Skilaboð sem enginn les

„Við munum bregðast við málinu á nákvæmlega sama hátt og við höfum verið að gera,“ segir Ögmundur

Með því að handtaka menn og sleppa þeim aftur næsta dag.  Súper-effektíft, það.

Árásunum var sem kunnugt er hrundið með handtökum í fyrrakvöld

Hrundið, eða frestað?  Time will tell. 

Allt þetta byggist á góðu samstarfi lögreglu, framkvæmdavalds, það er að segja innanríkisráðuneytis og fjárveitingarvaldsins á Alþingi. Allsherjarnefnd þingsins hefur komið að málinu á mjög uppbyggilegan hátt eins og við var að búast og er góður samhljómur á meðal allra þessara aðila.

Mikið er gott að hafa svona glæpagengi til að pönkast á svona rétt fyrir kosningar, ekki satt? 

þetta eru skýr skilaboð út í þennan heim um að slíkt verður aldrei þolað.

"Þessi heimur" er þekktur fyrir að taka ekki við neinum skilaboðum.  Svona svipað og stjórnvöld. 

Kemur til greina að lögreglumenn verði með neyðarhnappa á heimilum sínum?

Sniðugt.  Þá getur einhver bjargað fjölskildum þeirra fimm mínútum of seint, en ekki korteri-hálftíma of seint! 

„Eðli máls samkvæmt er skipulögð brotastarfsemi bönnuð.

Mér sýnist skifta miklu hvers eðlis þessi brotastarfsemi er. 

Hvort það eigi að banna einhverja tiltekna hópa hef ég ákveðnar efasemdir um að það skili tilætluðum árangri og getur auk þess haft keðjuverkandi afleiðingar sem leiða af sér bann á bann ofan.

Það hefur ekki stoppað ykkur hingað til. 

Bann hefur gefist misvel þar sem það hefur verið reynt erlendis.

Svo hann í alvöru nennti að kynna sér hvernig eitthvað hefur gefist í útlöndum?  Af hverju hefur hann - eða nokkur annar aldrei gert neitt slíkt í neinu öðru máli?  Eða eru önnur mál bara ekki jafn sexý og mótorhjólaklíkur? 

Ég held að það sé hægt að uppræta starfsemi af þessu tagi í litlu samfélagi eins og okkar. Þá horfi ég til félagslegrar samstöðu sem reynsla sýnir að auðveldara er að virkja á Íslandi en víðast annars staðar.

Sko, einu sinni voru ekki skilyrði fyrir gengi.  Nú eru skilyrði fyrir gengi.  Þess vegna eru gengi.  Gengin búa að vissri félagslegri samstöðu, vegna þess að þau eru félög.  Lögregluaðgerðir breyta því ekki. 

Þá vil ég leggja áherslu á að þetta er ekki einvörðungu spurning um lögregluaðgerðir eða refsingar og annað af slíku tagi heldur er þetta spurning um hvernig samfélagið allt tekur á málum.

Nei, þetta er félagslegt/efnahagslegt fyrirbæri sem er troðið uppá okkur.  Og mun færast í aukana meðan enn er mannskapur til að fylla upp í gengin.  Það mun koma að því að allir sem hafa í sér að vera í gengi munu vera í gengi - kannski fyrr, kannski síðar.  Það eina sem getur breytt hve marga þarf til að metta fjöldann eru meiriháttar breytingar á kerfinu sem gera betra að vera ekki í gengi.

Ég horfi til dæmis til fjölmiðla og hvernig þeir skynja hlutverk sitt; hvort þeir setja menn sem meiða annað fólk upp á stall hetjunnar eða hvort þeir afgreiða slíka aðila í sínu rétta samhengi.

Ha?  Við hérna fáum ansi litlar upplýsingar um ofbeldismenn frá fjölmiðlum ("frétta" miðlum þ.e.a.s) en megnið af því... allt af því veitir okkur hér úti ómælda gleði.  Vegna þess að þessir blessuðu bófar eru svo innilega fyndnir oft án þess að vita af því.

Þannig að ég er að höfða til samfélagsins alls, að við saman ákveðum að ráða bót á þessari alvarlegu meinsemd.

Af hverju eru menn í gengjum?  Nú, því maður er manns gaman, og sækjast sér um líkir.  Af hverju eru menn ekki að gera eitthvað annað?  því það er hindrað á miklu effektífari hátt en gengjamennska. 

Við þurfum að virkja hið góða í fólki sem á í erfiðleikum og ratar í ógöngur með líf sitt. Það er verkefni sem við þurfum að horfa til. Við skulum ekki bara horfa til hörkunnar og refsinga, heldur líka til mildinnar og hvernig við fáum forðað ungu fólki frá því að lenda á inn á refilstigu,“ sagði Ögmundur Jónasson innanríkisráðherra.

Mjög göfug hugsun, en ég þori að veðja flösku af Crested Ten (ef ég einhverntíma kemst yfir eina) að hann mun aldrei koma neinu slíku í framkvæmd, vegna þess að A: hann kann það ekki, eða B: hann langar ekki til þess.  Það sama gildir um alla kollega hans, óháð flokki.

Gengi?  Eftir nokkur ár munum við öll þurfa að þekkja einhvern í gengi til þess að geta keypt nauðsynjavörur á svarta markaðnum. 

Skýr skilaboð til glæpagengja