Af hverju er ekki búið að nota Orkuveitu húsið í fjölmargar kvikmyndir?

Sjáið þetta, þetta lítur út eins og Illsku Greni™.  Hugsanlega ljótasta og martraðarkenndasta bygging höfuðborgarsvæðisins.  Sem er í fullkomnu samræmi við dystópíouna sem er í gangi í Reykjavík, reyndar...

Þetta ættu kvikmyndagerðamenn að nýta sér áður en það verður rifið.

Mér skilst að þetta sé ekki allt í notkun, vegna allskyns skemmda vegna hönnunargalla og handarbakavinnubragða.  Sem kemur ekki að sök.

Hvað um það...

Ég sé fyrir mér að þessi byggins sé fullkominn bakgrunnur fyrir alveg helling af sci-fi/cyberpunk kvikmyndum:

1: Gaur er eltur um alla gangana af vélmennum.
2: Gaur er eltur um alla gangana af cyborgum.
3: Gaur er eltur um alla gangana af geimverum.
4: Gaur er eltur um alla gangana af genabreittum kattastelpum.
5: Gaur er eltur um alla gangana af zombíum.
6: Gaur er eltur um alla gangana af sæborg-geimverum.  Sem eru draugar.

Atburðarásin þarf ekkert að vera flókin:

Fyrst þarf ræman að byrja á senu sem tilkynnir áhorfendum hverslags steypu þeir eru að fara að horfa á.  Svo þarf bara að vera nógu stutt á milli atriða, svo áhorfandinn sofni ekki, list sem Íslenskir kvikmyndagerðamenn hafa reyndar ekki allir masterað.

Þannig hefst hin eisntaklega gáfulega kvikmynd sem gerist öll í Orkuveitu-húsinu á því að náungi mætir þarna, og labbar um svo við sjáum alla skuggalegu vélmenna-verðina sem Evil Overlord hefur, svo bísar hann einhverju og hleypur með það í burtu, plaffar kannski niður eitt eða tvö vélmenni við illan leik.

Svo springur hausinn á honum í loft upp á einn eða annan hátt, til að koma einhverjum skilaboðum til áhorfenda, og vegna þess að allar góðar sci-fi dystópíur verða að hafa amk 1 springandi haus.

Sjá: "The Running Man," eða "Logan's Run."  Þar bráðnaði garinn reyndar.  Það er líka algert möst að einhver bráðni.

Svo birtist aðal.  Nú þarf ekki lengur að sýna hvað allt er hættulegt, og hve mikil hætta er á að Aðal springi eða bráðni, það er búið að því.

Þá má fara út í smáatriði.  Hvað er þetta sem er þess vert að stela?  Hvers vegna springa menn í loft upp ef þeir stela því?

MacGuffinið er alveg stórmerkilegt, og getur haldið fólki við efnið í örugglega 2 mínútur.

Kannski reyna einhverjir aðrir að bísa því, og við fáum aftur að sjá vélmennin in action, skjótandi 4-5 þjófa svo þeir detta yfir handriðið og falla þessa 10-20 metar niður.

Það þarf alltaf einhver að detta yfir svona handrið og falla niður á gólf öskrandi.  Bónus stig ef viðkomandi springur í loft upp í lendingu.  Hver hefur ekki lúmskt gaman af svoleiðis?

Svo þarf líka að kynna vonda kallinn, en hann þarf líka að vera voða osom, því annars er ekkert varið í þetta.  Það sem hann er að gera þarf að vera skiljanlegt, en líka osom.  Planið er kannski að breyta öllum í zombíur, eða sæborga, eða drauga, eða breyta öllum í örbygjurétti til að selja geimverum.  Eða hann ætlar að skifta öllu kvenfólki í heiminum út fyrir gena-editaðar kattastelpur.

Allt góð plön.

Svo ákveður Aðal að stela McGuffininu, og þá fer hann í gegnum þetta ferli sem okkur hefur nú verið sýnt tvisvar, en nú með allskyns ráðstöfunum til þess að lenda ekki í að hausinn á honum springi.

Það verður smá skothr´ð og nokkur vélmenni detta yfir handrið.  Svo springur miniature-útgáfa af orkuveituhæusinu í tætlur, vegna þess að það er alltaf töff.

Endir.

Auðvelt, einfalt, þarf ekki að kosta alla peningana.  (Það fer allt eftir hvað þeir ráða marga leikara.  Lágmarkið er 5, held ég.)

Af einhverjum orsökum er svona lagað ekki til.  Hann Steindi reyndi þetta um daginn, og fékk út þá ágætu kvikmynd "Þorsti."

Venjulega er engin stemming fyrir sci-fi axjón.  Allir vilja bara gera kvikmyndir með trjá þema: Undir Trénu, Við hliðina á Trénu, Bakvið treið... osfrv...

Tré eru alveg ágæt, en þau eru minna fyrir að berjast við geimverur.  Sem er nota bene líka brilljant hugmynd að kvikmynd.