Fór á bílasýningu að skoða Toyotur

Reynzluók einhverju sem þeir heimta að nefna "bZ4X".  Veit ekki hvaða hugsun býr að baki þeirri nafngift, tel helst líklegt að köttur hafi labbað yfir lyklaborðið, og þeir hafi látið það standa.

Þetta er rafmagns.  Það er hærra undir þetta en sýnist.

Rafdrifið, kemst meira en 300 km á hleðzlunni, þannig að ef ú býrð í borginni þá kemstu fram og aftur, alla leið til Akraness og jafnvel út á Selfoss án þess að hafa áhyggjur.  Þarf bara að hlaða geymana 2 í viku.

Gengur minna upp á landsbyggðinni, eins og allt svona.

Góður bíll samt, er eins og að aka um á granít-drang.  Mjög hastur, en mikil gæða tilfinning.  Ég segi að þetta sé eins og Benz, bara til þess að láta blæða úr eyrunum á Benz eigendum.

Verð: allir peningarnir.

Prófaði líka Toyotu Highlander: 

Amerískur bíll fyrir amerískt hugsandi menn, sem byrja daginn á að fá sér kaffi, segja "let's go Brandon" eða "FJB" ef þannig liggur á.

Nóg pláss fyrir AR-15 í skottinu, 1911 í hanskahólfinu og Glock í hurða-hólfunum.  Það eru glasahaldarar.

Miklu þægilegri bíll en þessi ZX4Jwhatever hér að ofan.

Kannski aðeins minni snerpa - og hann vill urra nokkuð ef maður er eitthvað að gefa honum inn.  Það er bara 2.5 vél þarna undir húddinu.  Nóg til að hreyfa bílinn.

Það er alveg hægt að fá LandCruiser fyrir minna... en hver gerir það?

Þetta er alveg 6 milljón króna bíll í Ameríku, en kaninn stendur Íslendingum líka framar að þessu leiti, eins í og svo mörgu öðru.

Hvor er með meiri vanvita sem forseta, við eða þeir?  Það er kannski þar sem við getum keppt á einhverjum jafnréttisgrunni.