Kíkt í pakkann: Stofnanaákvæði

304 síður eftir.  Seinast var imprað á atriðum sem ég er ekkert viss um að XS vilji nauðsynlega fara eftir.  En... þeir vilja þetta:

 

***

 

13. gr.
1. Sambandið skal starfa samkvæmt stofnanaramma sem skal miða að því að halda á lofti þeim
gildum sem Sambandið stendur fyrir, vinna að markmiðum þess, þjóna hagsmunum Sambandsins,
borgara þess og aðildarríkjanna og tryggja samræmi, skilvirkni og samfellu í stefnum þess og aðgerðum.
Stofnanir Sambandsins skulu vera:
-- Evrópuþingið,
-- leiðtogaráðið,
-- ráðið,
-- framkvæmdastjórn Evrópusambandsins (hér á eftir kölluð ,,framkvæmdastjórnin"),
-- Dómstóll Evrópusambandsins,
-- Seðlabanki Evrópu,
-- Endurskoðunarrétturinn.

 

***

 

Það er ráð sem er bara kallað "ráðið?"  Hveru vítt er svið þess? 

 

***

 

2. Hver stofnun skal starfa innan þeirra valdheimilda sem henni eru veittar í sáttmálunum og í
samræmi við þá málsmeðferð, þau skilyrði og þau markmið sem mælt er fyrir um í þeim. Stofnanirnar
skulu starfa hver með annarri af heilindum.
3. Í sáttmálanum um starfshætti Evrópusambandsins er að finna ákvæði um Seðlabanka Evrópu og
Endurskoðunarréttinn, svo og ítarleg ákvæði um hinar stofnanirnar.
4. Evrópuþingið, ráðið og framkvæmdastjórnin skulu njóta aðstoðar efnahags- og félagsmálanefndar og svæðanefndar sem gegna ráðgefandi hlutverki. 

 

***

 

Lögfræðilegt.

 

***

 

14. gr.
1. Evrópuþingið skal fara með löggjafar- og fjárveitingarvald ásamt ráðinu. Það skal sinna pólitísku
eftirliti og ráðgjöf, eins og mælt er fyrir um í sáttmálunum. Það skal kjósa forseta
framkvæmdastjórnarinnar.

 

*** 

 

2. Evrópuþingið skal skipað fulltrúum borgara Sambandsins. Þeir skulu ekki vera fleiri en sjö hundruð og fimmtíu, auk forseta. Hlutfall fulltrúa borgaranna skal fara stiglækkandi eftir því sem íbúafjöldinn er meiri en aldrei skulu vera færri en sex þingmenn frá hverju aðildarríki. Engu aðildarríki skal úthlutað fleiri en níutíu og sex sætum. 

 

***

 

Við þekkjum þetta, vandamálið með fulltrúalýðræði þar sem eru margar sýslur með mjög ólíkum íbúafjölda, og með mjög ólíka hagsmuni.  Það er og hefur alltaf haft slæm áhrif, þegar á að jafna hagsmuni sem fara ekkert saman.

Ýkt dæmi: Gísli á uppsölum fengi tíma í ljosabekk og afslátt af naglalakki, þvi það eru hagsmunir unglinsstúlkna, og þær eru til, og Sigga táningur fengi 30% afslátt af traktordekkjum, því bændur eru til, og þurfa slíkt. 

 

*** 

 

Leiðtogaráðið skal samþykkja einróma, að frumkvæði Evrópuþingsins og með samþykki þess, ákvörðun um skipan Evrópuþingsins að virtum meginreglunum sem um getur í fyrstu undirgrein.

 

***

 

Það gleymdist að segja hverjir eiga að vera í leiðtogaráðinu.

 

*** 

 

3. Þingmenn á Evrópuþinginu skulu kjörnir til fimm ára í beinum almennum kosningum með frjálsri og leynilegri atkvæðagreiðslu.

 

***

 

Já...  hve mikið val hefur meðal-jóninn?

 

***

 

4. Evrópuþingið skal kjósa sér forseta og forsætisnefnd úr hópi þingmanna. 

 

***

 

15. gr.
1. Leiðtogaráðið skal vera drifkraftur þróunar í Sambandinu og skal það ákveða almenn pólitísk
stefnumið þess og forgangsatriði. Það skal ekki fara með löggjafarvald.

 

*** 

 

2. Í leiðtogaráðinu skulu eiga sæti þjóðhöfðingjar eða leiðtogar ríkisstjórna aðildarríkjanna, ásamt
forseta þess og forseta framkvæmdastjórnarinnar. Æðsti talsmaður stefnu Sambandsins í utanríkis- og öryggismálum skal taka þátt í starfi þess.

 

***

 

Nú segja þeir.

 

*** 

 

3. Leiðtogaráðið skal koma saman tvisvar á hverju sex mánaða tímabili, og skal forseti þess sjá um
að kalla það saman. Ef þörf er á vegna fundardagskrár geta þeir, sem eiga sæti í leiðtogaráðinu, haft ráðherra sér til aðstoðar eða, í tilviki forseta framkvæmdastjórnarinnar, einn framkvæmdastjóranna.
Forsetinn skal kalla saman sérstakan fund í leiðtogaráðinu ef aðstæður krefjast þess.

