Skattur á eignir, ekki tekjur af eignum

Það er auðlegðargjaldið.  Ef þú átt nógu dýrt land, þá þarftu að borga af því, skv þessu, þó þú hafir engar tekjur af því.

„Telur dómurinn, eins og atvikum er háttað, að sá hópur skattaðila sem þurfi að sæta auðlegðarskatti, sé ekki svo fámennur að fari í bága við [...] ákvæði stjórnarskrárinnar,“ 

Eru fjöldatakmörk á skattlagningu?  Hver eru þau?  Hve stór verður hópurinn að vera til þess að hafa megi skatttekjur af honum? 

„Það er eitt megineinkenni skatthugtaksins að skatta beri að leggja á eftir almennum efnislegum mælikvarða og vissri jafnræðisreglu, þannig að skattþegnum sé ekki mismunað óeðlilega. Þetta þýðir m.a. að skattur verði ekki heimtur af tilteknum aðilum, þannig að öðrum, sem eins eða líkt stendur á hjá, er sleppt.“

Ja, eignaupptakan lenti jafnt á öllum, vissulega...  en var líka alveg óháð því hvort fólk hafði þessar tekjur eða ekki.  Sem er það sem kærandi var að benda á... eða réttara sagt, reyna að benda á. 

Þá segir að í dómaframkvæmd hafi löggjafinn verið talinn hafa víðtækt vald til að ákveða hvaða atriði skuli ráða skattlagningu, jafnvel þó slík ákvörðun feli í sér eignaskerðingu.

Og engar bætur komu fyrir þeirri eignaskerðingu. 

Skilyrði er þó ávallt að hún byggist á almennum efnislegum mælikvarða og að gætt sé jafnræðisreglna. 

En ekki stjórnarskrá? 

Nei, nú skil ég ekki.

Heimilt að leggja á auðlegðarskatt