Alþjóðlegir þjóðernissinnar

Spes.  Facebook-síðan þeirra lætur þetta virka svolítið eins og sambland af homma-klúbb og kristilegum samtökum.

Svo eru þeir á móti bæði frjálslyndi og sósíalisma.  Hvernig virkar það?  Þetta eru semsagt svona "miðju-menn."  Framsókn, semsagt.

Ég er ekki viss um að þetta nái langt. 

Ungir þjóðernissinnar stofna samtök

Skátar mega vara sig

"ávallt reiðubúinn" verður víst að vera "bara stundum reiðubúinn, kannski."

Lög, sko... verður að fara eftir þeim. 

Vísbendingar um aukna hnífanotkun

Kíkjum aftur í pakkann:

Bara 221 síða eftir: 

 

*** 

 

4. KAFLI
FJÁRMAGN OG GREIÐSLUR
63. gr.

1. Innan ramma ákvæða þessa kafla er bannað að leggja hvers konar höft á fjármagnsflutninga milli
aðildarríkja annars vegar og milli aðildarríkja og þriðju landa hins vegar.
2. Innan ramma ákvæða þessa kafla er bannað að leggja hvers konar höft á greiðslur milli
aðildarríkjanna annars vegar og milli aðildarríkjanna og þriðju landa hins vegar. 

 

***

 

Það fara gjaldeyrishöftin fyrir lítið.  Eru þau mikilvæg?

 

***

 

64. gr.

1. Ákvæði 63. gr. skulu ekki hafa áhrif á beitingu neins konar hafta gagnvart þriðju löndum sem eru í gildi 31. desember 1993 samkvæmt samþykktum landslögum eða lögum Sambandsins að því er varðar fjármagnsflutninga til eða frá þriðju löndum sem fela í sér beina fjárfestingu, þ.m.t. í fasteignum, stofnun, veitingu fjármálaþjónustu eða skráningu verðbréfa á fjármagnsmörkuðum. Að því er varðar gildandi höft samkvæmt landslögum í Búlgaríu, Eistlandi og Ungverjalandi skal dagsetningin vera 31. desember 1999.
2. Evrópuþingið og ráðið skulu samþykkja, í samræmi við almenna lagasetningarmeðferð,
ráðstafanir varðandi fjármagnsflutninga til eða frá þriðju löndum er fela í sér beina fjárfestingu, þ.m.t. í fasteignum, stofnun, veitingu fjármálaþjónustu eða skráningu verðbréfa á fjármagnsmörkuðum en leitast jafnframt við að ná markmiðinu um frjálsa fjármagnsflutninga milli aðildarríkjanna og þriðju landa eftir því sem frekast er unnt, sbr. þó aðra kafla sáttmálanna.
3. Þrátt fyrir 2. mgr. er ráðinu einu heimilt, með einróma ákvörðun, í samræmi við sérstaka lagasetningarmeðferð og að höfðu samráði við Evrópuþingið, að samþykkja ráðstafanir sem teljast vera afturför í lögum Sambandsins að því er varðar aukið frelsi í fjármagnsflutningum til eða frá þriðju löndum. 

 

***

 

65. gr.

1. Ákvæði 63. gr. skulu ekki hafa áhrif á rétt aðildarríkjanna til að:
a) beita viðeigandi ákvæðum í skattalöggjöf sinni sem gera greinarmun á skattgreiðendum eftir
búsetustað eða þeim stað þar sem þeir hafa fest fjármagn sitt,
b) gera allar nauðsynlegar ráðstafanir til að koma í veg fyrir brot á lögum og reglum viðkomandi ríkis, einkum á sviði skattlagningar og varfærniseftirlits með fjármálastofnunum, eða mæla fyrir um með hvaða hætti gera skuli grein fyrir fjármagnsflutningum vegna stjórnsýslulegrar eða tölulegrar
upplýsingaöflunar, eða gera ráðstafanir sem réttlæta má með skírskotun til allsherjarreglu eða
almannaöryggis.

 

***

 

Af hverju má mismuna fólki eftir búsetustað?

