Höldum áfram að kíkja í pakkann.

Þ.e.a.s Lissabonsáttmálann.  Bara 307 bls eftir.  Enn sem komið er hefur þetta mestmegnis verið ungæðislegur idealismi, en sjáum hvernig framhaldið er:

 

5. gr.
(áður 5. gr. stofnsáttmála Evrópubandalagsins)
1. Valdmörk Sambandsins ráðast af meginreglunni um veittar valdheimildir. Dreifræðisreglan og
meðalhófsreglan gilda um beitingu valdheimilda Sambandsins.  

2. Samkvæmt meginreglunni um veittar valdheimildir skal Sambandið einungis aðhafast innan
ramma þeirra valdheimilda sem aðildarríkin veita því í sáttmálunum til að ná markmiðum sáttmálanna.  

Aðildarríkin fara áfram með þær valdheimildir sem Sambandinu eru ekki veittar í sáttmálunum. 

 

***

 

Eitthvað sem kemur fram seinna í textanum  - Dreifræðisreglan hlýtur að koma frá Þjóðverjum.  Eftir slæma reynzlu af öðru frá Nazistum, hugsa ég.  Ef einhver veit betur, endilega segið frá.

 

*** 

 

3. Samkvæmt dreifræðisreglunni skal Sambandið grípa til aðgerða á sviðum þar sem það fer ekki
með fullar valdheimildir því aðeins að, og einungis að því marki sem, aðildarríkin geta ekki fyllilega
náð markmiðum aðgerðarinnar, hvort heldur er á vettvangi ríkis, svæða eða sveitarfélaga, og þeim
verður betur náð á vettvangi Sambandsins sökum umfangs aðgerðarinnar eða áhrifa af henni.
Stofnanir Sambandsins skulu beita dreifræðisreglunni á þann hátt sem mælt er fyrir um í bókun um
beitingu dreifræðisreglunnar og meðalhófsreglunnar. Þjóðþingin tryggja að dreifræðisreglunni sé fylgt í samræmi við málsmeðferðina sem lýst er í þeirri bókun. 

 

***

 

Ókey.

 

***

 

4. Samkvæmt meðalhófsreglunni skulu aðgerðir Sambandsins ekki ganga lengra, að efni til eða
formi, en nauðsynlegt telst til að ná markmiðum sáttmálanna.
Stofnanir Sambandsins skulu beita meðalhófsreglunni á þann hátt sem mælt er fyrir um í bókun um beitingu dreifræðisreglunnar og meðalhófsreglunnar. 

 

***

 

6. gr.
(áður 6. gr. sáttmálans um Evrópusambandið)
1. Sambandið viðurkennir þau réttindi, það frelsi og þær meginreglur sem kveðið er á um í sáttmála
Evrópusambandsins um grundvallarréttindi frá 7. desember 2000, eins og honum var breytt í Strassborg 12. desember 2007, og skal sá sáttmáli vera jafngildur sáttmálunum að lögum.  Ákvæði sáttmálans um grundvallarréttindi skulu ekki rýmka á neinn hátt valdheimildir Sambandsins eins og þær eru skilgreindar í sáttmálunum. 

Túlka skal þau réttindi, það frelsi og þær meginreglur sem kveðið er á um í sáttmálanum um
grundvallarréttindi í samræmi við almenn ákvæði VII. bálks sáttmálans um túlkun hans og beitingu og að teknu tilhlýðilegu tilliti til skýringanna, sem um getur í honum, þar sem gerð er grein fyrir uppruna þessara ákvæða.

 

***

 

Ég held að við séum nú þegar aðilar að Strassborgarsáttmálanum.  Hann er óháður ESB.

 

*** 

2. Sambandið skal gerast aðili að Evrópusamningi um verndun mannréttinda og mannfrelsis. Slík
aðild skal ekki hafa áhrif á valdheimildir Sambandsins eins og þær eru skilgreindar í sáttmálunum.

3. Grundvallarréttindin, sem tryggð eru með Evrópusamningi um verndun mannréttinda og
mannfrelsis og eins og þau leiðir af sameiginlegum stjórnskipunarhefðum aðildarríkjanna, skulu teljast almennar meginreglur í lögum Sambandsins. 

 

***

 

Væri vestrænt réttarríki öðruvísi.

