Ennþá að skoða pakkann

Í pakkanum er meðal annars þessi samsteypta útgáfa af sáttmálanum um starfshætti ESB:

 

***

 

SAMSTEYPT ÚTGÁFA SÁTTMÁLANS
UM STARFSHÆTTI EVRÓPUSAMBANDSINS

INNGANGSORÐ
HANS HÁTIGN KONUNGUR BELGA, FORSETI SAMBANDSLÝÐVELDISINS ÞÝSKALANDS, FORSETI LÝÐVELDISINS FRAKKLANDS, FORSETI LÝÐVELDISINS ÍTALÍU, HENNAR KONUNGLEGA TIGN STÓRHERTOGAYNJAN AF LÚXEMBORG OG HENNAR HÁTIGN DROTTNING HOLLANDS (1),
SEM ERU EINHUGA um að leggja grunn að nánari einingu meðal Evrópuþjóða,
SEM HAFA EINSETT SÉR að tryggja efnahagslegar og félagslegar framfarir í ríkjum sínum með því að taka höndum saman um að ryðja úr vegi þeim tálmum sem aðskilja ríki Evrópu,
SEM STAÐFESTA að höfuðmarkmið þeirra er að bæta stöðugt lífskjör og vinnuskilyrði hjá þjóðum
sínum, SEM GERA SÉR LJÓST að sameiginlegt átak þarf til að afnema núverandi hömlur og með því tryggja stöðugan vöxt, jafnvægi í viðskiptum og sanngjarna samkeppni,
SEM ER UMHUGAÐ UM að efla efnahagslega einingu meðal ríkja sinna og tryggja samstillta þróun þeirra með því að draga úr aðstöðumun milli svæða og bæta hag þeirra sem verr eru sett,
SEM HAFA HUG Á að vinna að því að afnema stig af stigi höft á alþjóðaviðskiptum með sameiginlegri viðskiptastefnu,
SEM HAFA Í HYGGJU að styrkja þá samstöðu sem ríkir með Evrópuríkjum og löndum handan hafsins og hafa hug á að tryggja að hagur þeirra dafni í samræmi við meginreglur sáttmála Sameinuðu þjóðanna,
SEM ERU STAÐRÁÐIN Í að varðveita og efla frið og frelsi með því að sameina krafta sína og hvetja aðrar þjóðir Evrópu, er aðhyllast sömu hugsjónir, til að leggja sér lið í því efni,
SEM HAFA EINSETT SÉR að stuðla að því að þjóðir þeirra afli sér mestu mögulegrar þekkingar með greiðum aðgangi að menntun og stöðugri endurnýjun hennar,
og HAFA í þessu skyni TILNEFNT sem fulltrúa sína sem hafa fullt umboð:
(Skrá yfir fulltrúa, sem hafa fullt umboð, er ekki birt hér)

OG HAFA ÞEIR, eftir að hafa skipst á umboðsskjölum er reynst hafa gild og á réttu formi, orðið ásáttir um eftirfarandi:

 

***

 

FYRSTI HLUTI
MEGINREGLUR
1. gr.
1. Í sáttmála þessum eru settar reglur um starfshætti Sambandsins og ákveðið hvaða svið falla undir
valdheimildir þess, hver valdmörk þess eru og nánari ákvæði um hvernig það skuli fara með
valdheimildir sínar.
2. Sáttmáli þessi og sáttmálinn um Evrópusambandið eru sáttmálarnir sem Sambandið er byggt á. Þessir tveir sáttmálar, sem eru jafngildir að lögum, skulu nefnast ,,sáttmálarnir". 

 

***

 

I. BÁLKUR
FLOKKAR OG SVIÐ VALDHEIMILDA SAMBANDSINS
2. gr.
1. Þegar Sambandinu eru veittar fullar valdheimildir á tilteknu sviði í sáttmálunum er því einu
heimilt að setja lög og samþykkja lagalega bindandi gerðir en aðildarríkjunum er því aðeins heimilt að gera slíkt að Sambandið veiti þeim umboð til þess eða í því skyni að koma gerðum Sambandsins til framkvæmda.

 

***

 

Fullveldi!  Jei!