 

*** 

 

2. Ákvæði þessa kafla skulu ekki hafa áhrif á beitingu hafta á staðfesturétti sem eru í samræmi við
sáttmálana.
3. Þær ráðstafanir og það fyrirkomulag, sem um getur í 1. og 2. mgr., mega þó ekki leiða til
gerræðislegrar mismununar eða til þess að duldar hömlur séu lagðar á frjálsa fjármagnsflutninga og
greiðslur, líkt og tilgreint er í 63. gr.
4. Ef ekki eru gerðar ráðstafanir skv. 3. mgr. 64. gr. er framkvæmdastjórninni, eða ráðinu hafi hún ekki tekið ákvörðun innan þriggja mánaða frá því að hlutaðeigandi aðildarríki lagði fram beiðni, heimilt að samþykkja ákvörðun þess efnis að takmarkandi skattaráðstafanir, sem aðildarríki hefur samþykkt vegna eins eða fleiri þriðju landa, skuli teljast samrýmanlegar sáttmálunum, enda séu þær rökstuddar með einu af markmiðum Sambandsins og samrýmist eðlilegri starfsemi innri markaðarins. Ráðið skal taka ákvörðun einróma fari aðildarríki fram á það. 

 

***

 

66. gr.

Þegar þannig stendur á, í undantekningartilvikum, að fjármagnsflutningar til eða frá þriðju löndum valda, eða eru til þess fallnir að valda, alvarlegum erfiðleikum í starfsemi efnahags- og myntbandalags er ráðinu heimilt, að tillögu framkvæmdastjórnarinnar og að höfðu samráði við Seðlabanka Evrópu, að grípa til verndarráðstafana gagnvart þriðju löndum í allt að sex mánuði, ef brýna nauðsyn ber til. 

 

***

 

Gjaldeyrishöftin hafa 6 mánuði.  (eða allan tímann í heiminum, m.v. hvernig gengur með Ítalíu, Grikkland, Spán, Portúgal 6 Írland.  Raunveruleikinn og lögin eru tvennt ólíkt.)

 

*** 

 

V. BÁLKUR

SVÆÐI FRELSIS, ÖRYGGIS OG RÉTTLÆTIS

 

***

 

Vá, hljómar eins og eitthvað úr Marvel comics.

 

***

 

1. KAFLI
ALMENN ÁKVÆÐI
67. gr.

1. Sambandið skal mynda svæði frelsis, öryggis og réttlætis þar sem grundvallarréttindi eru virt, sem og ólík réttarkerfi og réttarvenjur aðildarríkjanna.

 

***

 

Hvað ef réttarvenjur aðildarríkis eru ekki til þess að stuðla að frelsi og/eða réttlæti? 

 

***

 

2. Það skal sjá til þess að ekki sé haft eftirlit með einstaklingum á innri landamærum og setja ramma
um sameiginlega stefnu um hælisveitingar, innflytjendur og eftirlit á ytri landamærum sem byggist á samstöðu aðildarríkjanna og er sanngjörn gagnvart ríkisborgurum þriðju landa. Að því er varðar þennan bálk skulu ríkisfangslausir einstaklingar hljóta sömu meðferð og ríkisborgarar þriðju landa.
3. Sambandið skal leitast við að tryggja fyllsta öryggi með ráðstöfunum til að koma í veg fyrir og
berjast gegn afbrotum, kynþáttamisrétti og útlendingahatri og ráðstöfunum til að koma á samræmingu og samstarfi lögregluyfirvalda og dómsmálayfirvalda og annarra lögbærra yfirvalda, sem og með gagnkvæmri viðurkenningu dóma í sakamálum og, ef nauðsyn krefur, samræmingu hegningarlaga.
4. Sambandið skal auðvelda aðgang að réttarkerfinu, einkum á grundvelli meginreglunnar um gagnkvæma viðurkenningu á dómsniðurstöðum og ákvörðunum utan réttar í einkamálum. 

 

***

 

Veit ekki betur en þetta sé *yfirlýst* stefna úti um allan hinn vestræna heim. 

 

***

 

68. gr.

Leiðtogaráðið skal móta stefnumótandi viðmiðunarreglur í tengslum við áætlanir um löggjöf og aðgerðir innan svæðis frelsis, öryggis og réttlætis.

 

***

 

Er þessi grein nauðsynleg?

 

***

 

69. gr.

Þjóðþingin sjá til þess að tillögur og frumkvæði að löggjöf, sem fram koma á grundvelli 4. og 5. kafla, samrýmist dreifræðisreglunni, í samræmi við það fyrirkomulag sem mælt er fyrir um í bókuninni um beitingu dreifræðisreglunnar og meðalhófsreglunnar.

