Pakkinn á hug minn allann

Hann skal skoðast almennilega, þó fúll sé og endurtekningasamur:

238 síður eftir: 

 

***

 

II. BÁLKUR
ALMENN ÁKVÆÐI
7. gr.

Sambandið skal tryggja samræmi milli starfsemi sinnar og stefna, að teknu tilliti til heildarmarkmiða sinna og í samræmi við meginregluna um veittar valdheimildir.

 

***

 

8. gr.

Sambandið skal miða að því í allri starfsemi sinni að koma í veg fyrir ójöfnuð og stuðla að jafnrétti karla og kvenna.

 

***

 

Hvað meina þeir með "ójöfnuði"?  Ætla þeir að taka sovétið á þetta, og gera alla fátæka, eins og VG & Samfó var að reyna hér?  Eða meina þeir eitthvað annað?

  

***

 

9. gr.
Við mótun og framkvæmd á stefnum sínum og starfsemi skal Sambandið taka tillit til krafna um að
stuðlað skuli að háu atvinnustigi, tryggð verði fullnægjandi félagsleg vernd, unnið gegn félagslegri útilokun og stuðlað að háu menntunar-, starfsþjálfunar- og heilsuverndarstigi. 

 

***

 

Já... hátt atvinnustig.  ýðir lítið atvinnuleysi.  FAIL!

 

***

 

10. gr.
Við mótun og framkvæmd á stefnum sínum og starfsemi skal Sambandið setja sér það markmið að
vinna gegn mismunun á grundvelli kynferðis, kynþáttar eða þjóðernis, trúarbragða eða skoðana, fötlunar, aldurs eða kynhneigðar. 

 

***

 

Búnir að nefna þetta, á fyrstu blaðsíðunum.

 

***

 

11. gr.

Umhverfisverndarkröfur ber að samþætta mótun og framkvæmd á stefnum Sambandsins og starfsemi, einkum með það í huga að stuðla að sjálfbærri þróun.

 

***

 

Sjálfbær þróun...  sko.... þróun er aldrei sjálfbær.  Hún er alltaf borun uppi af einhevrju öðru, sem er stundum sjálfbært, og stundum ekki.  En þróunin mun sitja eftir.  Nema luddítar mæti og eyði þekkingunni.

 

*** 

 

12. gr.
Við mótun og framkvæmd á öðrum stefnum og starfsemi Sambandsins skal taka tillit til neytendaverndarkrafna. 

 

***

 

13. gr.
Sambandið og aðildarríkin skulu, við mótun og framkvæmd á stefnum Sambandsins á sviði
landbúnaðar, sjávarútvegs, flutningastarfsemi, innri markaðarins, rannsókna og tækniþróunar og
geimvísinda, taka fullt tillit til velferðar dýra, sem skyni gæddra skepna, en virða jafnframt laga- eða stjórnsýsluákvæði og venjur í aðildarríkjunum, einkum að því er varðar trúarlegar athafnir, menningarhefðir og menningararfleifð tiltekinna svæða. 

 

***

 

Já.  Við tökum tillit til velferðar dýranna sem við myrðum og étum.

 

***

 

14. gr.
Með fyrirvara um 4. gr. sáttmálans um Evrópusambandið og 93., 106. og 107. gr. þessa sáttmála og með hliðsjón af því hve þjónusta í almannaþágu, sem hefur almenna efnahagslega þýðingu, gegnir
veigamiklu hlutverki að því er varðar sameiginleg gildi Sambandsins, sem og þætti hennar í að stuðla að félagslegri samheldni og samheldni milli svæða, skulu Sambandið og aðildarríkin, hvert á sínu valdsviði og innan gildissviðs þessara sáttmála, sjá til þess að slík þjónusta sé veitt í samræmi við meginreglur og skilyrði, einkum efnahagsleg og fjárhagsleg, sem gera þeim kleift að leysa verkefni sín af hendi.
Evrópuþingið og ráðið skulu setja slíkar meginreglur og skilyrði með reglugerðum, í samræmi við almenna lagasetningarmeðferð, sbr. þó valdheimildir aðildarríkjanna, samkvæmt sáttmálunum, til að veita, bjóða út og fjármagna slíka þjónustu. 

 

***

 

Þessi málgrein var mesta torf sem ég hef rekist á til þessa.  Og endurtekið efni. 