 

*** 

 

2. Þegar Sambandinu eru veittar valdheimildir sem það deilir með aðildarríkjunum á tilteknu sviði er bæði Sambandinu og aðildarríkjunum heimilt að setja lög og samþykkja lagalega bindandi gerðir á því sviði. Aðildarríkin skulu beita valdheimildum sínum að því marki sem Sambandið hefur ekki beitt sínum valdheimildum. Aðildarríkin skulu auk þess beita valdheimildum sínum að því marki sem Sambandið hefur ákveðið að hætta að beita sínum valdheimildum.
3. Aðildarríkin skulu samræma efnahags- og atvinnustefnur sínar í samræmi við þá tilhögun sem
ákveðin er í þessum sáttmála og Sambandið skal hafa vald til að ákveða.
4. Sambandið skal, í samræmi við ákvæði sáttmálans um Evrópusambandið, hafa vald til að móta og koma til framkvæmda sameiginlegri stefnu í utanríkis- og öryggismálum, þar á meðal að móta í
áföngum ramma að sameiginlegri varnarstefnu.
5. Sambandið skal, á tilteknum sviðum og með þeim skilyrðum sem mælt er fyrir um í sáttmálunum, hafa vald til að grípa til aðgerða til að styðja við aðgerðir aðildarríkjanna, samræma þær eða koma þeim til viðbótar, án þess þó að yfirtaka með því valdheimildir þeirra á þessum sviðum. Lagalega bindandi gerðir Sambandsins, sem eru samþykktar á grundvelli ákvæða í sáttmálunum er varða þessi svið, skulu ekki fela í sér samræmingu á lögum og reglum aðildarríkjanna.
6. Að hve miklu leyti og með hvaða hætti Sambandið getur beitt valdheimildum sínum ákvarðast af ákvæðum um hvert þessara sviða í sáttmálunum. 

 

***

 

3. gr.
1. Eftirtalin svið skulu falla undir fullar valdheimildir Sambandsins:
a) tollabandalag,
b) setning nauðsynlegra samkeppnisreglna vegna starfsemi innri markaðarins,
c) peningamálastefna fyrir þau aðildarríki sem hafa evru sem gjaldmiðil,
d) verndun lífrænna auðlinda hafsins innan sameiginlegu sjávarútvegsstefnunnar,
e) sameiginleg viðskiptastefna.

2. Sambandið skal einnig hafa fullar valdheimildir þegar kemur að gerð milliríkjasamninga ef kveðið er á um gerð þeirra í lagagerð Sambandsins eða hún telst nauðsynleg til að gera Sambandinu kleift að beita valdheimildum sínum á vettvangi sínum eða að því marki sem gerð slíkra samninga er til þess fallin að hafa áhrif á sameiginlegar reglur eða breyta gildissviði þeirra. 

 

***

 

Lesið þetta og skiljið þetta.  þetta er svolítið mikilvægt.

 

***

 

4. gr.
1. Sambandið skal deila valdheimildum með aðildarríkjunum í þeim tilvikum þegar því eru veittar
valdheimildir í sáttmálunum sem varða ekki sviðin sem um getur í 3. og 6. gr.
2. Eftirtalin meginsvið skulu falla undir valdheimildir sem Sambandið deilir með aðildarríkjunum:
a) innri markaðurinn,
b) félagsmálastefna, að því er varðar þá þætti sem eru skilgreindir í þessum sáttmála,
c) efnahagsleg samheldni, félagsleg samheldni og samheldni milli svæða,
d) landbúnaður og sjávarútvegur, að frátalinni verndun lífrænna auðlinda hafsins,
e) umhverfismál,
f) neytendavernd,
g) flutningastarfsemi,
h) samevrópsk netkerfi,
i) orkumál,
j) svæði frelsis, öryggis og réttlætis,
k) sameiginleg viðfangsefni er varða öryggi á sviði lýðheilsu, að því er varðar þætti sem eru skilgreindir í þessum sáttmála. 

 

***

 

Þegar land er orðið sýsla í öðru ríki...

 

***

 

3. Sambandið hefur valdheimildir til að sinna starfsemi á sviðum rannsókna, tækniþróunar og geimvísinda, einkum til að skilgreina áætlanir og koma þeim til framkvæmda; beiting Sambandsins á þessum valdheimildum kemur þó ekki í veg fyrir að aðildarríkin beiti sínum heimildum.

