Frakkar gera hlutina öðruvísi en við, en sumir vilja vera alveg eins og við

Kynlifendur í Frakklandi,

Ha? 

það er að segja þeir sem hafa viðurværi sitt af kynlífsþjónustu,

Hórur, sem sagt.  Karl eða kven, take your pick. 

franska þingið mun senn taka á dagskrá frumvarp sósíalista þess efnis að refsivert verði að greiða fyrir slíka þjónustu.

Þarna þekki ég þá. 

Komu kynlifendur saman til fjöldamótmæla í París í vikunni, þar sem sjá mátti slagorð eins og „vændi er líka vinna“ og „refsið ekki viðskiptavinunum“.

Ólíkt hafast þeir að, fransmenn. 

343 menntamenn sendu frá sér yfirlýsingu í nóvemberhefti tímaritsins Causeur þess efnis að þeir áskilji sér rétt til að festa kaup á kynlífsþjónustu hvar sem og hvenær sem er.

Það eru kannski ýkjur.  Ég sé alveg fyrir mér stað og stund þar sem það væri óviðeigandi. 

Uppátæki menntamannanna hefur að vonum mælst illa fyrir meðal femínista í Frakklandi.

Vonandi ekki allra, það væri niðurdrepandi. 

Ekki nóg með að þeim þyki málstaðurinn vondur heldur segja þeir hópinn hafa stolið hugmyndinni að yfirlýsingu sinni frá Simone heitinni de Beauvoir, rithöfundinum og hugsuðinum fræga, en árið 1971 fór hún fyrir hópi kvenna, 343 að tölu, sem krafðist þess að fóstureyðingar yrðu leiddar í lög.

Þegar maður hugsar um það, þá er alveg góð hugmynd að stela þessari hugmynd frá henni.

Auðveldlega má færa rök fyrir því að hórerí sé móralskari iðja en fóstureyðingar. 

Gjörningurinn mæltist í fyrstu illa fyrir og voru konurnar úthrópaðar í fjölmiðlum og víðar. Hann er þó almennt talinn hafa átt stóran þátt í því að fóstureyðingar voru leyfðar í landinu fjórum árum síðar.

Næsta skref er þá væntanlega að banna fóstureyðingar. 

Þannig segir Najat Vallaud-Belkacem, ráðherra kvenréttindamála, að fráleitt sé að bera þetta tvennt saman.

Viðurkennum við hér fúslega að þetta er eins og að bera saman epli og appelsínur.  En það er ekkert svo rangt, þar sem bæði eru ávextir sem hægt er að pressa í safa. 

„Dræsurnar 343 báðu um að fá að nota eigin líkama að vild. Delarnir 343 krefjast þess að fá að nota líkama annarra að vild,“ segir hún.

Strangt til tekið er þetta rangt.  Þessir gaurar eru að berjast fyrir því að *fá að borga fyrir að* nota líkama annarra að vild.

Vallaud-Belkacem hefur áður lýst yfir því að hún vilji banna vændi, ekki bara í Frakklandi heldur í gjörvallri Evrópu.

Frekja og ekkert annað. 

Franski sósíalistaflokkurinn hefur um nokkurra ára skeið haft það á stefnuskrá sinni að láta vændiskaup varða við lög. Það hefur þó verið meira í orði en á borði – þar til nú að frumvarp þessa efnis var lagt fram á þinginu. 

Hvað dettur þeim í hug næst?

Þeir eru búnir að fæla stóra prósentu af auðmönnum landsins úr landinu, frægasta tilfellið er þessi Depardju sem flutti til Rússlands.  Sem er allt í einu orðið eitthvert athvarf fyrir auðmenn... spes.

Svo ætluðu þeir að byrja á einhverju stríði við Sýrland.

Það má alveg búast við skrautlegum hlutum úr Frans í framtíðinni.

„Vændi er líka vinna“