Enn að kíkja í pakkann, enda er hann stór og rúmgóður:

Hann er hér, http://www.evropustofa.is/fileadmin/Content/Publications/PDFs/Lissabon-heildarskjal.pdf í allri sinni dýrð, ef einhver ætlar að segja að ég sé að falsa eitthvað.

259 síður eftir. 

 

***

 

28. gr.

1. Kalli ástand alþjóðamála á að Sambandið grípi til aðgerða skal ráðið samþykkja nauðsynlegar
ákvarðanir í því skyni. Í ákvörðununum skal mælt fyrir um markmið og umfang, þau úrræði sem leggja skal Sambandinu til, tímamörk, ef nauðsyn krefur, og skilyrði fyrir framkvæmd.
Ef breyting verður á aðstæðum, sem hefur veruleg áhrif á álitaefni sem slík ákvörðun snerist um, skal ráðið endurskoða forsendur og markmið ákvörðunarinnar og taka nauðsynlegar ákvarðanir.
2. Ákvarðanirnar, sem um getur í 1. mgr., skulu skuldbinda aðildarríkin hvað afstöðu þeirra og
framgöngu varðar.
3. Sé ráðgert að taka afstöðu eða grípa til aðgerða á innlendum vettvangi samkvæmt ákvörðun af því tagi sem um getur í 1. mgr. skal viðkomandi aðildarríki miðla upplýsingum um það svo ráðrúm gefist til, ef nauðsyn krefur, að efna áður til samráðs í ráðinu. Slík skylda, að miðla upplýsingum áður en gripið er til aðgerða, skal ekki taka til ráðstafana sem eingöngu felast í lögleiðingu ákvarðana ráðsins á innlendum vettvangi.
4. Beri brýna nauðsyn til vegna breyttra aðstæðna og hafi ákvörðun ráðsins ekki verið endurskoðuð,
eins og lýst er í 1. mgr., er aðildarríkjunum heimilt, við brýnar aðstæður, að grípa til nauðsynlegra
ráðstafana með hliðsjón af almennum markmiðum þeirrar ákvörðunar. Viðkomandi aðildarríki skal
tilkynna ráðinu allar slíkar ráðstafanir án tafar.
5. Sé verulegum vandkvæðum bundið að hrinda í framkvæmd ákvörðun af því tagi sem um getur í
þessari grein, ber aðildarríki að vísa málinu til ráðsins til umfjöllunar og úrlausnar. Úrlausn má ekki stríða gegn markmiðum þeirrar ákvörðunar sem um getur í 1. mgr. eða draga úr áhrifum hennar.

 

***

 

Mjög almennt.

 

***

 

29. gr.

Ráðið skal samþykkja ákvarðanir þar sem afstaða Sambandsins að því er varðar tiltekið landfræðilegt eða þemabundið málefni er skilgreind. Aðildarríkin skulu tryggja að stefnur þeirra á innlendum vettvangi séu í samræmi við afstöðu Sambandsins.

 

***

 

Ég hélt þetta ætti að vera á íslensku.  Það er kannski til of mikils mælst...

 

***

 

30. gr.

1. Sérhverju aðildarríki, æðsta talsmanni stefnu Sambandsins í utanríkis- og öryggismálum eða æðsta talsmanninum með stuðningi framkvæmdastjórnarinnar er heimilt að vísa til ráðsins álitamálum sem tengjast sameiginlegri stefnu í utanríkis- og öryggismálum og leggja fyrir ráðið, eftir því sem við á, framtaksverkefni eða tillögur.
2. Þegar mál þarfnast skjótrar úrlausnar skal æðsti talsmaðurinn boða, annaðhvort að eigin frumkvæði eða að beiðni aðildarríkis, til aukafundar í ráðinu með 48 klukkustunda fyrirvara eða, þegar brýna nauðsyn ber til, með enn skemmri fyrirvara. 

 

***

 

Mér finnst líka að þetta hafi verið áður.

 

***

 

31. gr.