4. Leiðtogaráðið skal taka ákvarðanir samhljóða nema sáttmálarnir kveði á um annað.

5. Leiðtogaráðið skal kjósa sér forseta, með auknum meirihluta, til tveggja og hálfs árs í senn og er
skipunartími hans endurnýjanlegur einu sinni. Forfallist forseti eða gerist sekur um alvarlegt misferli
getur leiðtogaráðið bundið enda á skipunartíma hans með sömu málsmeðferð.

6. Forseti leiðtogaráðsins skal:
a) sitja í forsæti og leiða starf þess,
b) tryggja góðan undirbúning og samfellu í starfi leiðtogaráðsins í samstarfi við forseta
framkvæmdastjórnarinnar og á grundvelli starfs almenna ráðsins,
c) leitast við að stuðla að samheldni og samhljómi innan leiðtogaráðsins,
d) gefa Evrópuþinginu skýrslu eftir hvern fund leiðtogaráðsins.
Forseti leiðtogaráðsins skal, á sínum vettvangi og í krafti stöðu sinnar, tryggja fyrirsvar Sambandsins gagnvart ríkjum utan þess þegar um er að ræða málefni er varða sameiginlega stefnu í utanríkis- og öryggismálum, sbr. þó valdsvið æðsta talsmanns stefnu Sambandsins í utanríkis- og öryggismálum.

Forseti leiðtogaráðsins má ekki gegna embætti á vegum aðildarríkis. 

 

***

 

Standard stöff.

 

***

 

16. gr.
1. Ráðið skal fara með löggjafar- og fjárveitingarvald ásamt Evrópuþinginu. Það skal annast
stefnumótun og samræmingu eins og mælt er fyrir um í sáttmálunum.
2. Í ráðinu skal eiga sæti fulltrúi frá hverju aðildarríkjanna, á ráðherrastigi, sem hefur heimild til að
skuldbinda ríkisstjórn viðkomandi ríkis og greiða atkvæði fyrir hennar hönd.
3. Ráðið skal taka ákvörðun með auknum meirihluta nema kveðið sé á um annað í sáttmálunum.
4. Frá 1. nóvember 2014 skal aukinn meirihluti skilgreindur sem a.m.k. 55% þeirra sem eiga sæti í
ráðinu, þ.e. í það minnsta fimmtán ríki, og skulu þeir vera fulltrúar aðildarríkja sem til teljast a.m.k. 65% af íbúafjölda Sambandsins.
Til þess að minnihluti geti stöðvað framgang mála verður hann að vera skipaður a.m.k. fjórum fulltrúum ráðsins, en náist það ekki skal litið svo á að aukinn meirihluti hafi náðst.
Mælt er fyrir um annað fyrirkomulag varðandi aukinn meirihluta í 2. mgr. 238. gr. sáttmálans um
starfshætti Evrópusambandsins.
5. Í bókun um bráðabirgðaákvæði er mælt fyrir um bráðabirgðaákvæði varðandi skilgreininguna á
auknum meirihluta, sem skulu gilda til 31. október 2014 annars vegar og frá 1. nóvember 2014 til 31. mars 2017 hins vegar.

 

*** 

 

6. Ráðið skal koma saman í mismunandi samsetningum og skal skrá yfir samsetningar þess
samþykkt í samræmi við 236. gr. sáttmálans um starfshætti Evrópusambandsins.
Almenna ráðið skal tryggja samræmi í starfi hinna ýmsu samsetninga ráðsins. Það skal undirbúa fundi leiðtogaráðsins og tryggja eftirfylgni við þá í samráði við forseta leiðtogaráðsins og
framkvæmdastjórnina.

 

***

 

Ha?

 

*** 

  

Utanríkismálaráðið skal móta aðgerðir Sambandsins gagnvart ríkjum utan þess á grundvelli
stefnumótandi viðmiðunarreglna, sem leiðtogaráðið mælir fyrir um, og tryggja samræmi í aðgerðum Sambandsins.
7. Nefnd fastafulltrúa ríkisstjórna aðildarríkjanna skal undirbúa starf ráðsins.
8. Fundir ráðsins skulu haldnir í heyranda hljóði þegar það tekur til umfjöllunar og greiðir atkvæði
um drög að lagagerð. Hver fundur ráðsins skal því vera tvískiptur, þar sem annars vegar fara fram
umræður um lagagerðir Sambandsins og hins vegar starf sem ekki tengist lagasetningu.
9. Fulltrúar aðildarríkjanna í ráðinu skulu fara með formennsku í samsetningum ráðsins til skiptis, að
undanskildri þeirri sem fer með utanríkismál, í samræmi við skilyrðin sem sett eru í 236. gr. sáttmálans um starfshætti Evrópusambandsins. 

 

***

 

Voðalega stjórnarskrárlegt.

 

Gerum hér hlé, enda óþarfi að hafa þetta of langt.  Það eru víst 302 síður eftir.