Arnaldur Indriða

Ég er að streða við að lesa aðra bók eftir Arnald.  Þið vitið: þessa með líkinu sem finnst einhversstaðar, svo kemur lögga, og hugsar um atburði í fortíðinni, stríðsárin og allt það shit, spjallar við ruglaða kellingu með álpappahatt og kynferðisglæpamaður kemur við sögu.  Þú veist, þá bók?

Æ, ég veit ekki, mér finnst allar bækurnar vera eins.  Reyndar eru allar glæpasögur eins: lík finnst, löggan mætir, allt tengist einhverju sem gerðist fyrir 30 árum, eða stríðsárunum, svo er kynferðisglæpamaður.

Ég nennti ekki að lesa nógu langt inn í Viðeyjargátu/flateyjargátu/Grímseyjargátu... whatverefuckingeyja það eiginlega var gátu til þess aðkomast að kynferðisglæpamanninum.

En það er auka-atriði.  Ég var að tala um Arnald.

Vinnufélagar mínir segja að Arnaldur hafi alveg skrifað bók sem er ekkert svona - Pstamó eða eitthvað slíkt heitir hún.

Nenni henni samt ekki.  Held alveg ég geti giskað á hvernig hún er:

Til tilbreytingar gerist hún á stríðsárunum, og fjallar nú um rugluðu kellinguna með álpappahattinn, þar sem hún er elt af morðóðum kynferðisglæpamönnum.

Svo er kafli aftast sem gerist þegar hún deyr, sem er árið 1963 eða eitthvað.  Og einhver finnur líkið og heldur að það hafi verið morð...

Rangt?