Það á semsagt ekki að vera tjáningarfrelsi

"Þingmenn Pírata hafa lagt fram frumvarp á Alþingi um breytingar á almennum hegningarlögum þar sem lagt er til að þeim ákvæðum laganna sem setja tjáningarfrelsinu skorður verði breytt á þann veg að ekki verði heimilt að dæma menn til fangelsisvistar fyrir að tjá skoðanir sínar. Þess í stað verði gert ráð fyrir sektum."

Frábært.  Að sekta fólk fyrir að segja það sem því finnst. 

Tjáning skoðana varði ekki fangelsi

Athugasemdir

[Helgi Hrafn Gunnarsson (IP-tala skráð) 13.2.2014 kl. 17:42]

Það gleður mig að þú hafir þessar áhyggjur vegna þess að ég og Píratar deilum þeim með þér.

Málið er bara að við erum ekki að senda einhver pólitísk skilaboð heldur að reyna að taka skref í átt til tjáningarfrelsis. Það liggja þegar sektir EÐA fangelsi við öllum þessum brotum. Við viljum byrja á að fjarlægja allavega fangelsisrefsingarnar vegna þess að við teljum mögulegt að Alþingi samþykki það.

Það er hinsvegar deginum ljósara að það er ekki meirihlutastuðningur á Alþingi (því miður) fyrir því að afnema greinarnar með öllu. Það þarf að vera í sér máli.

Góðir hlutir gerast hægt. Það þýðir ekkert að taka stórstökk á Alþingi, við verðum að gera hlutina í skrefum.

Vertu fyrst brjálaður ef Alþingi hafnar þessu.

En athugaðu að það eru þegar sektir við þessu öllu saman. Við erum ekki að leggja til neinar nýjar sektir, heldur að fjarlægja fangelsishótanir fyrir tjáningarbrot.

M.ö.o. þetta er _alfarið_ efling á tjáningarfrelsi og ekki skerðing á því að neinu leyti.

Síðast en ekki síst; það hefur aldrei ríkt nógu mikið tjáningarfrelsi á Íslandi. Við erum að reyna að laga það.

[Ásgrímur Hartmannsson, 13.2.2014 kl. 20:08]

Veit ég þetta - en hef áhyggjur af að sektir verði til að festa tjáningarhelsið í sessi, peninganna vegna.