12-18 milljarðar...

Það eru, hvað?  6-10 milljarðar beint í ríkiskassann.  Sem hefði nægt fyrir þessu og vel það: https://www.visir.is/g/20201453738d/-skammar-leg-a-kvordun-hsu-ad-segja-upp-ollu-raestinga-folki

"Katrín Jak­obs­dótt­ir for­sæt­is­ráðherra, sem kveðst mót­fall­in hernaðar­upp­bygg­ingu. „Mér finnst óviðeig­andi að blanda auk­inni hernaðar­upp­bygg­ingu inn í efna­hagsaðgerðir stjórn­valda.“"

Já, þessi illu hernaðarmannvirki í Reykjavík, Keflavík og á Egilsstöðum, sem hafa verið að dæla hingað blóðpeningum með túristum.

VG til huggunar hefur nú dregið úr þessu flóði blóðpeninga vegna Kína-kvefsins.

Allir þessir skaðræðis ný-hernaðar flugvellir voru lagðir til að berjast við aumingjans félagshyggjumenn sem höfðu ekkert gert af sér.  Þeir voru bara að berjast gegn alheimskapitalismanum.  Leiðtogi þeirra var vegan, listhneigður og mikill dýravinur.  Allir sem dyrfast að stíga fæti á þessi hernaðarmannvirki eiga hlutdeild í falli sósíalismans í Evrópu, og víðar.

Eilífur andi Pol Pot grætur blóði í hvert sinn sem einhver leggur af stað með Boeing.

En veltum okkur ekki uppúr fortíðinni.  Horfum til framtíðar: þarna er verið að neita okkur um höfn sem hefði skilað þjóðarbúinu tugum milljóna á ári, og störfum fyrir tugi manna áratugum saman.

Já... allt vegna þess að einhverjir þursar lifa í fortíðinni.  Hvernig stendur á því að þeir hafa enn ekki frétt af lokum Kalda stríðsins?  Ég hef mínar kenningar....

Hvaða fleiri hernaðarvélum geta VG mótmælt?

Radar?  Auðvitað.  Loran.  Asdik.  Sónar.  Allt meira og minna þróað til að klekkja á kommúnistum.

Þungt högg að verða af hundruðum starfa

Athugasemdir

[Vagn (IP-tala skráð) 16.5.2020 kl. 15:46]

Covid kreppan er að skapa tækifærið. Smá þrengingar í viðbót og við getum farið í stórfelldar virkjanir, lagt kapal úr landi, gengið í ESB, selt gagnslausar eyðijarðir útlendingum, opnað fyrir fjárfestingar Kínverja, sett kísilverið í Helguvík strax í gang, margfaldað sjókvíaeldi á laxi, Kínverska risa umskipunarhöfn fyrir austan og Bandaríska herskipahöfn á Suðurnesjum, o.s.frv.

Sjálfsagt munu einhverjir, sem vaða í villu og svíma, mótmæla og kvarta. En þegar vinna og peningar standa til boða þá má ekki láta kommúnista, náttúruverndarfasista og afturhaldsseggi stöðva okkur. Horfum til framtíðar og framfara með gullinn glampa í augum. Allt er umsemjanlegt fyrir rétt verð.

Eða hvað?

[Ásgrímur Hartmannsson, 17.5.2020 kl. 18:59]

*stórfelldar virkjanir, [...] margfaldað sjókvíaeldi á laxi,

Ágætt, að því gefnu að við getum sett kísilverið í Helguvík strax í gang.

*lagt kapal úr landi,

Ekki veit ég af hverju nokkur hugsandi maður ætti að vilja slíkt.  Sérstaklega ekki kapitalískt hugsandi maður.

*gengið í ESB,

Eigi veit ég svo gjörla hvaða erindi við hefðum þangað.

*selt gagnslausar eyðijarðir útlendingum,

Ef þeir endilega vilja þær.  Einhver þarf að borga útsvar.

*opnað fyrir fjárfestingar Kínverja [...] Kínverska risa umskipunarhöfn fyrir austan

Hvers vegna ættum við að vilja hafa þá vafasömu náunga hér?  Það gerir ekkert nema veita CCP ítök.

* ... og Bandaríska herskipahöfn á Suðurnesjum,

Betri hugmynd.  Við erum þegar í NATO, og vitum alveg við hverju er að búast úr þeirri átt.