Die Hard, nema á Íslandi

Var að hugsa um hvernig Die Hard myndi spilast út á Íslandi AD 2021.

Slíkt hefði aldrei góðan endi, svona raunsætt.  Aðal-gæjinn myndi enda í fangelsi.

En ég held að það væri hægt að gera sniðuga kvikmynd með þessari hugmynd:

Die Hard, á Íslandi, þar sem aðal er ekki lögga.

Orginal Die Hard er svona nógu* raunsæ "feel-good" hasarmynd, sem má alveg ó-írónískt segja að sé jólamynd.

*engar geimverur, leiserar, draugar eða galdrar.  Mest absúrd atriðin eru ekki nógu "beyond the impossible" til að vera hrein móðgun við áhorfandann.

Ef við gæfum okkur að að plott gerðist, þá væri eini munurinn að gaurinn kæmist ekki burt á limmó, heldur þyrfti í einhverjar yfirheyrzlur og svo yrði smá lögfræði-drama.

En það nennir því enginn.

En skoðum þá hvernig við getum gert Íslenska Die Hard:

Ef við gerum orginalinn beint, þá virkar það ekki.  Þá geturðu alveg eins haft geimverur og leisera.  Slíkt myndi jafnvel hjálpa.

Fyrir raunsæið, hugum fyrst að því hvernig aðal kemst upp með þetta allt saman.

Í USA útgáfunni er aðal lögga og þetta gerist í USA og enginn veit neitt um hvernig það virkar, svo sá endir virkar alveg.

Hér á Íslandi eru hinsvegar allt önnur gildi.

Hér getur þú ekkert drepið 5-6 manns í sjálfsvörn, kýlt blaðamann og sprengt hluta af byggingu án þess að lenda í veseni.  Við værum sennilega að tala um 16 ára fangelsi, sama hve mörgum gíslum þú bjargaðir.

Þetta vita allir, og skemmir góða endinn.  Áhorfandinn ranghvolfir augunum. Við viljum það ekki.

Góði endirinn er: aðal sleppur heim.

En til þess að það megi verða, þá verður hann ljóslega að komast hjá því að svo mikið sem meiða hryðjuverkamennina.  Helst verður hann að láta sem hann hafi aldrei verið í byggingunni.

Semsagt, Aðal festist í húsi með hryðjuverkamönnum, og verður að sleppa frá þeim óséður.  Þar með þarf hann að fórna gíslunum.  90 mínútur af feluleik við hryðjuverkamenn á meðan þeir myrða hvern gíslinn á fætur öðrum.

Aðal sleppur heim, allir aðrir deyja.

Og skyndilega er Íslenska Die Hard orðin að voða brútal hryllingsmynd í ætt við "The Belko Experiment."

Gæti verið ágæt stúdía á bjöguði gildismati og siðferði Íslendinga.  Og virkar út fyrir landsteinana.