Jákvætt og neikvætt

Það felst viss sparnaður í því fyrir þjóðina sem heild að vera ekki að eyða of miklum gjaldeyri í bíla.  Við framleiðum þá ekki, og nútíma-bíll á að endast vel yfir 15 ár, ef menn muna að fara alltaf reglulega og skifta um olíu.

Það er ekkert að því að vera á gömlum bíl.

Á móti gæti verið að bílum sé að fækka, sem getur bent til fátæktar -að fólk hafi bara ekki efni á að reka bíl- eða það sem verra er: að færri séu að fá bílpróf.

Bílpróf er dýrt.  Miklu dýrara en það þarf að vera.

Þið komið ekki auga á vandamálið alveg strax.  Ekki fyrr en viss hluti lágstéttarinnar (og hún mun verða til) þekkist á því að hún er ekki með slík réttindi.

Svona líkt og tekjulágt fólk þekkist núorðið á reykingium.

Þetta dregur úr möguleika þeirra til þess að fá vinnu, vegna þess að sum vinna felur í sér akstur.

Þetta verður svona í framtíðinni, vitiði til.

Og þið munið ekkert pæla í af hverju sumt fólk er svona útilokað frá vinnu, og þið munið ekkert gera til að laga þetta.

Bílaflotinn úreldist