Hvað ef Rússar gerðu hér innrás?

Skoðum staðreyndirnar:

https://www.globalfirepower.com/country-military-strength-detail.php?country_id=russia

Flugher: 250.000 manns.

Landher: 360.000 manns.

Sjóher: 155.000 manns.

Þeir hafa ~500.000 manns auka ef á þarf að halda, og geta bætt við milljón á ári ef með þarf, en það er ekkert raunsæ hugmynd.  Einhver þarf að bora eftir olíu og búa til mat.

Eðli málsins samkvæmt myndu þeir nota sjóher og smá flugher.  Því ekki geta þeir labbað hingað.

Það þýðir að af þessum 155.000 manns, þá verða í vinnu við hernað þá ~100K, vegna þess að menn fara í leyfi þriðja hvern mánuð... eða viku.  60-90% verða annarsstaðar að berjast við heri NATO, bæði á Svartahafi og á Kyrrahafi.

Sem gefur okkur 10-40K manns.

Af þeim má gera ráð fyrir að 1000-4000 verði í sjálfu innrásarliðinu.

Og hvernig bregðast menn við því?

Sviðsmynd 1, sú næst-líklegasta.

Jú, Íslendingar mæta niður á höfn til þess að skoða innrásarherinn á meðan þeir fá sér ís.

Rússarnir rölta svo friðsamlega heim til allra ráðamanna og skjóta þá í hausinn eða fangelsa þá, pynta á í nokkur ár og skjóta þá svo.  Lögreglan aðstoðar þá jafnvel við þetta.

Þetta gerist vegna þess að Íslendingurinn hefur enga ástæðu til þess að berjast fyrir Íslenska ríkið, þar sem það er ekki skynjað sem þjónusta við borgarana, heldur sem mafía sem við komumst ekki undan.  Þeir sem halda annað eru of úrkynjaðir til þess að geta barist.

Heill sé nýjum stjórnvöldum, sömu og þeim gömlu.

Sviðsmynd 2, möguleg en ólíkleg.

Menn berjast við Rússana.

Mannskapurinn er lögreglan, sem hefur sjálfvirk vopn, hreyndýraskyttur með langdræga riffla og rjúpnaskyttur, ásamt nokkrum öðrum sem eiga byssu bara af því.

Það eru 50.000 manns eða svo, af þeim munu 10% skjóta í áttina að andstæðingunum, og 1% mun miða.  Semsagt, 500-2500 manns eru um það bil að fara að plaffa á 1000-4000 manna lið.

Rússar verða gjörsigraðir af þessu liði eins og þeir hafa ekki verið gjörsigraðir af nokkru öðru liði áður.  Þeim gengur best að berjast við lögregluna, vegna þess að taktík hennar er fyrirsjáanleg.  Hinir berjast ekki á fyrirsjáanlegan hátt.

Landsmenn eru hér nokkuð heftir af landlægri úrkynjun yfirvalda, sem hefur starfað gegn íslendingum síðan alltaf.

Það sem gerir þetta ólíklegt er að Íslendingurinn hefur enga ástæðu til þess að berjast fyrir Íslenska ríkið.  Hver ætti hún að vera?

Sviðsmynd 3, möguleg en aðeins líklegri en 2.

Sama og 2, nema lögreglan gengur til liðs við rússana. Svolítið eins og WW2 um alla Evrópu.

Sama megin niðurstaða, nema tvísýnni, og það má búast við mikilli skálmöld í landinu á eftir, landsmenn sárir eftir að hafa fengið rýtinginn svona harkalega í bakið.

Sviðsmynd 4, möguleg og líkleg.

Rússar senda lögreglunni skeyti, og hún fer og myrðir 10% landsmanna fyrir þá.  Alla sem eru líklegir til að vera með uppsteyt og líka bara eitthvað fólk af handahófi.

Svo koma þessir 1000-4000 rússar og myrða alla í lögreglunni, og fara svo og taka til fanga alla stjórnendur ríkisins og skjóta þá í hausinn.  Soviet strategy.

Sviðsmynd 5, möguleg og líkleg.

Rússar gera öllum skotvopnaeigendum á Íslandi tilboð.  Kostnaðurinn við það er hverfandi fyrir þá.  Þeir hafa lista yfir þá, sem þeir hafa stolið hjá Ríkislögeglustjóra.

Svo koma Rússarnir friðsamlega, gulltryggt að sviðsmynd 2 gerist ekki, allir koma og skoða þá, og horfa á á meðan þeir taka af lífi alla valdamenn og setja sína eigin í staðinn.

Svo verður vodka partý.

Það er hægt að hugsa sér allskyns sæopp sem þeir gætu gert, byggt á Sviðsmynd 5.  Til dæmis gætu þeir gefið öllum skotvopnaeigendum vodka og kavíar.  Það kæmi bara með pósti einn daginn.

Það myndi sko aldeilis stressa marga.  Þeir þyrftu ekki að gera neitt annað, og hér færi allt í hnút.  Ráðamenn myndu jafnvel flýja land, eða ganga í Rússneska heimsveldið áður en hér yrði gerð innrás.

