Hver eru mörk lýðræðis?

Þarf fólk að kjósa um allt?  Þetta eru línur sem ég býst ekki við að fólkinu muni verða starsýnt á.  Og ef það kýs um þessar línur, hvað annað gæti það hugsanlega kosið um?  Hvernig hús nágrannans má vera á litinn?  Of mikið lýðræði getur hreinlega verið til vandræða.  (Of mikið "ræði" af öllu tagi er alltaf til stöðugra vandræða allstaðar.  Þingræði, einræði... allt hefur í för með sér vesen ef yfirráðin eru of víðtæk.)

Nú, ef menn vilja lýðræði: hve margir vilja kjósa um þetta?  Þá meina ég sem hlutfall af kosningabærum mönnum?  50%  Fleiri?  Ef svo mörgum er svo umhugað um þetta: leyfum kvikyndunum að kjósa.

Hvað er það versta sem gæti gerst?  Að línurnar verði niðurgrafnar, þar sem ísing sest ekki á þær eða stormar og hríðir berja á þeim.  Viðhaldskostnaðurinn minnkar til langframa.  Líkurnar á að einhver asni grafi línuna upp fyrir vangá aukast.

Íbúar fá ekki að kjósa

Athugasemdir

[Jóhannes H (IP-tala skráð) 22.9.2008 kl. 18:08]

Viðhaldskostnaður minnkar ekkert við að setja þetta í jörðina. viðgerðir og rekstur á strengjunum verða bæði dýrari og tímafrekari.

Og ef það á að forðast það að það að jörðin frjósi hafi áhrif á strengina þá þarf nú að grafa ágætlega mikið niður sem svo aftur á móti veldur því að start kostnaður og svo viðgerðar/rekstrarkostnaður verður dýrari.

[Ásgrímur Hartmannsson, 22.9.2008 kl. 23:20]

Yfirleitt bila strengir í frosti vegna þess að raki safnast á þeim og þeir annað hvort leiða út, þá í grindina sem heldur þeim uppi eða í jörð ef snjór nær svo hátt - sem á það til að gerast - eða hreinlega falla niður sökum þunga.  Sem kallar á viðhald.  Hvorugt af þessu gerist sé strengurinn neðanjarðar.