Lissabonsáttmálinn skemmtilegi:

Vindum okkur í þetta:

 

*** 

 

ANNAR HLUTI 
BANN VIÐ MISMUNUN OG SAMBANDSBORGARARÉTTUR 
18. gr. 

Hvers konar mismunun á grundvelli ríkisfangs er bönnuð innan gildissviðs sáttmálanna nema annað leiði af einstökum ákvæðum þeirra. Evrópuþinginu og ráðinu er heimilt, í samræmi við almenna lagasetningarmeðferð, að samþykkja reglur um bann við slíkri mismunun. 

 

***

 

19. gr. 

1. Með fyrirvara um önnur ákvæði sáttmálanna og innan marka þeirra valdheimilda sem Sambandinu eru veittar í þeim er ráðinu heimilt, með einróma ákvörðun, í samræmi við sérstaka 
lagasetningarmeðferð og að fengnu samþykki Evrópuþingsins, að grípa til viðeigandi aðgerða til að 
berjast gegn mismunun á grundvelli kynferðis, kynþáttar eða þjóðernis, trúarbragða eða skoðana, 
fötlunar, aldurs eða kynhneigðar. 
2. Þrátt fyrir 1. mgr. er Evrópuþinginu og ráðinu heimilt, í samræmi við almenna lagasetningarmeðferð, að samþykkja grundvallarreglur hvetjandi ráðstafana Sambandsins, þó ekki neins konar samræmingu á lögum og reglum aðildarríkjanna, til að styðja við aðgerðir aðildarríkjanna sem miða að þeim markmiðum, sem um getur í 1. mgr. 

 

***

 

Þetta verður fellt úr þegar múslimar verða búnir að leggja þetta allt undir sig.  Sem gerist ekki á morgun, en við skulum ekkert efast um þá næstkomandi öld eða svo. 

 

***

 

20. gr. 

1. Sambandsborgararétti er hér með komið á fót. Sérhver einstaklingur, sem hefur ríkisfang í 
aðildarríki, skal vera borgari Sambandsins. Sambandsborgararéttur skal koma til viðbótar við 
ríkisborgararétt í aðildarríki og kemur ekki í hans stað. 
2. Borgarar Sambandsins hafa þau réttindi og þær skyldur sem kveðið er á um í sáttmálunum. Þeir 
skulu m.a. hafa: 
a) rétt til frjálsrar farar og dvalar á yfirráðasvæði aðildarríkjanna, 
b) rétt til að greiða atkvæði og bjóða sig fram í kosningum til Evrópuþingsins og í 
sveitarstjórnarkosningum í aðildarríkinu, þar sem þeir eru búsettir, með sömu skilyrðum og eiga við um ríkisborgara í því ríki,

c) rétt til að njóta, á yfirráðasvæði þriðja lands þar sem aðildarríki ríkisborgara er án fyrirsvars, verndar sendiráða og ræðisskrifstofa hvaða aðildarríkis sem er, með sömu skilyrðum og eiga við um ríkisborgara þess ríkis,

d) rétt til að leggja beiðni fyrir Evrópuþingið og senda erindi til umboðsmanns Evrópusambandsins, sem og til stofnana og ráðgjafarnefnda Sambandsins, á hvaða tungumáli sáttmálans sem er og fá svar á sama tungumáli.

Nýta má þessi réttindi með þeim skilyrðum og takmörkunum sem mælt er fyrir um í sáttmálunum og ráðstöfunum sem eru samþykktar til að framfylgja þeim. 

 

***

 

Smá þýðingarkostnaður... ekkert mál, þannig.

 

***

 

21. gr. 

1. Sérhver borgari Sambandsins skal eiga rétt til frjálsrar farar og dvalar á yfirráðasvæði 
aðildarríkjanna, sbr. þó þær takmarkanir og skilyrði sem mælt er fyrir um í sáttmálunum og ráðstöfunum til að koma þeim til framkvæmda. 
2. Ef aðgerð af hálfu Sambandsins skyldi reynast nauðsynleg til að ná þessu markmiði og 
sáttmálarnir veita ekki nauðsynlegar heimildir er Evrópuþinginu og ráðinu heimilt að samþykkja, í 
samræmi við almenna lagasetningarmeðferð, ákvæði sem miða að því að gera það auðveldara að nýta réttinn sem um getur í 1. mgr. 
3. Ráðinu er heimilt, í þeim tilgangi sem um getur í 1. mgr. og ef sáttmálarnir veita ekki 
nauðsynlegar heimildir, að samþykkja ráðstafanir er varða almannatryggingar og félagslega vernd í samræmi við sérstaka lagasetningarmeðferð. Ráðið skal taka ákvörðun einróma að höfðu samráði við Evrópuþingið. 

 

***

 

22. gr. 