 

***

 

70. gr.

Með fyrirvara um 258., 259. og 260. gr. er ráðinu heimilt, að fenginni tillögu framkvæmdastjórnarinnar, að samþykkja ráðstafanir um fyrirkomulag þar sem aðildarríkin láta fara fram, í samstarfi við framkvæmdastjórnina, hlutlægt og óhlutdrægt mat á framkvæmd stefna Sambandsins sem um getur í þessum bálki af hálfu yfirvalda í aðildarríkjunum, einkum í því skyni að auðvelda fulla beitingu meginreglunnar um gagnkvæma viðurkenningu. Evrópuþingið og þjóðþingin skulu upplýst um efni og niðurstöður matsins. 

 

***

 

Ein í viðbót:

 

***

 

71. gr.

Koma skal á fót fastanefnd innan ráðsins til að tryggja að meiri áhersla sé lögð á samstarf um aðgerðir vegna innra öryggis og það styrkt innan Sambandsins. Hún skal, með fyrirvara um 240. gr., auðvelda samræmingu aðgerða á vegum lögbærra yfirvalda aðildarríkjanna. Fulltrúum hlutaðeigandi aðila, skrifstofa og sérstofnana Sambandsins er heimilt að taka þátt í störfum nefndarinnar. Upplýsa skal Evrópuþingið og þjóðþingin um störf hennar.

 

***

 

Síðan hvenær auðvelda nefndir nokkuð?

 

***

 

Hér er svo yfirlýsing:

 

***

 

59. Yfirlýsing Konungsríkisins Hollands vegna ákvæða 312. gr. sáttmálans um starfshætti
Evrópusambandsins
Konungsríkið Holland mun veita samþykki sitt fyrir ákvörðun samkvæmt annarri undirgrein 2. mgr.312. gr. sáttmálans um starfshætti Evrópusambandsins þegar Hollandi hefur verið séð fyrir viðunandi lausn vegna mjög neikvæðrar nettógreiðslustöðu, með tilliti til fjárlaga Sambandsins, með endurskoðun á ákvörðuninni sem um getur í þriðju málsgrein 311. gr. sáttmálans. 

Þeir eru sem sagt ekki að stinga af til útlanda?

Það var og.

"Fjarskiptafyrirtækið Nova er að stinga af aðra samkeppnisaðila þegar kemur að gagnaflutningi..."

Hvað er þetta sem er alltaf að koma að öllu?  Það er búið að vera að koma að ansi mörgu núna undanfarin ár, en ég hef enn ekki hert að það hafi náð á leiðarenda, ekki einu sinni. 

 

Nova að stinga af

Um leið og búið var að búa til ívilnanir hér til að fjölga þeim...

Ég heyrði af þessum áformum í fyrra sumar, reyndar.

Þetta er búið að vera vitað ansi lengi. 

„Verðum að hætta með dísilbíla“

Kreppan segir til sín um gervalla Norður-Ameríku

Óðir morðingjar hafa ekki lengur efni á byssum.

Fimm stungnir til bana í partíi

Við erum þá sammála um eitthvað

Maður tekur hverju sem býðst...

„Blessunarlega ræð ég ekki öllu“

Þekki eina sem fór í Landakotsskóla

Hún var bara stutt - fáa mánuði. 

Sagði mér að Magga Muller hefði verið mesti þrjótur.  Sagði það hafa verið mikil gleðitíðindi þegar hún skreið út um gluggann og lét sig falla niður á gangstétt.

Engin fyrirgefning, bara gleði. 

Gijsen lét eyðileggja bréf

Pakkinn:

Héra er hann, fyrir þá sem trúa mér ekki: http://www.evropustofa.is/fileadmin/Content/Publications/PDFs/Lissabon-heildarskjal.pdf

223 síður eftir:

 

***

 

51. gr.

Ákvæði þessa kafla gilda ekki um starfsemi sem í aðildarríki fellur undir meðferð opinbers valds,
jafnvel þótt svo sé aðeins í einstökum tilvikum.

Evrópuþinginu og ráðinu er heimilt að ákveða, í samræmi við almenna lagasetningarmeðferð, að ákvæði þessa kafla skuli ekki eiga við um tilteknar atvinnugreinar. 

