Hvernig fá þau þetta út?

Starfsmenn kynferðisbrotadeildar lögreglu merkja augljós áhrif kláms í mörgum þeim kynferðisbrotamálum sem inn á þeirra borð koma.

Er það? Hvernig? Hvernig vita þeir að ekki er bara um að ræða eitthvert persónulegt "kink" hlutaðeigandi?

Regla 34, og allt það. 

Oft eru hugmyndir ungs fólks um kynlíf mjög ólíkar þegar það t.d. hittist eftir að hafa kynnst á netinu.

Vegna þess að fólk er ekki allt eins, kannski? 

Sigríður áréttaði að hver og einn skilgreindi eflaust klám á mismunandi hátt en sagði að í flestra huga væri þó um að ræða einhvers konar öfgar sem oft vektu tilfinningar eins og vanlíðan eða viðbjóð.

Jæja... fólk, það er ekki til "vont klám," það er bara klám sem höfðar til þín, og klám sem höfðar ekki til þín. 

Flestir geti verið sammála um að barnaklám uppfylli þessi skilyrði,

Flestir geta líklega verið sammála um að BDSM uppfylli þessi skilyrði.  (Held ég.)  Munurinn felst í einu: "lögráða einstaklingar."

Engu að síður sagði Sigríður að hugtök s.s. klám og kynlífsmenning væru kynferðisbrotadeild lögreglu vel kunn

Hey, mér finnst leitt að þurfa að segja spekingunum þetta, en: "Ekkert kynlíf, ergo engin menning." 

„af því að það er alveg skýr og augljós eftiröpun úr klámi í mörgum þeim málum sem inn á okkar borð koma.“

Aftur: hvernig vita þeir það?  Sagði brotamaðurinn það sjálfur? 

Sigríður sagði að í þessum málum væri oft um ungmenni að ræða og að hugmyndir þeirra um hvað væri eðlilegt í kynlífi væru oft og tíðum mjög brenglaðar,

Ja, ef hugmyndir viðkomandi um eðlilegt kynlíf er nauðgun, þá náttúrlega er eitthvað skrítið á seyði. 

„Við verðum hins vegar líka vör við þá tilhneigingu hjá ungum konum að telja sig þurfa að þóknast karlmönnum og veita þar af leiðandi lítið mótstöðuafl. „Að láta sig hafa það“ eru orð sem við heyrum oft frá ungum konum, “ sagði Sigríður.

Hljómar mjög kunnuglega, einhvernevegin.  Mjög... Viktoríutímabilslegt. 

Málin sem koma inn á borð kynferðisbrotadeildar lögreglu einkennast að hennar sögn oft af vangetu ungs fólks til að setja sér mörk og virða mörk annarra.

Ekki bendla "ungt fólk" við þetta.  Það er rakalaus alhæfing. 

„Þetta orð, „virðing“, kemur afskaplega lítið við sögu í þessum málum,“ sagði Sigríður.

Eins og pésarnir segja: "nauðgun er glæpur."  Krimmar bera ekki virðingu fyrir neinu.  Því þeir eru krimmar. 

Þetta klámefni hefur orðið grófara með hverju árinu

Hvernig þá?  Hvernig er það einusinni hægt?  Það toppar enginn Ero-guro senuna, en það er eitthvað sem er búið að vera til síðan fyrir WW2.  Bara sem dæmi. 

Þorbjörg vitnaði til rannsóknar sem Rannsókn og greining gerði meðal menntaskólanema hér á landi árið 2004 og leiddi í ljós að 57% pilta í framhaldsskólum sögðust skoða klám einu sinni í viku eða oftar, en aðeins 3% stúlkna.

Þetta eru ekki fréttir. 

Hún benti á að oft hafi ungt fólk bæði mjög óljósar hugmyndir, og ýmsar ranghugmyndir, um kynlíf en einnig um kynferðisofbeldi.

Þau læra. 

Í 36% þeirra mála sem Barnahús sinnir eru gerendur á aldrinum 12-17 ára, þ.e börn og unglingar sem sýna af sér óæskilega kynhegðun eða misnotar önnur börn.

Og það er hve stór hluti af þýðinu "Íslendingar?"  Hey, sumir eru bara afbrigðilegir.  Einhver til í að veðja að þessir gerendur þeirra haldi áfram á sömu braut þegar þeir eldast?  Það væri athugandi að tékka á því. 

Ég hef sterklega á tilfinningunni, byggt á fyrri reynzlu, að hér sé fólk að snúa við orsakasamhengi.  Það virðist gerast í hvert einasta skifti.  Af einhverjum orsökum.

Skýr áhrif kláms í kynferðisbrotum

Athugasemdir

[Sigurður (IP-tala skráð) 16.10.2012 kl. 21:42]

Spot on! ... og ég spái því að það verði vísað töluvert í þessi "sannindi" á næstu misserum.

[Ásgrímur Hartmannsson, 16.10.2012 kl. 21:52]

Ég vona ekki. Heimurinn þarf ekki fleiri "sannindi."

[k (IP-tala skráð) 16.10.2012 kl. 22:46]

Vanhelgun. Afmennskun. Virðingarleysi. Svínslifnaður. Nokkur hugtök sem lýsa vel ástlausu kynlífi nútímans,  meðal þeirra manna sem láta sjónvarpið og klámiðnaðinn forrita sig eins og heilalaust vélmenni, og búa ekki lengur yfir snefil af eðlilegri karlmennsku, hvað þá grundvelli hennar, sjálfstæðinu.

[Ásgrímur Hartmannsson, 16.10.2012 kl. 23:05]

Já já já, heimur versnandi, fer eins og venjulega.

[Jón Flón (IP-tala skráð) 17.10.2012 kl. 00:22]

Hvers vegna pirrar þetta málefni þig svona mikið, minn kæri Ásgrímur? :) Er ekki eðlilegt að pæla í þessu eins og öðrum hlutum í samfélaginu? Getum við ekki bara fagnað því að það sé þó umræða uppi á yfirborðinu?

Tek það fram að ég merki alveg augljósa breytingu á milli kynslóða, en svo er það vissulega rétt að hver og ein kynslóð þarf að finna sig í breyttum heimi. Áhrif Elvis og Bítlanna voru sem dæmi talin merki um hnignandi þróun samfélagsins þannig að "heimur versnandi fer" syndromeið verður auðvitað alltaf til staðar. En það breytir því ekki að öll umræða er góð. Ekki satt?

[Sigurður Jónsson (IP-tala skráð) 17.10.2012 kl. 12:07]

Er það ekki einmitt það sem hann er að gera Jón Flón? Pæla í þessu? Ég mæli sterklega með að fólk kynni sér hvað er að baki áróðri Gail Dines.

[Magnús Hákonarson (IP-tala skráð) 17.10.2012 kl. 12:51]

Fyrri hluti þáttar Penn & Teller um klám

http://www.youtube.com/watch?annotation_id=annotation_190780&feature=iv&src_vid=QbjeYaUTDN0&v=-k-mjxnFmxo

[Sigurður Jónsson (IP-tala skráð) 17.10.2012 kl. 12:54]

Það er einmitt hægt að sjá þennan þátt í heild sinni og óruglaðan hjá mér. Mjög fróðlegur þáttur en þar er einmitt talað við sjálfa Gail Dines.

[Ásgrímur Hartmannsson, 17.10.2012 kl. 16:51]

Rakalaus þvættingur borinn fram sem einhver eilíf vizka fer alltaf í taugarnar á mér.