Skoðum hvað fasista-áróðurveiturnar segja um gang mála:

Byrjum á RUV, vegna þess að það er bókstaflega RÍKIS-útvarpið.  Verður ekki fasískara.

Lögregla krafðist þess að komið yrði í veg fyrir myndatökur af lögregluaðgerð á Keflavíkurflugvelli í nótt, þar sem fimmtán hælisleitendum var vísað úr landi.

Voru fjölmiðlamenn nú að væflast um á flugplaninu?  Ekki lýst mér á að hafa þá óvita þar, enda engin leið að vita hvað þeim dettur í hug að gera.

Ísavía á auðvitað að passa uppá að þeir fari sér eða öðrum ekki að voða með nenum vitleysisgangi.

Sjón segir að hátíðarhaldarar leyfi Katrínu að komast upp með að sýnast vera í liði með menningarstarfsemi, á meðan ríkisstjórn hennar kemur fram við hælisleitendur af grimmd.

Sjón getur reynt að auglýsa Kötu fyrir okkur sem einhvern mikinn snilling, en það mun aldrei virka.  Við vitum öll að hún er kommúnisti.

Bandaríkjaforseti segir lýðræðið sjálft í húfi þegar kemur að þingkosningum í næstu viku. (sic)

"Hann hvatti því Bandaríkjamenn til að flykkjast til varnar lýðræðinu og gagnrýna allt ofbeldi í garð stjórnmálamanna og kjósenda. Atlaga að heimili Nancy Pelosi, forseta fulltrúadeildarinnar, hefur vakið ugg í brjóstum varðandi hættu af auknu ofbeldi gegn stjórnmálafólki."

Það er svo oft til meme.

Næst er Visir.is, málgagn úrkynjaðs fólks sem trúir á kolefni.  En við skulum ekki tvítaka fréttirnar:

Vilhjálmur H. Vilhjálmsson lögmaður telur fráleitt að veita lögreglu auknar forvirkar rannsóknarheimildir í ljósi máls vopnasalans, föður Sigríðar Bjarkar Guðjónsdóttur ríkislögreglustjóra.

"Málið hefur verið lengi á vitorði þeirra sem höndla með vopn sem og lögreglunnar sem talin er hafa haldið hlífiskildi yfir Guðjóni vegna fjölskyldutengsla hans við ríkislögreglustjóra..."

Kannski breyta þeir vopnalögunum svo þetta megi.  Það væri mikil framför.  Það er ekkert vit í öðru.

Unnur Berglind Friðriksdóttir, formaður Sjálfstæðisfélags Kópavogs, segir stuðningsmenn Bjarna Benediktssonar formanns fara offari í kosningabaráttunni.

""Ég var boðuð í yfirheyrslur í bakherbergi í Valhöll í fyrrakvöld fyrir nefnd sem ágætur (eða ekki) þekktur lögmaður er í forsvari. Þar var talað niður til mín og ég lítilsvirt. Það var farið með mig eins og sakamenn í sakamáli þá er ég að vísa einnig í ítrekuð yfirheyrslusímtöl. Sakarefnið er ekki alveg á hreinu því það er ekki verið að saka mig beint um neitt ... en ....." skrifar Unnur."

Ég skil ekkert af þessu.

Freyja Haraldsdóttir, réttindagæslumaður fatlaðs fólks á höfuðborgarsvæðinu, segir áhyggjuefni að Hussein Hussein, fötluðum flóttamanni frá Írak, hafi ekki verið gefinn beinn aðgangur að réttindagæslu- og lögmanni eftir handtöku.

"Hussein Hussein er einn úr fimm manna fjölskyldu frá Írak sem stóð til að vísa úr landi til Grikklands í nótt. ... Hussein og fjölskylda hans hefur búið hér á landi í að verða tvö ár og hefur Hussein getað sótt mikilvæga læknisþjónustu hérlendis."

