Seljið þetta bara

Sparið skattgreiðandanum þesar 18.000 + sem gæti farið í mat og hita og rafmagn eða annað þarfara.

Færri og færri horfa/hlusta á þetta á hverju ári, því þær kynslóðir eru smám saman að deyja úr elli.

Þetta er ekki lengur menning.  Þetta er risaeðla.

Skynsamlegra að RÚV sé á fjárlögum

Athugasemdir

[Þorsteinn Siglaugsson, 18.8.2019 kl. 11:55]

Ég held að sú starfsemi RÚV sem snýst um menningarstarf sem aðrir sinna ekki, þ.e. Rás 1, kosti sáralítið. Meginkostnaðurinn er sjónvarpsreksturinn og það er engin ástæða til að ætla að aðrir geti ekki sinnt því hlutverki auðveldlega.

Einföld lausn er að halda Rás 1 í rekstri, en leggja afganginn niður.

[Ásgrímur Hartmannsson, 18.8.2019 kl. 13:24]

Það menningarstarf sem aðrir sinna ekki er þá ekki menningarstarf.  Liggur í hlutarins eðli.

Það er ekki menning ef menn gera það ekki. 

[Þorsteinn Siglaugsson, 18.8.2019 kl. 14:15]

Hér ertu nú aðeins að fara fram úr þér held ég. Ef ekkert leikhús væri rekið á Íslandi, væri þá leiklist ekki menningarstarf? Jú, auðvitað væri hún það. Ef engir vegir væru á Íslandi, væru þá vegir ekki samgöngumannvirki? Jú, vitanlega væru þeir það eftir sem áður:

Það, hvort einhver sinnir X hefur ekkert með skilgreininguna á X að gera.

[Ásgrímur Hartmannsson, 18.8.2019 kl. 16:17]

Menning er það sem menn gera.
Ef menn gera það ekki er það ekki menning.
Það er bara rökrétt.
Ef menn gera það ekki án ítaka ríkisins, svart, þá er engin stemming fyrir því.

Af hverju á ég eða einhver annar að vera að borga fyrir eitthvað sem enginn er að biðja um?

[Helgi Jónsson (IP-tala skráð) 19.8.2019 kl. 02:56]

Legg til að þessi blessaða stofnun verði lögð niður eða einkavædd. Auðsótt að setja á fót styrktarsjóð fyrir alla miðla til að sækja fjárstuðning í fyrir ýmsan menningar, tungu eða annarsháttar mikilvægis efnis . Þá myndu allr sitja við sama borð og ekki þyrfti fjölmiðlalög til að draga úr skekkjunni milli hins ríkisrekna og einkarekna. Allir vinna.