Loks:

Sviðsmynd 6: sú lang-líklegasta:

Það lendir þýrla í Reykjavík.  Um borð er einn rússneskur embættismaður.  Hann gengur á milli valdhafa á Íslandi með miða.  Á honum stendur: við stjórnum núna.  Fuck off.  Eða eitthvað svoleiðis.
Og valdhafar segja OK, og hypja sig.
Og Rússar sigra.

Það sem gerist ekki:

Það verður engin kjarnorkusprengja.  Það er ekki jafn gott sæopp og að að mæta bara og leggja plesiið undir sig svona án allra átaka.

Sæoppið er nefnilega ekki fyrir almenning neinstaðar, það er fyrir yfirvöld allstaðar.

Athugasemdir

[Bjarni (IP-tala skráð) 15.7.2023 kl. 22:58]

Rússar eru smáveldi með minna hagkerfi en Ítalía.Mér er fyrirmunað að skilja þetta rússablæti sumra. Þetta er smáþjóð stjórnað af drullusokki.  Það eina sem þeir hafa til að ógna heiminum eru kjarnorkuvopn, ekki er það efnahagsveldið sem gerir þá merkilega.  Putin á það sameiginlegt með feita svíninu í n-koreu að hafa steypt þjóð sinni í glötun

NATO myndi rúlla yfir þetta smáríki á dögum eða vikum ef til kæmi.

[Ásgrímur Hartmannsson, 15.7.2023 kl. 23:16]

Pútín er reyndar vinsæll þarna af ástæðu.  Athugaðu hver var á undan honum, og hvað sá maður var að gera.

NATO hefði rúllað yfir þessa gaura fyrir svona 15-20 árum.  Það hefði tekið nokkur ár, ekki vikur.  Gefið að kjarnorkuvopnin gufuðu upp á einhvern dularfullan hátt.

Núna?

Ég efast.

Það fór svo hrikalega mikið púður í Afganistan, fyrir ekkert, og Írak át upp resources.  Svo varð herinn skyndulega gey.

Í ofanálag þá er alltaf sama vandamálið með innrásir í Rússland: það er stórt.  Af einhverjum ástæðum gleyma menn því alltaf, að vegalengdir eru hlutur sem er til.

[Guðmundur Ásgeirsson, 16.7.2023 kl. 14:33]

Njósnagervihnettir yrðu búnir taka eftir fleiri þúsund manna her að ganga um borð í skipin áður en þau legðu úr höfn í Múrmansk. Kafbátar sem vakta Norður-Atlantshaf myndu veita þeim eftirför alla leið, með tundurskeytin tilbúin í skotstöðu. Sprengjuflugvélar staðsettar í löndunum í kring yrðu ræstar út og gætu verið komnar til móts við flotann áður en hann kæmist nálægt Jan Mayen, tilbúnar að sökkva honum.

Spurningin er því ekki hvað sé hægt, heldur hvernig bandalagsþjóðir Íslands myndu bregðast við því. Varla vilja þær missa ósökkvanlega flugmóðurskipið á Norður-Atlantshafi í hendur óvina.

Þetta vita Rússar vel og innrás er því afar óraunhæf sviðsmynd.

[Ásgrímur Hartmannsson, 16.7.2023 kl. 16:23]

Ég er að reikna með að allt þetta lið verði upptekið annarrstaðar, við að díla við restina af Rússneska flotanum og hernum.

Ekki jafn fáráðlegt og það hljómar þess vegna.

Ég er ekki Binkov, ég er ekki að reikna með pólitísku tómarúmi.

Vandinn við þetta, eins og ég sé hann, er miklu frekar að Rússar hafa ekki í alvöru mannskap til þess að halda meira svæði en þeirr eru þegar búnir að taka.

Reyndar væri frekar auðvelt fyrir þá að taka og halda Íslandi - sjá dæmi 6.  Til er sögulegt fordæmi - ef einhver man eftir Jörundi.

[Guðmundur Ásgeirsson, 16.7.2023 kl. 16:43]

Ef allt þetta lið yrði upptekið annarsstaðar við að díla við restina af rússneska flotanum og hernum eru mestar líkur á því að allur rússneski flotinn og herinn yrði upptekinn á sömu stöðum við það sama.

Vegna hernaðarlegs mikilvægis þess að hafa útstöð hér til að halda yfirráðum á Atlantshafinu yrðu varnir þeirrar stöðu eflaust í mjög háum forgangi ef til hnattrænna átaka kæmi. Það yrði alls engin afgangsstærð.

Þegar Jörundur kom hingað á sínum tíma voru ekki til flugherir, kafbátar, njósnahnettir eða neitt annað slíkt nútímadót. Það er því ólíku saman að jafna og á engan hátt sambærileg sviðsmynd.

[Bjarni (IP-tala skráð) 17.7.2023 kl. 12:57]

Rússland hefur engan flota og sovíetið var í tíu ár að bramboltast í Afghanistan áður en þeir hunskuðuðst þaðan með skottið á milli fótana.

Stórveldi my ass.