Hvað er hann að röfla?

Förum yfir þetta:

 

„Ég vil vara við hugtakinu útflutningstekjur.“

Af hverju?  Bítur það? 

á fundinum fjallaði Andri Snær um hvers vegna umhverfisverndarfólk hefði ákveðið að spyrna við fótum við áformum um mikla uppbyggingu í áliðnaði.

Og sagði hann það? 

„Útflutningstekjur af áli er [...] einhvers konar andleg nýlenduvæðing af hálfu hagsmunaaðila til að telja fólki trú um að 260 milljarðar sé raunverulega að koma til okkar í útflutningstekjur,“ sagði Andri Snær.

Það eru hans orð.  En fyrir okkur hin, sem notum stöffið milli eyrnanna til þess að hugsa með því þýðir það að einhver græðir pening á því að flytja út ál.

Afurðir orkufreks iðnaðar voru samkvæmt tölum frá Hagstofu Íslands 257 milljarðar árið 2011 og 257 milljarðar árið 2012. Útflutningstekjur af sjávarútvegi námu 251 milljarði árið 2011, en 268 milljörðum árið 2012.

Ágætt að heyra það. 

Andri Snær sagði að á síðasta áratug hefðu verið uppi áform um að nær öll virkjanleg orka á Austurlandi færi til Alcoa og að nær öll virkjanleg orka á Norðurlandi færi til sama fyrirtækisins. Á sama tíma hefði verið uppi mikil áform um uppbyggingu stóriðju í Helguvík, stækkun á Grundartanga, stækkun í Straumsvík og uppbygging í Þorlákshöfn. Allt hefði þetta átt að gerast á svipuðum tíma og í reynd hefði ein kynslóð ætlað að nýta stóran hluta af allri virkjanlegri orku í landinu.

Hljómar vel. 

Þetta hefði þýtt að önnur hver náttúruperla á Íslandi hefði verið í hættu.

"Beauty is in the eye of the beholder."

Þetta hefði kallað á fjárfestingar og skuldir upp á 500-1000 milljarða. 

Skuldir sem hægt hefði verið að borga með fjárfestingunni.

„Þetta voru skuldir sem áttu að þjóna einum málmi og hugsanlega 2-3 fyrirtækjum,“

Skuldir þjóna engum.  En, alas, enginn virðist hafa efni á að staðgreiða stóriðju.... 

„Þessi mynd var uppi og hún var ekki sett fram sem nauðsynleg eða möguleg heldur var hún sett fram sem óhjákvæmileg framtíðarsýn til að lifa af á þessu landi.“

Hvað annað ætluðum við að starfa við?  Ég veit ekki hvort maðurinn tekur eftir því, en við erum í mjög heftu kerfi hérna, og megum ekki gera neitt, svo stóriðja skal það vera.  Annað hvort það eða staðna við 250.000 manns.

Andri Snær sagði að fólk sem þykir væntum landið sitt hefði risið upp gegn þessari framtíðarsýn.

Og hvað bauð það í staðinn? 

„Það má segja að umhverfisumræða á Íslandi hafi tekið  nokkur skref aftur á bak því að hún fór að mestu leyti í umræður um ál og orku á meðan fráveita, rusl, flokkun og umferð sátu á hakanum hjá umhverfissamtökum.“ 

Hér í Eyjum líkar okkur verulega illa við alla flokkun.

Þorsteinn benti á að orkuklasinn hefði á síðasta ári skilað yfir 100 milljörðum í tekjur,

Fyrir hvern?  (Ég efast um alla)

Starfsmenn orkufyrirtækjanna væru um 1.100 og um 3.500 starfsmenn störfuðu í fyrirtækjum sem notuðu mikla orku.

Sem er eiginlega mergurinn málsins.  Við hvað annað átti þetta fólk að starfa?  Það geta ekki allir verið þjónar á kaffihúsi. 

Til viðbótar væru um 5.200 afleidd störf.

Svo vitað sé. 

Um væri að ræða tæknivædda starfsemi og menntunarstig starfsmanna væri hátt.

Uss!  Ekki hræða leftistana með greindarvísitölunni ykkar! 

 

Útflutningstekjur marklaust hugtak