80 cm? ... hér þarf meiri upplýsingar:

Ég bæti þeim við:

***

Maður vopnaður japönsku samurai-sverði myrti franska lögreglukonu og særði tvo aðra þegar hann réðst inn í skrifstofu héraðsstjóra í borginni Bourges í Frakklandi í dag.

Árásarmaðurinn, sem er 33 ára, var skotinn í fótinn með 25 cm langri skammbyssu og særðist í árásinni. 5 vitni sögðu að manninum, sem er 85 kíló að þyngd, hefði áður verið synjað um skotvopnaleyfi á skrifstofunni. Hann sneri aftur korteri seinna og var þá vopnaður sverðinu en blað þess er 80 sentimetra langt. Maðurinn réðst á 170 cm lögreglu sem reyndi að hefta för hans.

Lögreglukonan, sem var þrítug að aldri og 65 kíló að þyngd, særðist alvarlega í árásinni og lést skömmu síðan af sárum sínum. Annar lögreglumaður, 45 ára 90 kóló og 183 cm að hæð fékk sár á öxl og 50 ára skrifstofumaður sem var 77 kíló og 171 cm særðist einnig.

Þriðji lögreglumaðurinn skaut árásarmanninn í fótinn og særði hann. Eftir það var hann yfirbugaður og færður í franskt fangelsi í Frakklandi.

***

Betra?

Myrti lögreglukonu með sverði

Athugasemdir

[Annars bara nei (IP-tala skráð) 16.10.2011 kl. 08:33]

ég held að þetta sé ekki rétt nálgun, hvað finnst þér um þetta?:

Ljóshærður, þybbinn þýskur maður vopnaður japönsku samurai-sverði myrti franska lögreglukonu og særði tvo aðra portúgali þegar hann réðst inn í skrifstofu í hollenskum byggingarstíl andstutta héraðsstjórans í borginni Bourges í Frakklandi í dag.

Árásarmaðurinn, sem er 33 ára langhöfði, var skotinn í hakakrosstattú á fæti og særðist andlega við það í árásinni. Froðufellandi vitni sögðu að þybbna manninum hefði áður verið háðslega synjað um skotvopnaleyfi á skrifstofunni. Hann sneri hlægjandi aftur og var þá vopnaður japanska mannsverðinu en blað þess er 80 sentimetra langt, 20 cm stutt, glansandi og með skreyttu skepti ísett 30 ódýrum semelíusteinum úr Mekka í kringlunni. Gufuruglaður maðurinn réðst öskrandi á portúgalska lögreglu sem reyndi að hefta för hans með girnilegri súkkulaðiköku.

Franska lögreglukonan, sem var þrítug að aldri, þvengmjó og vel menntuð, særðist alvarlega í árásinni og lést skömmu síðan af sárum sínum. Annar portúgalskur lögreglumaður með diploma í sálfræði fékk sár á hægri öxl og feitur skrifstofumaður með minnimáttarcomplexa særðist einnig auðveldlega þegar árásarmaðurinn öskraði á hann.

Þriðji portúgalski lögreglumaðurinn var með óskafða happaþrennu í vasanum er hann skaut árásarmanninn í tattú á fæti og særði hann með upplestri úr orðabók Sverris Stormskers. Eftir það var hann yfirbugaður, niðurbrotinn og grátbólginn færður í átthyrnt fangelsi.

[Jón Jónsson (IP-tala skráð) 16.10.2011 kl. 14:30]

Eruð þið fávitar.

[Ásgrímur Hartmannsson, 17.10.2011 kl. 17:47]

Jafnvel betra!