Þeir biðu í alvöru í 2 ár með að senda þau öll úr landi?  Vá, sló-mó.  Þvílíkur seinagangur.

Og loks MBL, sem er eins og vísir.is, nema bara með M, og fyrirsagnirnar hafa enga merkingu.

Andri Steinn Hilm­ars­son, bæj­ar­full­trúi Sjálf­stæðis­flokks­ins í Kópa­vogi, seg­ist mjög ósatt­ur við þá ákvörðun for­manns stjórn­ar Sjálf­stæðis­fé­lags Kópa­vogs og for­manns full­trúaráðsins í Kópa­vogi að end­an­leg­ur listi lands­fund­ar­full­trúa var ekki bor­inn fyr­ir stjórn­ir öll­um fé­lög­um Sjálf­stæðis­flokks­ins áður en full­trú­arn­ir voru send­ir til Val­hall­ar til skrán­ing­ar.

Það er skiljanleg kvörtun.  Andri skilur kannski einhverntíma hvers vegna fylgið tálgast af flokknum.  Hann er að horfa á eina af ástæðunum, það þarf bara að síast inn.

Útskýrir annars fréttina fyrir ofan.  Vesen að þurfa alltaf að púsla öllu saman svona, en hey... geri svoleiðis daglega hvort eð er.

Í úr­sk­urðinum vís­ar end­urupp­töku­dóm­ur til laga um end­urupp­töku mála þar sem seg­ir að heim­ilt sé að vísa máli sem dæmt hef­ur verið í Hæsta­rétti til meðferðar og dóms­upp­sögu „að nýju“ í Lands­rétti. Dóm­ur­inn túlk­ar þessi orð þannig að þau feli í sér að aðeins mál sem sætt hafi meðferð og dóms­upp­sögu í Lands­rétti geti verið end­urupp­tek­in þar. Lít­ur dóm­ur­inn því á að ekki sé hægt að vísa mál­inu til Lands­rétt­ar.

... eru menn eitthvað að reyna að flakka með einhver mál fram og aftur í kerfinu?  Menn með endalausan pening og engin ný gögn.

Gaman.

Nokkr­ar stofn­an­ir rík­is­ins gera al­var­leg­ar at­huga­semd­ir við til­lög­ur að strandsvæðaskipu­lagi fyr­ir Vest­f­irði og Aust­f­irði. Telja að nú­ver­andi og ráðgerð at­vinnu­starf­semi, sér­stak­lega sjó­eldi, þrengi að sigl­inga­leiðum og ógni þar með ör­yggi sjófar­enda.

Ýmislegt dettur mönnum í hug.

Andúð manna á sjókvíaeldi er sérkennileg og lýsir sér á marga vegu.  Hvers vegna banna þeir þetta ekki bara?  Engin rök, bara bann.  Það væri ekki í fyrsta sinn sem eitthvað er bannað út í loftið vegna andúðar.

Til dæmis má faðir lögreglustjóra ekki einusinni selja riffla án þess að úrkynjað fólk skjótist hálfa leið til tunglsins úr hvellskitu sem orsakast af ótta.

Svo bannið bara sjókvíaeldið.  Eins og þeir bönnuðu bjórinn.  Eins og þeir bönnuðu hundahald.

Athugasemdir

[Birgir Loftsson, 3.11.2022 kl. 17:15]

Sæll Ásgrímur. Einsleitur hópur fjölmiðlamanna, menntaðir í sama háskólanum, líklega á félagsvísindadeild,  þar sem vinstra elítan ríkir, gefur okkur þeirra brengluðu mynd af heiminum. Því miður lætur almenningur ljúga að sér og trúir þeim. 

[Ásgrímur Hartmannsson, 3.11.2022 kl. 17:50]

Ég er alltaf að segja eim sem ég þekki að lesa fréttir af ólíkum miðlum, helst nýlegum.

Enginn gerir það.  Svo verður fólk hissa þegar ég næ að spá rétt fyrir um allskonar atburði.