Til ykkar sem kusuð ekki:

Þið hafið hér með fyrirgert rétti ykkar til að kvarta.

Það á að mæta, og taka þátt, þó ekki sé til annars en að skila auðu. 

Fallandi kjörsókn um allt land

Meira af eiturlyfjum?

Það var jú þannig sem Factory klúbburinn fór á hausinn.  Þeir ætluðu að græða á barnum, en allir voru að taka alsælu...

Því fór sem fór. 

Bjórdrykkja Breta fer sífellt minnkandi

Leggið bara vel þétt að þessum í framtíðinni

Báðu megin.  Vinnum nú saman.

Range Rover-eigandi tekur alltaf tvö stæði

13% tekjuskattur?

Ef allt annað er í samræmi við þetta, er engin furða að sumir vilji innlimast í Rússland.

Bara að segja. 

Skattaáhyggjur Depardieu hurfu eins og dögg fyrir sólu

Er það? Ég er ekki svo viss.

Vís­bend­ing­ar eru um að viðhorf Íslend­inga til alþjóðavæðing­ar, svo sem er­lendr­ar sam­keppni og alþjóðaviðskipta, sé nei­kvæðara nú en áður.

Hverjar eru þær vísbendingar? 

Björn Brynj­úlf­ur Björns­son, hag­fræðing­ur Viðskiptaráðs Íslands, seg­ir að svo virðist sem að við séum í meira mæli far­in að loka okk­ur af.

Við? 

„Við þykj­um hafa nei­kvæðara viðhorf en áður gagn­vart til dæm­is er­lendri sam­keppni og fjár­fest­ingu,“

Ég hef ekki mikið tekið eftir að fólk hafi almennt haft gott viðhorf til *einhverrar* samkeppni - nema kannski bara nánustu vinir.  En þeir eru ekki allir, og frekar slæmt úrtak. 

„Það sem er ef til vill erfiðast fyr­ir okk­ur er að opna hag­kerfið fyr­ir alþjóðaviðskipt­um.

Vandamál búið til handa okkur af ríkinu.  *Við* sem fólkið í landinu réði þar engu um.

Við búum við háa tolla og vöru­gjöld sem draga úr slík­um viðskipt­um.

Aftur, ríkið, ekki fólkið. 

... og þá er viðhorf okk­ar til þess að opna landið fyr­ir er­lendri sam­keppni nei­kvætt,

Getur verið að það sé bara ríkið? 

Banda­rík­in tróna á toppi list­ans og á eft­ir koma Sviss, Singa­púr, Hong Kong, Svíþjóð, Þýska­land og Kan­ada.

Löndin sem við forðumst að bera okkur saman við - sumpart vegna fordóma, sumpart vegna kommúnisma. 

Aðspurður hvað átt sé við með sam­keppn­is­hæfni seg­ir Björn Brynj­úlf­ur að það byggi á þeirri kenn­ingu að ríki heims kepp­ist um að bæta lífs­kjör þegna sinna líkt og fyr­ir­tæki.

Hér er það bara kenning.  Úti er það greinilega kenning í praxís. 

„Á sama hátt og fyr­ir­tæki keppa sín á milli um viðskipta­vini til að auka hagnað hlut­hafa sinna kepp­ast ríki um mannauð og fjár­magn til að bæta lífs­kjör þegna sinna. Í því felst sam­keppn­in,“ seg­ir hann.

Stutt er síðan við losnuðum við stjórn sem vann akkúrat öfugt við þetta. 

... og at­vinnu­stigið hækkað. 

Hvað er "atvinnustig," og hvernig veit maður hvenar það hækkar?  Eða fáum við fleiri slík stig?

 Vaxta­stigið er hátt 

Er það? eða eru vextir kannski bara háir?  Hmm... þarf að hgsa það betur, eftir að ég hef endurskoðað sokkastigið, sem mér sýnist í meðallagi, kannski 43. sæti á heimsmælikvarða.  Eða hvað varðar heimsmælikvarða.  Eða hvaða ambögu sem menn nota nú til dags til þess að torvelda skilning.  Að auki er matarstigið nokkuð lágt eins og er, og þarf að hækka.  Held að kattastig nágrannastigsins hafi jafnvel komist í mjólurstigið og lækkað það.

erfitt er fyr­ir fyr­ir­tæki að afla sér fjár á markaði vegna gjald­miðils­ins og haft­anna.

Ég er viss um að þetta hefur allt með höftin og almennt vantraust á satt að segja mjög vafasömum stjórnvöldum okkar að gera, en ekkert með gjaldmiðilinn.  

Neikvætt viðhorf til alþjóðavæðingar

Ætlar SDU þá að leggja evrópu undir sig?

Gangi þeim vel með það...

„Evrópa tilheyrir okkur"

Enn ein bálkur úr pakkanum

Þarf að skoða hann allan.

