Frá vinstri til vinstri.

Við vorum með fasisma.  Fáum við þá kommúnisma?

Ég ætla bara að vona að þeir fari ekki að banna allt.  það var alveg nóg bannað fyrir.  Eða bæta við pappírsvinnu, hún hefur verið of mikil síðan pappír var fundinn upp.

Er einu sinni hægt að fara meira til vinstri án þess að byrja að grafa undan lífsgæðunum?

Kannski fáum við sama system og í Svíþjóð.  Mínus her, svo glæpagengin okkar verða að láta sér lynda að berja hvort annað með kúbeinum.  Svo verða kjötbollur í hvert mál.  Sendar til okkar með pósti á hverjum degi, af Ríkinu.  Með gleðiefnum í, svo við förum ekki að hugsa vondar hugsanir til Ríkisins.

Nei, ég held þetta verði eins og áður.  Ríkið getur ekki hækkað skattana án þess að blása út verðbólguna, svo það er ólíklegt að gerist.  Ég veit ekki hvort það er raunhæft að þeir einfaldi kerfið.  Ég held ekki - það væri vitrænt, svo það verður sennilega ekki gert.  Engar nýjar álögur, en þær gömlu halda sér.

Við verðum sennilega í sama farinu næstu 10 árin.  Enginn nennir að gera neitt því það verður ekki búið að afnema höftin.  ver sem gerir eitthvað þarf að fylla út 100 skjöl (ekki nýju köllunum að kenna, það var alltaf þannig), og það kostar.  Atvinnuleysisbæturnar verða jafn-háar, í sumum tilfellum hærri en lægstu laun, sem veldur veseni.

Og allir peningarnir okkar fara í að borga AGS, því bölvaðir leftistarnir sem settu allt á hausinn ábyrgdust hluti sem þeir hefðu ekkert átt að ábyrgjast.  Ríkisábyrgð er ekki frjálshyggja.

Ég get svosem alveg sagt ykkur nokkurnvegin hvernig kosningarnar fara.  Þær fara alltaf eins: 

D: 25-30%, S: 20-25%, VG: 15-20%, B: 10-15%.  Afgangurinn fer til hinna, auðra og ógildra. 

Gæti orðið mesta vinstri sveifla sem sést hefur hér