Sem er ekkert að frétta, í raun

"Talið er að hátt í 50 manns hafi fallið í hörðum átökum á milli jemenska hersins og vígamanna sem hliðhollir eru hryðjuverkasamtökunum al-Kaída."

Vígamenn já. Áhugavert orðalag, það. Og eitthvert bodycount gripið úr lausu lofti segir okkur ekkert. Hve margir voru í hvoru liði? Enginn segir.

"Minnst 40 vígamenn féllu í átökunum sem eiga sér stað í suðurhluta Jemens."

Gott stöff. Þeir féllu í fortðið í átökum sem eiga sér stað í nútíð. Þessi texti var augljóslega skrifaður af sjálfum Ólafi Jóhanni Ólafssyni.

"Bardagarnir eru liður í umfangsmikilli aðgerð jemenska hersins sem hófst fyrir um tveimur mánuðum."

Aðgerðin felur í sér að koma af stað bardögum. Jæja...

"Markmið hennar er að hrekja á brott alla liðsmenn hryðjuverkasamtakanna og ná þannig aftur stjórn á landsvæðum sem fallið hafa í hendur þeirra."

Afsakanir, afsakanir.

"Talsmenn hersins telja að liðssveitir sínar hafi jafnframt náð að umkringja hátt í 300 vígamenn."

Einhverjir 300 "vígamenn" eiga ekkert í her. Hve illa þjálfaður sem sá her svo kann að vera.

"Er því ljóst að verulega er farið að þrengja að al-Kaída í Jemen."

Ef það er þá eitthvað slíkt í Jemen. Þetta gæti bara verið eitthvert tacked on orð til að fegra smá fjöldamorð fyrir umheiminum. Umheimi sem er alveg skít-sama.

"Aðgerðir hersins eru mjög umfangsmiklar."

Miðað við hvað? Jemen er náttúrlega stórt svæði...

"Meðal þess sem hann notast við eru sérþjálfaðir hermenn,"

Miðað við þennan random everyday terrorista er ég sérþjálfaður. Þetta segir mér ekki neitt. Á vígamenn þarf ekkert. Það þarf bara að mæta með slatta af vopnuðu liði sem veit úr hvaða enda skotin koma, og sigurinn er í hönd. Ef þeir væru að berjast við aðeins reyndari menn, td skæruliða - FARC eða Hizbolla, þá þurfa þeir að geta hitt eitthvað líka.

"brynvarðir bílar og herþotur sem gera þungar loftárásir á yfirráðasvæði al-Kaída."

Hljómar allt afar kostnaðarsamt.

"Minnst eitt hundrað loftárásir hafa verið gerðar á bæinn Shuqra í suðurhluta landsins."

Ég veit ekkert um þennan bæ. Á þetta að hljóma voða impressive?

"Að auki notast herinn við öflugar sprengjuvörpur í átökunum."

Ég veit of mikið til þess að skilja hvað þessi setning einu sinni þýðir. Það er víst hægt. Ég sé það núna.

Vígamenn stráfelldir í Jemen

Athugasemdir

[Ingi Þór Jónsson, 15.6.2012 kl. 08:29]

Ég veit ekki alveg hvort þetta er eins og þegar bandaríkjamenn sprengja fólk með drónum en þá þurfa fréttatilkiningar þeirra alltaf að taka framm að allir sem drepnir væru séu "enemy combatants", þetta var einhver regla sem sett var á þegar þeir voru gagnríndir fyrir "civilian casualties".

[el-Toro, 15.6.2012 kl. 10:19]

skrítið miðað við umfang aðgerða hersins, að "engir" almennir borgarar hafi farist eða slasast í þessum aðgerðum...

...því það er nefnilega ekki skortur á því í Sýrlandi...

[Ásgrímur Hartmannsson, 16.6.2012 kl. 02:37]

Það er ekkert skrítið við það að engir almennir borgara drepist. Slíkt gerist. Það er nokkuð nýtt að herir forðist að slátra þeim eitthvað sérstaklega. Eða fæla þá inn í næstu eyðimörk þar sem þeir deyja allir á mjög ódýran hátt.