 

***

 

Undantekningar, undantekningar...

 

***

 

52. gr.

1. Ákvæði þessa kafla og ráðstafanir í samræmi við þau útiloka ekki að beitt verði ákvæðum í lögum eða stjórnsýslufyrirmælum um sérstaka meðferð á erlendum ríkisborgurum er grundvallast á
sjónarmiðum um allsherjarreglu, almannaöryggi eða lýðheilsu.
2. Evrópuþinginu og ráðinu er heimilt að gefa út, í samræmi við almenna lagasetningarmeðferð, tilskipanir til samræmingar á framangreindum ákvæðum. 

 

***

 

53. gr.

1. Til að auðvelda sjálfstætt starfandi einstaklingum að hefja og stunda starfsemi skulu Evrópuþingið og ráðið gefa út, í samræmi við almenna lagasetningarmeðferð, tilskipanir um gagnkvæma viðurkenningu á prófskírteinum, vottorðum og öðrum vitnisburði um formlega menntun og hæfi, svo og samræmingu ákvæða í lögum og stjórnsýslufyrirmælum aðildarríkjanna varðandi rétt sjálfstætt starfandi einstaklinga til að hefja og stunda starfsemi.
2. Höftum skal smám saman létt af störfum heilbrigðisstétta, tengdra starfsstétta og starfsstétta á sviði lyfjafræði, eftir því hvernig miðar við samræmingu skilyrða fyrir leyfum til slíkra starfa í hinum ýmsu aðildarríkjum. 

 

***

 

Er samfó alveg viss um að þau vilji það?

 

***

 

54. gr.

Með félög eða fyrirtæki, sem stofnuð eru í samræmi við lög aðildarríkis og hafa skráða skrifstofu,
yfirstjórn eða aðalstarfsstöð innan Sambandsins, skal farið, að því er þennan kafla varðar, á sama hátt og einstaklinga sem eru ríkisborgarar í aðildarríkjunum.
Með félögum eða fyrirtækjum er átt við félög eða fyrirtæki, stofnuð á grundvelli einkamálaréttar eða verslunarréttar, þar með talin samvinnufélög, svo og aðra lögaðila sem lúta opinberum rétti eða einkarétti, þó að frátöldum þeim sem eru ekki rekin í hagnaðarskyni. 

 

***

 

55. gr.

Með fyrirvara um beitingu annarra ákvæða sáttmálanna skulu aðildarríkin sjá til þess að ríkisborgarar annarra aðildarríkja sitji við sama borð og eigin ríkisborgarar að því er varðar hlutdeild í stofnfé félaga eða fyrirtækja í skilningi 54. gr.

 

***

 

3. KAFLI
ÞJÓNUSTA
56. gr.

Innan ramma þeirra ákvæða sem hér fara á eftir er bannað að leggja höft á frelsi ríkisborgara
aðildarríkjanna til að veita þjónustu innan Sambandsins enda þótt þeir hafi staðfestu í öðru aðildarríki en sá sem þjónustan er ætluð.

Evrópuþingið og ráðið geta ákveðið, í samræmi við almenna lagasetningarmeðferð, að láta ákvæði þessa kafla einnig ná til ríkisborgara þriðju landa sem veita þjónustu og hafa staðfestu innan Sambandsins. 

 

***

 

Það að algjörlega authoritarian lið sé að heimta þetta finnst mér spes.  En... ríki bandalagsins fara alls ekkert eftir þessu í einu og öllu.  Svo kannski verður þessum hluta bara gleymt?

 

***

 

57. gr.

Með ,,þjónustu" er í sáttmálunum átt við þjónustu sem að jafnaði er veitt gegn þóknun, að því leyti sem hún lýtur ekki ákvæðum um frjálsa vöruflutninga, frjálsa fjármagnsflutninga og frjálsa för fólks.
Undir ,,þjónustu" fellur einkum:
a) starfsemi á sviði iðnaðar,
b) starfsemi á sviði viðskipta,
c) starfsemi handverksmanna,
d) sérfræðistörf.

Sá sem veitir þjónustu getur, með fyrirvara um ákvæðin sem sett eru í kaflanum um staðfesturétt, í því skyni stundað starfsemi sína tímabundið í því ríki þar sem þjónustan er veitt, með sömu skilyrðum og það ríki setur eigin ríkisborgurum.

