Var að klára að lesa "Manifesto hægri manns"

Það kom á daginn að það er safn af blaðagreinum, skrifuðum milli 2007-2012.

Sem greinar, lesnar ein á tveggja vikna fresti er þetta allt í fína, en sem heil bók verður maður var við endurtekningar.

Ef endurtekningarnar hefðu verið teknar úr, hefði bókin styst um a.m.k. 20 blaðsíður.

Við lesturinn kemur á daginn að Óli Björn er töluvert lengra til hægri en Sjálfstæðisflokkurinn.  Sem er í sjálfu sér ekki erfitt.  Það eina sem þarf til þess er að efast um að ríkið sé besti aðilinn til þess að stjórna hvað peningarnir manns fara í.

Málfar undanfarinna 5 ára er svolítið pain.  Á hverju ári virðast fleiri gleyma að nota smáorð, og nota í staðinn leiðinlegar fjölatkvæða ambögur eins og "þegar kemur að" og "hvað varðar."

Fólk þarf í alvöru að hætta þessu. 

Ekki leiðinleg lesning samt.  Gaurinn hefur alveg læsilegan stíl, ólíkt sumum verðlauna-höfundum sem ég gæti nefnt.