Víkkar æðarnar

Þá rennur blóðið frekar um.  Það er gott að víkka æðarnar alltaf einusinni á dag.  Það losar um allt þetta rusl sem safnast fyrir inni í þeim.

Svo er í rauðvíni efni sem bætir blóðrennzlið. (bara vínberjasafi er hollur á þennan sama hátt) Og í bjór eru ýmis næringarefni - að vísu mun vera bannað með lögum að setja C-vítamín í bjór í löndum EB.  Ekki veit ég af hverju.  Eitthvað í sambandi við lífrænt, koltvýsýring, ósonlagið og gengi Man. Utd í boltanum...

Heilsubætandi áhrifa áfengis gætir skjótt

Lífrænar lífverur

"Framleiðendur lífræns lambakjöts hafa takmarkaða möguleika á að markaðssetja afurðir sínar sem lífrænar." 

Hvers eiga framleiðendur ólífræns lambakjöts að gjalda?  Eitthvað lífrænt stöff hefur verið að troða sér að síðan nælon-kjötið var fundið upp, okað markaðinn.  NEi, það þarf ljóslega að halda þeim frá núna. 

"Einungis tvö sláturhús á landinu hafa lífræna vottun. Þetta eru sláturhúsin á Hvammstanga og á Blönduósi."

Mér er ekki fullljóst hvað þessi lína þýðir. 

"Bændurnir í Þórisholti í Mýrdal hættu sauðfjárbúskap síðastliðið haust en sá búskapur var lífrænt vottaður."

Rollurnar hans voru úr kjöti. 

„Það var engin glóra að flytja skepnurnar alla þessa leið. Það kom aldrei til greina því að ávinningurinn af lífrænni ræktun var í raun horfinn.“

Heimaslátruð kjötvara er líka lífræn.  Held ég.  Kannski ekki vottuð.  Það þarf jú að efnagreina þetta til að sjá hvort rollan er ekki örugglega úr kjöti.

Maður veit aldrei, misjafn sauður í mörgu fé og allt það.  Allar þessar vegarollur, búnar til úr asbesti og tjöru.  Fuss.

400 km á lífrænt sláturhús

Enn ein bók á listann

yfir bækur sem ég mun ekki nenna að lesa.  Ég er ekki fyrir ævisögur.  Og ég veit ekki um neinn núlifandi íslending sem ég hefði áhuga á að lesa meira en 2-3 blaðsíður um.

Ég er ekki að lýsa andúð í henni Viggu, ég bara hef ekki áhuga.  Og forsetar?  Úúh!  Aksjón!  Spenna!

Nei.  Ævisögur eru ekki fyrir mig.  Sérstaklega ekki fólks sem hefur leynt og ljóst ekki gert neitt myndrænt.  Tökum sem dæmi Halldór Laxness, sem um hafa verið skrifaðir miklir doðrantar á stærð við ísskápa (týpan með klakavélinni) upp á milljónir blaðsíðna.  Hvað gerði hann?  Ekkert.  Hann var munkur í smá stund, og svo hafði hann nægan tíma til að skrifa allar þessar bækur sem þekja bókahillur sumra.  Ég hef þann grun að verk hans séu áhugaverðari en verkið um hann. 

Seinasta ævisaga sem ég las var ævisaga Lord Byron.  Fátt merkilegt dreif á daga hans.  Ekki meira en svo að einhverjir ættingjar hans fengu nokkrar síður til að fylla uppí.  Það var áhugavert lið.

Ævisaga Vigdísar haustið 2009

Með köldu blóði

Það hefur einhver kaldrifjaður aðili sett hana á ís.  Það er hugsanlegt, en ekki líklegt að þetta hafi verið óviljandi.  Það þarf nefnilega stundum að kæla fólk niður.  Þurrís er kannski ekki besta aðferðin til þess samt.

Maður spyr sig samt, af hverju nokkur maður mundi vilja geyma lík?  Ég meina, þetta er nokkuð sem skynsamur morðingi myndi vilja losna við sem fyrst.

Ekki ætlaði morðinginn að neyta hennar seinna?

Fundu lík í frystikistu

Hvar ert þú í pólitíkinni?

Í alvöru?  Ja, ég fann þetta einfalda krossapróf sem reynir að svara þeirri spurningu: http://www.politicalcompass.org/test

Það gefur upp svona mynd, og sýnir hvar í pólitík þú ert. 

 

 

 

 

 

 

 

 

 

 

 

 

Það er hugsanlegt að þú sért ekki það sem þú heldur.  Ég er víst á svipuðum slóðum og Milton Friedman.

Stundum tikkaði ég bara í eitthvað. 

Eldur!

Þegar fólk langar ofsalega mikið til að móðgast, þá móðgast það, og heldur áfram að vera móðgað árum, jafnvel áratugum saman.

Slíkt fólk á bara að hundsa.  Og leyfa dönskum skrípamyndateiknurum að hæðast að þeim.  Maður á ekkert að hlusta á baulið í þeim.  Bösta þá bara og senda til síberíu þegar þeir mæta með sprengjuna um sig miðja.

Albright gagnrýnir Dani

Munurinn á Íslandi og Texas:

Í Texas aka allir um á alltof stórum pallbílum.  Á Íslandi... uhm...

Í Texas býr fullt af trúbrjálæðingum.  Á Íslandi... hey... til að kaninn hafi fleiri trúarlegar sjónvarpsstöðvar en við þurfa þeir 1000... Hér býr maður sem tók sig einusinni til og brenndi geisladiska með villutrú.  Seinasta dómsmál útaf Guðlasti var 199X.  Við höfum fullt af talibönum.

Í Texas er nóg af skotvopnum til að vopna alla í Houston.  Á Íslandi er nóg af skotvopnum til að vopna alla í Kópavogi.

Í Texas ganga menn um með stóra hatta.  Ekki hér!  Haha!

Í texas er eyðim... Æ, fokk it.  Munurinn á Texas og Íslandi er að í Texas er töluð ameríska. 

Ekkert vit í að flytja til Íslands

Það búa 220X fleiri á Bretlandi en á Íslandi

Hverfa virkilega svona fáir þar?

Ein skrattans stelpa hverfur, og það lendir í blöðunum hjá okkur.  Þá er hin ógnvænlega fuglaflensa skárri. 

Leitað að skólastúlku á Bretlandi

Þetta er grunnhegðun.

Þú færð fólk ekkert ofan af klámi og vændi frekar en þú færð það til að hætta að borða.

Aldrei fleiri vændismál

Hinn frjálsi heimur.

Hvað er hann að banna viðskifti hinna ýmsu landa?  Með öll þessi bönn í gangi hefur hann eiginlega engan rétt á að kalla sig "frjálsa heiminn".

Fasismi og ekkert annað. 

Umsvifamikill vopnasali handtekinn í Taílandi