 

***

 

58. gr.

1. Frelsi til að veita þjónustu á sviði flutninga skal falla undir ákvæði bálksins um flutningastarfsemi.
2. Samhliða því sem frelsi í fjármagnsflutningum er aukið skal auknu frelsi komið á í þeirri þjónustustarfsemi banka og vátryggingafélaga sem varðar fjármagnsflutninga. 

 

***

 

Hvað með höftin þá?  in elskuðu og dáðu höft, sem munu verða viðloðandi hér næstu 15 ár, lágmark, sama hvað?

 

*** 

 

59. gr.

1. Evrópuþingið og ráðið skulu auka frelsi innan tiltekinna þjónustugreina með útgáfu tilskipana, í
samræmi við almenna lagasetningarmeðferð og að höfðu samráði við efnahags- og félagsmálanefndina.
2. Með tilskipununum, sem um getur í 1. mgr., skal almennt tekið fyrst á þjónustu sem hefur bein
áhrif á framleiðslukostnað eða þjónustu á sviðum þar sem aukið frelsi myndi stuðla að auknum vöruviðskiptum. 

 

***

 

Aukið frelsi með tilskipunum?  Ég er ekki viss um að þeir viti hvað þetta orð, "frelsi" þýðir.

 

***

 

60. gr.

Aðildarríkin skulu leitast við að auka frelsi í þjónustustarfsemi umfram það sem krafist er í tilskipunum sem kunna að verða gefnar út skv. 1. mgr. 59. gr., ef almennt efnahagsástand í ríkjunum og staða viðkomandi atvinnugreinar leyfir.

Framkvæmdastjórnin skal í þessu skyni beina tilmælum til hlutaðeigandi aðildarríkja.

 

***

 

Ég sé það ekki gerast hér.

 

***

 

61. gr.

Hafi höft á þjónustustarfsemi ekki verið afnumin skulu aðildarríkin beita þeim án greinarmunar gagnvart öllum þeim sem stunda þjónustustarfsemi í skilningi fyrstu málsgreinar 56. gr., óháð ríkisfangi eða dvalarstað. 

 

***

 

Hvað?  Að allir sithi undir sama hatti?  Óheyrt!

 

*** 

 

62. gr.

Ákvæði 51.­ 54. gr. gilda um málefni sem fjallað er um í þessum kafla.

 

*** 

 

Næst verður 4 kafli.  Eins og venjulega skulum við enda á yfirlýsingu:

 

***

 

56. Yfirlýsing Írlands vegna ákvæða 3. gr. bókunar um stöðu Breska konungsríkisins og Írlands
að því er varðar svæði frelsis, öryggis og réttlætis
Írland staðfestir skuldbindingu sína við Sambandið sem svæði frelsis, öryggis og réttlætis þar sem
grundvallarréttindi og ólík réttarkerfi og hefðir aðildarríkjanna eru virt og borgararnir njóta fyllsta
öryggis.
Samkvæmt því er Írland staðráðið í að neyta þess réttar síns, skv. 3. gr. bókunar um stöðu Breska
konungsríkisins og Írlands að því er varðar svæði frelsis, öryggis og réttlætis, að taka þátt í samþykkt ráðstafana skv. V. bálki þriðja hluta sáttmálans um starfshætti Evrópusambandsins eftir því sem unnt er.
Írland mun einkum taka þátt í ráðstöfunum á sviði lögreglusamstarfs að svo miklu leyti sem unnt er.
Þá minnir Írland á að skv. 8. gr. bókunarinnar getur það tilkynnt ráðinu skriflega að það óski ekki lengur eftir að heyra undir ákvæði bókunarinnar. Írland fyrirhugar að endurskoða framkvæmd þessa fyrirkomulags innan þriggja ára frá gildistöku Lissabon-sáttmálans. 

Þetta verður hunsað

Næst þegar við fáum samfylkinguna yfir okkur verður hómópatía gjaldgeng sem lækningar, og sett á fjárlög.

Þau reyndu það seinast þegar þau voru við völd, af hverju ekki aftur?  Það er ekki eins og ríkið eða stjórnvöld almennt taki mikið mark á vísindum. 

Hómópatía geri ekki gagn