 

***

 

Geimvísindi?

 

***

 

4. Sambandið hefur valdheimildir til að sinna starfsemi og framfylgja sameiginlegri stefnu á sviði þróunarsamvinnu og mannúðaraðstoðar; beiting Sambandsins á þessum valdheimildum kemur þó ekki í veg fyrir að aðildarríkin beiti sínum heimildum. 

 

***

 

5. gr.
1. Aðildarríkin skulu samræma efnahagsstefnur sínar innan Sambandsins. Ráðið skal samþykkja
ráðstafanir í þessu skyni, einkum almennar viðmiðunarreglur um slíkar stefnur.
Sértæk ákvæði skulu gilda um þau aðildarríki sem hafa evru sem gjaldmiðil.
2. Sambandið skal gera ráðstafanir til að tryggja samræmingu á atvinnustefnum aðildarríkjanna,
einkum með því að skilgreina viðmiðunarreglur um þær.
3. Sambandið getur tekið frumkvæði að því að tryggja samræmingu á félagsmálastefnum aðildarríkjanna. 

 

***

 

Atriði 1 hefur ekki verið fyllilega uppfyllt af öllum löndum ESB.

 

***

 

6. gr.
Sambandið skal hafa vald til að grípa til aðgerða er styðja við aðgerðir aðildarríkjanna, samræma þær eða koma þeim til viðbótar. Á Evrópuvettvangi skal gripið til slíkra aðgerða á sviðum er varða:
a) heilsuvernd og bætta lýðheilsu,
b) iðnað,
c) menningarmál,
d) ferðaþjónustu,
e) menntun, starfsþjálfun, æskulýðsmál og íþróttir,
f) almannavarnir,

g) samvinnu á sviði stjórnsýslu. 

 

***

 

ESB gæti tekið uppá að rukka okkur fyrir að horfa á Gullfoss.  Sem væri ekkert sem við erum ekki að fara að gera okkur sjálf, reyndar.

 

***

 

Og að lokum:

 

***

 

53. Yfirlýsing Lýðveldisins Tékklands vegna ákvæða sáttmála Evrópusambandsins um
grundvallarréttindi
1. Lýðveldið Tékkland minnir á að ákvæðum sáttmála Evrópusambandsins um grundvallarréttindi er beint til stofnana og aðila Evrópusambandsins með tilhlýðilegu tilliti til dreifræðisreglunnar og
skiptingar valdheimilda milli Evrópusambandsins og aðildarríkja þess eins og áréttað er í yfirlýsingu (nr. 18) varðandi afmörkun valdheimilda. Lýðveldið Tékkland leggur áherslu á að ákvæðum sáttmálans er einungis beint til aðildarríkjanna við framkvæmd þeirra á lögum Sambandsins en ekki við setningu og framkvæmd landslaga óháð lögum Sambandsins.
2. Lýðveldið Tékkland leggur einnig áherslu á að sáttmálinn rýmkar ekki gildissvið laga
Sambandsins og veitir Sambandinu ekki nýjar valdheimildir. Hann takmarkar ekki gildissvið landslaga og setur gildandi valdheimildum landsyfirvalda á þessu sviði ekki skorður.
3. Lýðveldið Tékkland leggur áherslu á, að svo miklu leyti sem sáttmálinn viðurkennir
grundvallarréttindi og meginreglur, eins og þau leiðir af sameiginlegum stjórnskipunarhefðum
aðildarríkjanna, að þau réttindi og meginreglur verði að túlka í samræmi við þær hefðir.
4. Þá leggur Lýðveldið Tékkland áherslu á að ekkert í sáttmálanum megi túlka með þeim hætti að það takmarki eða vinni gegn mannréttindum og mannfrelsi sem viðurkennd eru, á hverju sviði, í lögum Sambandsins og í alþjóðasamningum sem Sambandið eða öll aðildarríkin eru aðilar að, þ.m.t. Evrópusamningi um verndun mannréttinda og mannfrelsis, og í stjórnarskrám aðildarríkjanna. 

Bankarnir hafa samband af fyrra bragði

Athugasemdir

[Ásthildur Cesil Þórðardóttir, 23.3.2014 kl. 17:47]

Flott samantekt hjá þér Ásgrímur bæði þessi færsla og sú síðari.