Það sama og venjulega

Ég hef heyrt þetta allt áður.

"Í ræðu sinni nefndi Ögmund­ur að ... Kristján Þór ... heil­brigðisráðherra, hefði samþykkt stefnu í áfeng­is- og vímu­vörn­um til árs­ins 2020. Þar sé að finna Yf­ir­mark­mið stjórn­valda í áfeng­is- og vímu­vörn­um til árs­ins 2020. Þau eru meðal ann­ars:"

Ég held þessum formála, lítillega styttum...  

• Að tak­marka aðgengi að áfengi og öðrum vímu­gjöf­um.

 

... HAHAHAHAHAHA! 

 

Já... Man einhver eftir kreppunni?  Þið vitið, þessari sem byrjaði 2008, og stendur enn yfir?  Ja, á þeim tíma minnkaði kaupmáttur almúgans tasvert, og um leið ákváðu þessir snillingar sem segjast vilja okkur svo vel að hækka verðið á lífsins vökva.

 

Sem hefur allar götur síðan verið mikil gósentíð fyrir græna hagkerfið, sem er rekið úr svo mörgum bílskúrum, og einstaka blokkaríbúð í breiðholtinu.

 

Ah... ef ekki væri fyrir forræðishyggju, þá væri ekkert uppúr glæpum að hafa. 

 

• Að vernda viðkvæma hópa fyr­ir skaðleg­um áhrif­um áfeng­is og annarra vímu­gjafa.

Írónískt, finnst ykkur ekki, að vímuvarnar-aðferðirnar beini svo mörgum í maríúana í staðinn.

 

• Að koma í veg fyr­ir að ung­menni byrji að nota áfengi eða aðra vímu­gjafa.

Það hefur komið á daginn að þessi hugmynd var (og er enn) draumórar.  Það er reyndar merkilegt hversu langan tíma tekur að síast inn hjá hinum háu herrum að þetta virkar ekki hjá þeim.

 

Kannski eru þeir allir á harðari efnum en við almúginn þekkjum, eða getum ímyndað okkur?  

 

Er ekk­ert að marka það starf sem unnið er á veg­um stjórn­valda?

Nei.  En það er bara mín reynzla, byggt á raunveruleikanum.  Þið vitið, þessu sem fer ekkert í burtu þó maður hætti að trúa á það? 

Mér finnst að við eig­um að taka þessa umræðu fyrst og fremst út frá heil­brigðis­sjón­ar­miðum,

Sem eru?  Þetta sem fólk drekkur hvort sem þú leyfir það eða bannar það er hollara ef það er bannað? 

ég er til­bú­inn að taka hana á skatta­leg­um for­send­um og út frá sjón­ar­miðum neyt­enda og jafn­ræðis,“ sagði Ögmund­ur.

Ömmi er in it for the money, eins og alltaf. 

Hann sagðist vita til þess að það væru byggðir á land­inu þar sem mat­vöru­versl­un­in vill alls ekki sjá áfengi.

Lausnir: Sérvöruverzlanir.  Póstverzlun.  Eða bara Önnur matvöruverzlun.  Þið vitið - samkeppni.

„Á þá bara ekki að vera neitt vín á Pat­reks­firði?

Ef Patrónar kjósa það. 

Verð mun hækka,

Einungis ef reglurnar verða þannig að verzunin verður í höndum einokunaraðila. 

það mun draga úr fjöl­breytni

Aftur, fer eftir lögunum. 

og neysla mun aukast.“

Getum við drukkið meira?  Er það hægt?  Hér fyrir 2008, þegar þetta var smám saman að verða frjálslegra (en Ömmi & hinir kommarnir muna náttúrlega ekki svo langt aftur) þá var drykkjan smám saman að verða siðmenningarlegri.

Hér fyrir 1989 var drykkjan svo enn ferlegri.  Svo og skemmdarverkin.

En - hassið er komið til að vera.  Ríkið er búið að sjá til þess, með því að skapa réttu samkeppnisskilyrðin. 

„Dóp, en löglegt, sem betur fer“