Bara ef það virkar

Skv atferlisfræðinni heitir það bara refsing ef það stöðvar tiltekna hegðun.  Sem reyndar þýðir að það sem er stundað í fangelsum er ekki refsing, heldur lagerun. 

Miðlun lögreglu höfuðborgarsvæðisins á upplýsingum til fjölmiðla um Sigurð Kárason í upphafi rannsóknar á málum hans var óforsvaranleg og leiddi til fjölmiðlafárs. Það olli Sigurði og fjölskyldu hans miklum miska og lítur hann á það sem sína raunverulegu refsingu,

Af hverju grunar mig að þetta fái ekki eins mikið á hann og hann segir?  

Sigurður hefur ávallt lýst yfir sakleysi sínu í málinu og reifaði verjandi hans helstu röksemdir fyrir því. „Ákærði stundaði margskonar viðskipti við allskyns fólk á þessu tímabili og á þeim tíma tók hann lán hjá fólki vegna viðskiptanna.“

Ja... ef bara einn væri að röfla  yfir þessu, þá tæki maður hann kannski trúanlega, en þegar það verða fleiri en þrír, og það óskildir aðilar, fer mann nú að gruna annað.

Þetta hafi jú verið áhættufjárfesting.

Það má nú kalla hlutina ýmsum nöfnum. 

Aldrei hafi blekkingum verið beitt til að fá fjármagn frá fólkinu og féð hafi ekki verið notað í eigin þágu.

Sem leiðir hugann að því: hvað gerði hann við alla þessa peninga? 

 Þegar í upphafi hafi verið búið að taka ákvörðun um að ákæra Sigurð, áður en rannsóknin hófst. Það sjáist best á upplýsingagjöf lögreglunnar til fjölmiðla.

Auðvitað - þegar fjöldi fólks bar uppá hann þjófnað, þá lá það beinast við. 

Hins vegar sé greinilegt að í mörgum tilvikum hafi einfaldlega verið um lán að ræða og engar blekkingar hafi búið þar að baki. 

Var það ekki einmitt málið?  Að hann sló lán hjá þessu fólki, sem hann gerði sig ekki líklegan til að borga aftur? . 

Bað verjandinn því dómara að sýna þessu skilning fari svo að hann telji Sigurð hafa brotið af sér. Hans þörf sé brýn heima við og frestun refsingar skilorðsbundið nægi til að halda honum frá afbrotum í framtíðinni.

Var hann ekki að enda við að barma sér yfir að hafa verið ranglega sakaður um eitthvað?  Hvað meinar hann þá með að ætla að halda sér frá afbrotum í framtíðinni? 

Að endingu sagði hann að Sigurði hafi gengið gott eitt til, að eiga viðskipti sem áttu að vera ábatasöm fyrir viðskiptavini hans og hann sjálfan.

Er það já? 

Ég sé fyrir mér að við eigum eftir að heyra frá þessum manni aftur, vegna svipaðra mála.  Nokkurra.

Fjölmiðlafárið raunveruleg refsing