Skilgreindu "venjulegt fólk"

"Hugmyndir eru uppi innan Vinstrihreyfingarinnar-græns framboðs,  um að leggja á eignaskatt að nýju." 

Gott að leigja, þá.  En - þar sem nú þarf að borga meira af eigninni sem er leigð má búast við að leigan lækki ekkert í bráð.  Sem þýðir verðbólga.

"Steingrímur ...  segir að ekki sé verið að tala um að leggja skatta á eignir venjulegs fólks en það sé annað mál hvort tekjuhátt stóreignafólk eigi ekki að leggja eitthvað að mörkum eins og slíkt fólki geri í nágrannalöndunum."

Nágrannalöndunum Noregi?

Hvað er venjulegt fólk?  Á það einhverjar eignir?  Eða á kannski bara að skattleggja þá sem eiga eignir - bara einhverjar eignir?  Hverjir eru það?  Eru það einhverjir aðrir en aldraðir - eða amk fólk komið af léttasta skeiði?  Ég meina, þrítugur maður í dag á engar eignir.  Hann skuldar þær. 

"Hann segir skattastefnuna, sem Sjálfstæðisflokkurinn hafði forystu um, vera hluta vandans í dag."

Þeir sauðir voru líka svolítið fyrir að fjölga sköttum - samt mest jaðarsköttum sem kostuðu á endanum fullt af pening, en fæstir tóku eftir.  Já, og rukka alla á landinu fyrir RÚV. 

"Menn hafi hegðað sér með fullkomlega óábyrgum hætti líkt og aldrei kæmi að skuldadögum."

Og nú taka við eilífir skuldadagar.  Fyrst fáum við að borga skuldir annarra, svo fáum við að borga skuldir annarra. 

"Það hefði verið hægt að lifa af bullandi viðskiptahalla og þenslu án þess að ríkið hefði traustar tekjur til að tryggja næga þjónustu."

Ha?  Í raun, já.  Annar skil ég ekki alveg hvað er verið að fara hérna.  Einhver? 

"Þeir timar séu nú liðnir og kerfi Sjálfstæðisflokksins sé hrunið í hausinn á okkur."

Það var ríkisrekstur by proxy.  Nú fáum við beinan ríkisrekstur.  Og jafnvel flóknari og minna skilvirkan.  Fokk je! 

"Sjálfstæðisflokkurinn hafi þá kúvent í afstöðu sinni en VG hafi flutt í mörg ár frumvarp til að tryggja dreifða eignaraðild í bönkum og fjármálafyrirtækjum en framan af hafi Sjálfstæðisflokkurinn tekið undir það."

Sko, við sölu bankanna kom betur í ljós en áður að fólkið er eign Ríkisins, ekki öfugt, annars hefðu allir bara fengið sinn hluta af bönkunum í pósti, til ráðstöfunar eftir vilja. 

"Allt í einu hafi hugtakið kjölfestufjárfestir orðið ráðandi í umræðunni og menn hafi skutlað tveimur ríkisbönkum í hendur fárra einstaklinga eða hópa og það hafi haft skelfilegar afleiðingar í för með sér."

Easy come, easy go.

Komið að skuldadögunum