 

***

 

VI. BÁLKUR

FLUTNINGASTARFSEMI

 

***

 

Uppáhaldið okkar.

 

***

 

90. gr.

Í málaflokkum, sem heyra undir þennan bálk, skal unnið að markmiðum sáttmálanna á grundvelli sameiginlegrar stefnu í flutningamálum. 

 

***

 

Sameiginleg stefna í flutningamálum?  Ætla þeir þá að vera sammála um að flytja allar vörur frá upphafspunkti að áfangastað?

 

***

 

91. gr.

1. Með tilliti til framkvæmdar 90. gr. og með hliðsjón af sérkennum flutningageirans skulu
Evrópuþingið og ráðið, í samræmi við almenna lagasetningarmeðferð og að höfðu samráði við
efnahags- og félagsmálanefndina og svæðanefndina, mæla fyrir um:
a) sameiginlegar reglur um millilandaflutninga til eða frá yfirráðasvæði aðildarríkis eða um
yfirráðasvæði eins eða fleiri aðildarríkja,
b) skilyrði fyrir því að flutningafyrirtæki, sem ekki hafa aðsetur í aðildarríki, megi veita þjónustu sína þar,
c) ráðstafanir til að bæta öryggi í flutningum,
d) önnur viðeigandi ákvæði.
2. Þegar ráðstafanir, sem um getur í 1. mgr., eru samþykktar skal taka tillit til tilvika þar sem beiting þeirra gæti haft alvarleg áhrif á lífskjör og atvinnustig á tilteknum svæðum og nýtingu flutningatækja. 

 

***

 

Alvarleg áhrif á llífskjör?  Ja... það hefur alltaf slæm áhrif á lífskjör ef það eru engir flutningar...

 

***

 

92. gr.

Þangað til ákvæðin sem um getur í 1. mgr. 91. gr. hafa verið sett er engu aðildarríki heimilt að breyta neinum þeim ákvæðum, sem giltu um flutningastarfsemi 1. janúar 1958 eða, þegar um ræðir ríki sem gerist aðili að Sambandinu, á aðildardegi þeirra, þannig að þau verði beint eða óbeint óhagstæðari flutningsaðilum frá öðrum aðildarríkjum en innlendum flutningsaðilum, nema ráðið samþykki einróma ráðstöfun um veitingu undanþágu.

 

***

 

Hvernig líst innlendum flutningafyrirtækjum á þetta?  En háttsettum frændum eigenda þeirra?

 

***

 

93. gr.

Aðstoð er samrýmanleg sáttmálum þessum ef hún bætir úr þörf fyrir samræmingu á sviði flutninga eða í henni felst endurgjald fyrir að rækja tilteknar skyldur sem falla undir hugtakið opinber þjónusta.

 

***

 

Hvernig er opinber þjónusta og flutningar sami hluturinn?  Ætla þeir að vera með sósíal-flutninga?

 

***

 

94. gr.

Í sérhverri ráðstöfun, sem er gerð innan ramma sáttmálanna varðandi flutningsgjöld og -skilmála, skal tekið mið af fjárhagsaðstæðum flutningsaðila.

 

***

 

Þarf þessi grein að vera þarna?  ... eða kannski, já.  Reynzlan kennir að ekki allir gera sér grein fyrir að fyrirtæki verða ekki rekin lengi undir núlli.

 

***

 

95. gr.

1. Þegar um er að ræða flutninga innan Sambandsins skal bönnuð hvers konar mismunun sem kemur fram í því að flutningsaðilar leggi á mismunandi gjöld eða setji mismunandi skilmála við flutning sams konar vöru á sömu flutningaleiðum, allt eftir því hvert uppruna- eða ákvörðunarland viðkomandi vöru er.
2. Ákvæði 1. mgr. koma ekki í veg fyrir að Evrópuþingið og ráðið geti samþykkt aðrar ráðstafanir
skv. 1. mgr. 91. gr.

 

***

 

Hlýtur að vera liður c.

 

*** 

 

3. Ráðið skal, að tillögu framkvæmdastjórnarinnar og að höfðu samráði við Evrópuþingið og
efnahags- og félagsmálanefndina, mæla fyrir um reglur um framkvæmd ákvæða 1. mgr.
Ráðið getur einkum sett nauðsynleg ákvæði til að gera stofnunum Sambandsins kleift að tryggja að
reglunni, sem mælt er fyrir um í 1. mgr., sé fylgt og að notendur hafi fullan hag af henni.
4. Framkvæmdastjórnin skal, að eigin frumkvæði eða að beiðni aðildarríkis, rannsaka öll tilvik um mismunun sem falla undir 1. mgr. og skal, að höfðu samráði við hvert hlutaðeigandi aðildarríki, taka nauðsynlegar ákvarðanir innan ramma þeirra reglna sem settar eru í samræmi við ákvæði 3. mgr. 