 

***

 

7. gr.
(áður 7. gr. sáttmálans um Evrópusambandið)
1. Að fenginni rökstuddri tillögu þriðjungs aðildarríkjanna, Evrópuþingsins eða framkvæmdastjórnar Evrópusambandsins getur ráðið komist að þeirri niðurstöðu, með meirihluta er nemur fjórum fimmtu þeirra sem eiga setu í því og að fengnu samþykki Evrópuþingsins, að raunveruleg hætta sé á að aðildarríki sniðgangi gróflega þau gildi sem um getur í 2. gr. Áður en ráðið kemst að slíkri niðurstöðu skal það hlýða á málflutning viðkomandi aðildarríkis og er ráðinu heimilt að beina til þess tilmælum í samræmi við sömu málsmeðferð.
Ráðið skal ganga úr skugga um það reglulega að þær ástæður, sem voru forsenda niðurstöðunnar, eigi enn við.

 

*** 

 

Hvað svo?

 

*** 

2. Leiðtogaráðið getur einróma komist að þeirri niðurstöðu, að tillögu þriðjungs aðildarríkjanna eða
framkvæmdastjórnarinnar og að fengnu samþykki Evrópuþingsins, að aðildarríki hafi ítrekað sniðgengið gróflega þau gildi, sem um getur í 2. gr., eftir að hafa boðið viðkomandi aðildarríki að leggja fram athugasemdir.

 

*** 

 

Næstum það sama og málsgreinin á undan...

 

*** 

 

3. Verði komist að niðurstöðu í samræmi við 2. mgr. getur ráðið ákveðið, með auknum meirihluta,
að svipta viðkomandi aðildarríki tímabundið einhverjum þeim réttindum sem leiðir af beitingu
sáttmálanna, þ.m.t. atkvæðisrétti fulltrúa stjórnvalda þess aðildarríkis í ráðinu. Ráðið skal þá jafnframt taka tillit til mögulegra afleiðinga slíkrar tímabundinnar sviptingar á réttindi og skyldur einstaklinga og lögaðila.
Skuldbindingar viðkomandi aðildarríkis samkvæmt sáttmálunum skulu eftir sem áður vera bindandi fyrir það ríki í öllum tilvikum.

 

***

 

Hver eru þessi réttindi?  Nú, þau eru væntanlega tíunduð á eftir.

 

*** 

 

4. Ráðið getur ákveðið síðar, með auknum meirihluta, að breyta ráðstöfunum, sem gerðar eru skv. 3. mgr., eða afturkalla þær ef breytingar verða á þeim aðstæðum sem leiddu til þess að þeim var komið á.

 

***

 

5. Mælt er fyrir um tilhögun atkvæðagreiðslu, sem gildir fyrir Evrópuþingið, leiðtogaráðið og ráðið að því er varðar þessa grein, í 354. gr. sáttmálans um starfshætti Evrópusambandsins. 

 

***

 

Það er annar doðrantur.

 

***

 

8. gr.
1. Sambandið skal koma á sérstökum tengslum við nágrannalönd sín í því skyni að koma á svæði
hagsældar og velvildar milli nágrannaríkja, sem er reist á gildum Sambandsins og einkennist af nánum og friðsömum tengslum á grundvelli samvinnu.

 

***

 

Við getum bara vonað.  Þetta er samt enn tollabandalag, ekki satt?  Svona til að draga aðeins úr þessari hagsæld...

 

*** 

 

2. Sambandinu er heimilt, í þeim tilgangi sem um getur í 1. mgr, að gera sérstaka samninga við
viðkomandi lönd. Slíkir samningar geta falið í sér gagnkvæm réttindi og skyldur, sem og möguleika á sameiginlegum aðgerðum. Reglubundið samráð skal haft um framkvæmd þeirra. 

 

*** 

 

Auðvitað.

 

Var þetta ekki aðeins gáfulegra en fyrri hluti?  Þetta var allur fyrsti bálkurinn.  Annar bálkur verður til umfjöllunar næst. 

Athugasemdir

[Jón Steinar Ragnarsson, 1.3.2014 kl. 22:59]

Þetta er skrifræðislegt infernó. Allar greinar vísa í aðrar greinar, sem fletta skal upp og þegar maður flettir þeim upp þá blasir það sama við. Tilvísanir í önnur plögg og greinar í bland við yfirborðslegt og almennt orðalag sem enginn skilur hvort sem er.

[Ásgrímur Hartmannsson, 2.3.2014 kl. 20:42]

Ekkert í þessu er alveg óskiljanlegt. Aðeins of almennt orðað, jú, en hver setning er skiljanleg.

Allur fyrsti bálkurinn er bara þeir að segja að þeir sætti sig við mannréttindayfirlýsinguna. Í fleiri orðum.

Þetta minnir mig á grunnskóla, einhvernvegin.