"baráttan gegn ofbeldi gagnvart konum" (sic)

Þetta er nokkuð tyrfinn texti.

Gleymum þessu loftslagsbulli eitt augnablik, og snúum okkur að "baráttunni gegn ofbeldi gagnvart konum."

Ekki finnst mér orðið "gagnvart" mjög fallegt, né orðið "gegn," sem sífellt er tönnlast á.  Þetta er líka allt notað rangt.

Þetta er ekki um ofbeldi, þetta er um málfræði.  Og ég er ekkert að þykjast vera Njörður P. Njarðvík heldur.  Langt frá því.

Fyrst: það er ekkert "ofbeldi gagnvart konum," eða nokkrum hlut, þegar maður spáir í því.  Því hvað þýðir orðið "gagnvart"?  Ég fletti því upp:  (http://digicoll.library.wisc.edu/cgi-bin/IcelOnline/IcelOnline.TEId-idx?id=IcelOnline.IEOrd)

1. (andspænis) facing, in front of

2. (í sambandi við) in relation to, towards

Aha.. ofbeldi sem er staðsett á móti konum, eða ofbeldi sem er í sambandi við konurm, þ.e. tengist þeim á einhvern hátt.

Sem sagt, ofbeldi er annaðhvort einhverskonar áþreifanlegur hlutur sem er staðsettur á móti konum - ekki er tilgreint hvaða kvenfólk þetta er, ég gæti náttúrlega spurt systur mínar hvort þær hafa ofbeldi mikið fyrir framan sig, og þá væntanlega hvernig það er í lagin. 

Ekki er mér fulljóst hvernig ofbeldi tengist svo konum.  Reyndar er þessi texti tómt kjaftæði þegar hann er skoðaður nánar.

Annað hvort er kvenfólk beitt ofbeldi eða ekki, það er ekkert ofbeldi gagnvart þeim.  Það bara er ekkert hægt.  Ekki frekar en fuglarnir blaka vængjunum gagnvart flugi, eða frost gagnvart kulda varðandi snjókomu.

Ekki fæ ég séð að ofbeldi sé hlutur, svo ekki getur nein barátta staðið gegn því.  Reyndar væri baráttan sem slík ofbeldi - flestar hegðunarbreytingar eru framkvæmdar með ofbeldi: það er uppáhalds aðferða löggjafa.  Sem mun skila ofbeldi.  Sem færir okkur aftur á byrjunarreit.  Sem er náttúrlega bara snilld.

Ég er ekki að segja að ekki sé hægt að stemma stigu við sumum formum ofbeldis með ofbeldi, en það þarf að hugsa þá hluti í gegn.

En aftur að málfræðinni: það að segja "ofbeldi gegn konum" er líka rangt, svo ekki segja það.  Það er nákvæmlega jafn-gáfulegt og að segja "Ofbeldi gegn KR," eða "Þróttur gegn Konum."

Mér er sama þó þetta sé hentugt sánd-bæt, þetta hljómar asnalega. 

Ræddi við Ban Ki-moon

Athugasemdir

[Beturvitringur, 27.2.2008 kl. 00:44]

Heill og sæll

Ætlar þú að blogga eitthvað um íslenskt mál áfram? Ég er nefnilega að leita mér að íslenskuástarbloggvinum, en veit ekki hvernig það gerist (að sækja um að verða "vinur") kannski geturðu frætt mig.

Hvernig þætti þér við hæfi að fyrirsögnin hefði verið?

Reyndar VERÐ ég að gera svolítið at í þér (þetta á maður á hættu þegar lagt er í að gera athugasemdir við tungumálið)

Þú skrifar:

"er ekkert að þykjast" Orðanotkun sem tröllriðið hefur málinu og sögð íslenskuð enska. Ætti eftir því að vera: "þykist ekki"

"notað rangt". Þarna verður að vera ao, mætti e.t.v. nota "ranglega"

"þegar maður spáir í því". Maður spáir í ÞAÐ en pælir kannski í því (ekki "spáir í því")

"hvort þær hafa ofbeldi mikið fyrir framan sig". Í þessu tilviki er óvissa og því notaður vh (viðtengingarháttur):  "... hvort þær HAFI ofbeldi..."

[Snorri Hansson, 27.2.2008 kl. 01:23]

Beita konu ofbeldi. ? Fremja ofbeldi á konum . ? Misþyrma konum andlega og eða líkamlega ?

[Linda (IP-tala skráð) 27.2.2008 kl. 06:59]

Takk fyrir fræðsluna

[Ásgrímur Hartmannsson, 27.2.2008 kl. 12:15]

Eins og ég sagði, ég er ekki Njörður P...