 

*** 

 

96. gr.

1. Aðildarríkjum er bannað að leggja á gjöld og setja skilmála er varða flutningastarfsemi innan
Sambandsins, sem fela í einhverjum mæli í sér aðstoð eða vernd, einu eða fleiri fyrirtækjum eða
atvinnugreinum í hag, nema framkvæmdastjórnin heimili það.

 

***

 

Undanþágur, undanþágur... 

 

*** 

 

2. Framkvæmdastjórnin skal, að eigin frumkvæði eða að beiðni aðildarríkis, kanna gjöld þau og
skilmála sem um getur í 1. mgr., annars vegar einkum með kröfur um æskilega efnahagsstefnu á
einstökum landsvæðum í huga, svo og þarfir vanþróaðra svæða og erfiðleika svæða þar sem alvarlegt stjórnmálaástand ríkir, og hins vegar með tilliti til áhrifa gjaldanna og skilmálanna á samkeppni milli mismunandi greina flutningastarfsemi.
Framkvæmdastjórnin skal taka nauðsynlegar ákvarðanir að höfðu samráði við hlutaðeigandi aðildarríki.

 

*** 

 

3. Bannið, sem um getur í 1. mgr., tekur ekki til gjalda sem ákveðin eru til að bregðast við samkeppni. 

 

***

 

Þetta er nú svolítið spúkí.

 

***

 

97. gr.

Álögur eða gjöld, sem flutningsaðili innheimtir umfram flutningsgjöld vegna flutnings yfir landamæri, mega ekki vera hærri en sanngjarnt er með hliðsjón af raunverulegum kostnaði vegna hans. Aðildarríkin skulu leitast við að draga smám saman úr slíkum kostnaði.

Framkvæmdastjórnin getur beint tilmælum til aðildarríkjanna varðandi framkvæmd þessarar greinar. 

 

***

 

Spes.

 

***

 

98. gr.

Ákvæði þessa bálks koma ekki í veg fyrir að gripið sé til ráðstafana í Sambandslýðveldinu Þýskalandi að því marki sem þörf er á slíkum ráðstöfunum til að bæta upp efnahagslegt óhagræði af völdum skiptingar Þýskalands fyrir atvinnuvegi á tilteknum svæðum Sambandslýðveldisins sem skiptingin snertir. Þegar fimm ár eru liðin frá gildistöku Lissabon-sáttmálans er ráðinu heimilt að samþykkja, að tillögu framkvæmdastjórnarinnar, ákvörðun sem fellir þessa grein úr gildi.

 

***

 

Fleiri undanþágur.

 

***

 

99. gr.

Með framkvæmdastjórninni skal starfa ráðgjafarnefnd, skipuð sérfræðingum tilnefndum af stjórnvöldum aðildarríkjanna. Framkvæmdastjórnin skal ráðfæra sig við nefndina um flutningamál hvenær sem hún telur ástæðu til.

 

***

 

100. gr.

1. Ákvæði þessa bálks skulu gilda um flutninga á járnbrautum, vegum og skipgengum vatnaleiðum.
2. Evrópuþinginu og ráðinu er heimilt að mæla fyrir um viðeigandi ákvæði varðandi flutninga á sjó og í lofti, í samræmi við almenna lagasetningarmeðferð. Þau skulu taka ákvörðun að höfðu samráði við efnahags- og félagsmálanefndina og svæðanefndina. 

 

***

 

Ákvæði þessa bálks gilda ekki þar sem engir flutningar fara fram.

 

***

 

Hér er yfirlýsing:

 

54. Yfirlýsing Sambandslýðveldisins Þýskalands, Írlands, Lýðveldisins Ungverjalands,
Lýðveldisins Austurríkis og Konungsríkisins Svíþjóðar
Þýskaland, Írland, Ungverjaland, Austurríki og Svíþjóð benda á að meginákvæðum sáttmálans um stofnun Kjarnorkubandalags Evrópu hefur ekki verið breytt í veigamiklum atriðum frá því að hann tók gildi og að nauðsynlegt er að uppfæra þau. Af þeim sökum lýsa löndin stuðningi við þá hugmynd að boðað verði til ráðstefnu fulltrúa ríkisstjórna aðildarríkjanna eins fljótt og verða má. 

Það held ég þessi græna vottun muni kosta okkur skattborgarana ansi mikið

... bara að segja.  Því enginn annar gerir það.

Ísland hættir að vera grænt

Nálgunarbann...

... er til þess að löggan hafi eitthvað á menn *ef* þeir nást við að brjóta það.

Ekki misskilja það of mikið. 

„Hann ætlar að láta mig borga“

Af þessu heyrum við fátt og sjaldan

eins og það er nú áhugavert að fylgjast með ólgu í suður-ameríku.

Alltaf jafn óheppnir með stjórn, þeir.

Mótmælendur beittir ofbeldi