1. Sérhver borgari Sambandsins, sem er búsettur í aðildarríki sem hann er ekki ríkisborgari í, skal 
eiga rétt til að greiða atkvæði og bjóða sig fram til sveitarstjórnarkosninga í aðildarríkinu þar sem hann er búsettur, með sömu skilyrðum og eiga við um ríkisborgara þess ríkis. Nýting þessa réttar er með fyrirvara um nánara fyrirkomulag sem ráðið samþykkir einróma í samræmi við sérstaka 
lagasetningarmeðferð og að höfðu samráði við Evrópuþingið; í slíku fyrirkomulagi er heimilt að mæla fyrir um undanþágur þegar sértæk vandamál aðildarríkis réttlæta slíkt. 
2. Með fyrirvara um 1. mgr. 223. gr. og ákvæði sem eru samþykkt til framkvæmdar henni skal 
sérhver borgari Sambandsins, sem er búsettur í aðildarríki sem hann er ekki ríkisborgari í, eiga rétt til að greiða atkvæði og bjóða sig fram í kosningum til Evrópuþingsins í aðildarríkinu þar sem hann er búsettur með sömu skilyrðum og eiga við um ríkisborgara þess ríkis. Nýting þessa réttar er með 
fyrirvara um nánara fyrirkomulag sem ráðið samþykkir einróma í samræmi við sérstaka lagasetningarmeðferð og að höfðu samráði við Evrópuþingið; í slíku fyrirkomulagi er heimilt að mæla fyrir um undanþágur þegar sértæk vandamál aðildarríkis réttlæta slíkt. 

 

***

 

Hver sem er má semsagt kjósa í Þýzkalandi, bara ef hann er ríkisborgari í hvaða landi sem er innan ESB.  Áhugavert.

 

***

 

23. gr. 

Sérhver borgari Sambandsins skal eiga rétt á vernd sendiráða og ræðisskrifstofa hvaða aðildarríkis sem er, með sömu skilyrðum og eiga við um ríkisborgara þess ríkis, á yfirráðasvæði þriðja lands þar sem aðildarríkið, sem hann er ríkisborgari í, er án fyrirsvars. Aðildarríkin skulu samþykkja nauðsynleg ákvæði og hefja nauðsynlegar samningaviðræður á alþjóðavettvangi til að tryggja slíka vernd. Ráðinu er heimilt, í samræmi við sérstaka lagasetningarmeðferð og að höfðu samráði við Evrópuþingið, að samþykkja tilskipanir um nauðsynlegar samræmingar- og samstarfsráðstafanir til að greiða fyrir slíkri vernd. 

 

***

 

Hljómar svolítið eins og US of E.

 

***

 

24. gr. 

Evrópuþingið og ráðið skulu, í samræmi við almenna lagasetningarmeðferð, setja með reglugerðum 
ákvæði um tilskilda málsmeðferð og skilyrði vegna borgaralegs frumkvæðis í skilningi 11. gr. 
sáttmálans um Evrópusambandið, þ.m.t. þann lágmarksfjölda aðildarríkja sem hlutaðeigandi borgarar skulu koma frá. 
Sérhver borgari Sambandsins skal eiga rétt til að leggja beiðni fyrir Evrópuþingið í samræmi við 227. gr. 
Sérhverjum borgara Sambandsins er heimilt að senda erindi til embættis umboðsmanns sem komið er á fót í samræmi við 228. gr.

Sérhverjum borgara Sambandsins er heimilt að senda skriflegt erindi til stofnana eða aðila sem um getur í þessari grein eða í 13. gr. sáttmálans um Evrópusambandið á einu þeirra tungumála sem um getur í 1. mgr. 55. gr. sáttmálans um Evrópusambandið og fá svar á sama tungumáli. 

 

***

 

25. gr. 

Framkvæmdastjórnin skal gefa Evrópuþinginu, ráðinu og efnahags- og félagsmálanefndinni skýrslu á þriggja ára fresti um beitingu ákvæðanna í þessum hluta. Í skýrslunni skal taka mið af þróun 
Sambandsins. 

Á grundvelli þessa og með fyrirvara um önnur ákvæði í sáttmálunum er ráðinu heimilt að samþykkja einróma, í samræmi við sérstaka lagasetningarmeðferð og að fengnu samþykki Evrópuþingsins, ákvæði til að efla eða auka við réttindin sem eru talin upp í 2. mgr. 20. gr. Slík ákvæði öðlast gildi þegar aðildarríkin hafa samþykkt þau í samræmi við stjórnskipunarreglur sínar.

 

***

 

Þar höfum við það.  Næst verður fjalla um innri markaði.  En þangað til, þetta:

 

***

 

45. Yfirlýsing vegna ákvæða 2. mgr. 5. gr bókunar um Schengen-réttarreglurnar eins og þær 
hafa verið felldar inn í ramma Evrópusambandsins 
Ráðstefnan lýsir yfir að þegar Breska konungsríkið eða Írland lætur ráðið vita um þá fyrirætlan sína að taka ekki þátt í ráðstöfun, sem byggist á einhverjum þeim hluta Schengen-réttarreglnanna sem landið tekur þátt í, mun ráðið fjalla ítarlega um hugsanleg áhrif þess að aðildarríkið taki ekki þátt í þeirri ráðstöfun. Umfjöllunin innan ráðsins skal fara fram í ljósi þeirra upplýsinga sem framkvæmdastjórnin hefur veitt um tengslin milli tillögunnar og Schengen-réttarreglnanna. 
46. Yfirlýsing vegna ákvæða 3. mgr. 5. gr. bókunar um Schengen-réttarreglurnar eins og þær 
hafa verið felldar inn í ramma Evrópusambandsins 
Ráðstefnan minnir á að taki ráðið ekki ákvörðun eftir fyrstu efnislegu umfjöllun um málið er 
framkvæmdastjórninni heimilt að leggja fram breytta tillögu til frekari efnislegrar endurskoðunar ráðsins innan fjögurra mánaða frests.