legt að stöðva brota­hrinu kærða en hann hafi átt sam­fellda brota­hrinu lík­ams­árása frá því sum­arið 2015.

Hef heyrt af kauða, og skil ekki af hverju hann hefur ekki sjálfur verið barinn.

Hann á það inni.

Merkilegra er að honum var ekki stungið inn strax, en... þannig er þetta bara gert hér á landi.

Svo er þessi setning: "Átti kærði eitt­hvað sök­ótt við vin drengs­ins vegna lík­ams­árás­ar gegn hon­um sem átti sér stað á síðasta ári en málið er í ákærumeðferð."

Vegna þess að, ja, næturlífið er eins og það er, þá veit ég ekki:

"Átti kærði eitt­hvað sök­ótt við vin drengs­ins vegna lík­ams­árás­ar gegn hon­um"

Af hverju átti ækærði eitthvað sökótt við vin drengsins vegna þess að þessi vinur hafði ráðist á þennan dreng?

Eða... átti hann eitthvað sökótt við þennan vin vegna þess að vinurinn hafði ráðist á kærða sjálfan?

Eða... átti kærði sökótt við vininn sem hann, kærði, hafði sjálfur ráðist á, en ekki fullnað þann verknað sér að skapi?

Ég veit ekki.

Og nei, þetta eru ekki útúrsnúningar.  Ég hef séð miklu furðulegri hluti.

Stöðvi árslanga hrinu líkamsárása

Athugasemdir

[jon (IP-tala skráð) 16.4.2016 kl. 23:24]

"...elti kærði drenginn" er sérlega góð setning. Fór kærði síðan hingað eða þangað og gerði hitt og þetta. Oft gerist þetta þegar blaðamenn semja ekki texta upp úr skraufþurru lagamáli af vefsíðum dómstólanna, heldur afrita. Ekki misskilja mig, skraufþurrt er í lagi hjá dómstólum - en ekki á síðum dagblaða. Þar er gerð krafa um að textinn sé áhugaverður. Krafa sem höfundi þessa óskapnaðar þarf að standa undir.

[corvus corax, 17.4.2016 kl. 07:08]

"Krafa sem höfundi þessa óskapnaðar þarf að standa undir." Jón, þarf höfundinum að standa undir kröfunni?

[Ásgrímur Hartmannsson, 17.4.2016 kl. 23:57]

Þetta er vissulega forneskjuleg lína.  Svona skrifuðu Jón Árnason og félagar, fyrr á öldum.