 

***

 

15. gr.
1. Til að stuðla að góðum stjórnunarháttum og tryggja þátttöku hins borgaralega samfélags skulu
stofnanir, aðilar, skrifstofur og sérstofnanir Sambandsins starfa á eins opinn hátt og auðið er.
2. Fundir Evrópuþingsins skulu haldnir í heyranda hljóði sem og fundir ráðsins þegar það fjallar um
drög að lagagerð og greiðir atkvæði um þau.
3. Sérhver borgari Sambandsins og sérhver einstaklingur og lögaðili, sem hefur fasta búsetu eða
skráða skrifstofu í aðildarríki, skal hafa rétt til aðgangs að skjölum stofnana, aðila, skrifstofa og
sérstofnana Sambandsins, óháð því á hvaða miðli þau eru geymd, með fyrirvara um meginreglur og
skilyrði sem mælt verður fyrir um í samræmi við þessa málsgrein.
Evrópuþingið og ráðið skulu, í samræmi við almenna lagasetningarmeðferð, setja með reglugerðum
almennar meginreglur og takmarkanir varðandi þennan rétt til aðgangs að skjölum, með vísan til
almannahagsmuna og einkahagsmuna.
Sérhver stofnun, aðili, skrifstofa eða sérstofnun skal ganga úr skugga um að málsmeðferðir sínar séu gagnsæjar og setja sértæk ákvæði í starfsreglur sínar um aðgang að skjölum í samræmi við
reglugerðirnar sem um getur í annarri undirgrein.
Dómstóll Evrópusambandsins, Seðlabanki Evrópu og Fjárfestingarbanki Evrópu falla einungis undir þessa málsgrein að því er varðar stjórnsýslustörf þessara stofnana.

Evrópuþingið og ráðið skulu sjá til þess að skjöl, er varða lagasetningarmeðferð, séu birt í samræmi við þau skilyrði sem mælt er fyrir um í reglugerðunum sem um getur í annarri undirgrein. 

 

***

 

Þetta er líka mikilvæg grein, sem ég er ekkert viss um að Samfó vilji endilega fara eftir.  Eða pólitíkusar almennt, ef út í það er farið.

 

***

 

16. gr.
1. Allir eiga rétt á að persónuupplýsingar um þá njóti verndar.
2. Evrópuþingið og ráðið skulu, í samræmi við almenna lagasetningarmeðferð, mæla fyrir um reglur er varða vernd einstaklinga með hliðsjón af vinnslu persónuupplýsinga á vegum stofnana, aðila,
skrifstofa og sérstofnana Sambandsins og á vegum aðildarríkjanna vegna starfsemi sem fellur undir lög Sambandsins, svo og reglur er varða frjálsa miðlun slíkra upplýsinga. Óháð yfirvöld skulu hafa eftirlit með því að þessum reglum sé fylgt.

Reglur, sem eru samþykktar á grundvelli þessarar greinar, gilda með fyrirvara um sértækar reglur sem mælt er fyrir um í 39. gr. sáttmálans um Evrópusambandið.

 

***

 

Þetta verður uppspretta flókinna reglugerða, er ég viss um.

 

***

 

17. gr.
1. Sambandið virðir þá stöðu sem kirkjudeildir og trúarsamtök eða trúfélög hafa í aðildarríkjunum
samkvæmt landslögum og dregur hana ekki í efa.
2. Á sama hátt virðir Sambandið þá stöðu sem heimspekileg samtök og samtök, sem eru ekki
trúarlegs eðlis, hafa samkvæmt landslögum.
3. Sambandið viðurkennir slíkar kirkjudeildir og samtök og sérstakt framlag þeirra og skal halda uppi opnum, gagnsæjum og reglubundnum skoðanaskiptum við þau. 

 

***

 

Ok.

Klykkjum út með yfirlýsingu:

 

***

 

65. Yfirlýsing Hins sameinaða konungsríkis Stóra-Bretlands og Norður-Írlands vegna ákvæða
75. gr. sáttmálans um starfshætti Evrópusambandsins

Breska konungsríkið styður að fullu öflugar aðgerðir að því er varðar samþykkt fjárhagslegra viðurlaga í þeim tilgangi að koma í veg fyrir og berjast gegn hryðjuverkum og áþekkri háttsemi. Því lýsir Breska konungsríkið yfir að það hyggst neyta réttar síns, skv. 3. gr. bókunar um stöðu Breska konungsríkisins og Írlands að því er varðar svæði frelsis, öryggis og réttlætis, til að taka þátt í samþykkt allra tillagna sem lagðar eru fram skv. 75. gr. sáttmálans um starfshætti Evrópusambandsins.