Viðskiftahugmynd!

Hvernig væri að framleiða fólk?  Kvenfólk sko.  Markaðurinn er slíkur, að gera má ráð fyrir að þarna séu um 50.000.000 manns sem eru ágætlega vel stæðir, og þar af minnst 5.000.000 sem eru hreinlega ríkir.

Varan er nefnilega nokkuð dýr í framleiðzlu.

Sko, glasafrjóvgun skilst mér að kosti um 300.000 krónur, 600.000 ef það klikkar í fyrsta skifti, og svo framvegis.  Til að framleiða eingöngu kvenfólk þarf að redda eggjum og standa í að splæsa þeim saman.  Það geri ég fastlega ráð fyrir að muni kosta miklu meira, enda ekki til þess ætlast af náttúrunnar hendi.  Til að hafa tölu, gerum við í bjartsýni ráð fyrir að það muni kosta 500.000 kall, per unit.

Eggin kaupir maður af hverjum sem vill selja.  Í kína eru 1.000.000.000 manns sem eiga frekar lítinn pening, þar af eru svona 400.000.000 kvenkyns, og sennilega 2-300.000.000 á besta aldri.   Það þarf ekki að veifa miklum pening framan í það fólk til að hafa af þeim nokkur egg.  Kannski er 100.000 kall nóg til að fá að tæma úr þeim.  Úr sama hóp má ráða fólk til að ganga með vöruna fyrir 10.000 kall á mánuði.

Það verða afföll, það er ljóst, sem veldur því að hvert unit mun á endanum kosta vel yfir milljón.  Það má gera ráð fyrir að það verði 1/450, eins og Dollý, en það hefur orðið nokkur þróun síðan þá, svo kostnaður við hvert fætt unit ætti ekki að fara mikið yfir 10 millur.

Svo þarf varan að fá að gerjast í svona 17 ár, eða svo.  Auðvitað þarf að lagfæra sitthvað í þeim, til dæmis tennurnar.  Andlit og líkama er hægt að forma að miklu leiti, svo og hegðun og framkomu.  Það mætti jafnvel hugsa sér að framleiða týpu sem hugsar ekkert.  Allt þetta föndur kostar sitt, og þá erum við að tala um sennilega 12-15 milljónir, plús lager-kostnað, sem færir verðið upp í 20 milljónir, gróflega áætlað.

Það eru 5.000.000 kínverjar sem hafa efni á því.  Yfirgnæfandi meirihluti þeirra er karlmenn.

 Þá er bara að hundsa nokkrar smávægilegar siðferðislegar spurningar, og byrja að framleiða!