Kamri breytt í skrifstofurými.

Bygg­ing­ar­full­trú­inn í Reykja­vík hef­ur samþykkt breyt­ing­ar á Náðhús­inu í Naut­hóls­vík [...]Þar verður opið skrif­stofu- og kynn­ing­ar­rými í stað fyr­ir­lestr­ar­rým­is.

Þetta er áhugavert.  Verður þetta skrifstofurými útbúið þannig að fólk geti verið á dollunni í vinnunni?

Ég meina, Kína-kvefið stendur ekki yfir endalaust, sá tími mun koma að fólk mun almennt hætta að þvo sér um hendurnar, og mun því fara að fá allskyns pílur í magann, jafnvel í vinnunni.

Það getur verið gott fyrir skrifstofurekstur að hafa skrifstofuna á náðhúsi við slíkar aðstæður, svo fólk þurfi ekki að missa eina sekúndu úr vinnu þó það fá steinsmugu, eða jafnvel hvellskitu.

Annars finnst mér magnað að einhver kamar skuli vera nógu stór til þess að rúma svona starfsemi.

Ég ætlaði að kíkja þarna um daginn, en bara hreinlega gleymdi því.  Maður hefði getað gengið þarna örna sinna á alveg hreint konunglegan hátt, á þessum dýrasta kamri landsins.  Ekki það að mig vanti sérstaklega salerni sem er nógu stórt til að rúma skrifstofu.  Bara svona prófa einu sinni.  Það hlýtur að vera mögnuð upplifun.

Náðhúsið fær annað hlutverk