1. Leiðtogaráðið og ráðið skulu taka ákvarðanir einróma samkvæmt þessum kafla nema kveðið sé á
um annað í honum. Samþykkt lagagerða skal vera undanskilin þessu.
Hverju því aðildarríki, sem á sæti í ráðinu og situr hjá við atkvæðagreiðslu, er heimilt að gera grein fyrir hjásetu sinni með formlegri yfirlýsingu samkvæmt þessari undirgrein. Skal því þá ekki skylt að beita ákvörðuninni þótt það skuli viðurkenna að Sambandið sé bundið af henni. Í anda gagnkvæmrar samstöðu skal viðkomandi aðildarríki ekki gera neitt það sem líklegt er að vinni gegn eða standi í vegi fyrir aðgerð Sambandsins á grundvelli ákvörðunarinnar og hin aðildarríkin skulu virða afstöðu þess.
Ekki skal samþykkja ákvörðun ef þeir aðilar, sem eiga sæti í ráðinu og gera grein fyrir hjásetu sinni á þennan hátt, eru fulltrúar a.m.k. þriðjungs aðildarríkjanna og jafnframt a.m.k. þriðjungs íbúa Sambandsins. 

 

***

 

Ekki alveg öryggisráðið.

 

***

 

2. Þrátt fyrir ákvæði 1. mgr. skal ráðið taka ákvörðun með auknum meirihluta þegar það:
-- samþykkir ákvörðun þar sem aðgerð eða afstaða Sambandsins er skilgreind á grundvelli ákvörðunar leiðtogaráðsins er varðar brýna hagsmuni og markmið Sambandsins, sbr. 1. mgr. 22. gr., -- samþykkir ákvörðun þar sem aðgerð eða afstaða Sambandsins er skilgreind samkvæmt tillögu
æðsta talsmanns stefnu Sambandsins í utanríkis- og öryggismálum að framkominni sérstakri beiðni
sem leiðtogaráðið hefur sent honum að eigin frumkvæði eða að frumkvæði æðsta talsmannsins,
-- samþykkir ákvörðun um framkvæmd ákvörðunar þar sem aðgerð eða afstaða Sambandsins er
skilgreind,
-- tilnefnir sérstakan fulltrúa í samræmi við 33. gr.
Lýsi aðildarríki, sem á sæti í ráðinu, því yfir að það hafi í hyggju að leggjast gegn því að ákvörðun verði samþykkt með auknum meirihluta, af brýnum og nánar tilgreindum ástæðum er varða stefnu
aðildarríkisins, skal atkvæðagreiðsla ekki fara fram. Æðsti talsmaðurinn skal þá, í nánu samráði við
hlutaðeigandi aðildarríki, leita lausnar sem það telur viðunandi. Takist það ekki er ráðinu heimilt að fara fram á það, með ákvörðun sem tekin er með auknum meirihluta, að málinu verði vísað til leiðtogaráðsins til einróma ákvörðunar. 

 

***

 

Þetta er hinsvegar svolítið öryggisráðs-legt.

 

***

 

3. Leiðtogaráðinu er heimilt að samþykkja einróma ákvörðun, þar sem kveðið er á um að ráðið skuli
taka ákvarðanir með auknum meirihluta í öðrum tilvikum en þeim sem um getur í 2. mgr.

 

***

 

Er heimilt... en þarf ekki nauðsynlega?

 

*** 

 

4. Ákvæði 2. og 3. mgr. gilda ekki um ákvarðanir sem tengjast hernaðar- eða varnarstarfi. 

 

***

 

Hvað gildir þá?

 

***

 

5. Ráðið skal taka ákvörðun með meirihluta atkvæða þeirra aðila, sem eiga sæti í ráðinu, þegar um ræðir vafaatriði varðandi málsmeðferð. 

 

***

 

32. gr.

Aðildarríkin skulu efna til samráðs sín á milli á vettvangi leiðtogaráðsins og ráðsins um hvert það atriði í stefnu í utanríkis- og öryggismálum er varðar almenna hagsmuni, til að ákvarða sameiginlega nálgun.
Sérhvert aðildarríki skal hafa samráð við hin aðildarríkin á vettvangi leiðtogaráðsins eða ráðsins áður en það grípur til aðgerða á alþjóðavettvangi eða tekur á sig skuldbindingu sem gæti haft áhrif á hagsmuni Sambandsins. Aðildarríkin skulu sjá til þess, með samleitni aðgerða sinna, að Sambandið geti haldið fram hagsmunum sínum og gildum á alþjóðavettvangi. Aðildarríkin skulu sýna hvert öðru samstöðu.
Þegar leiðtogaráðið eða ráðið hefur skilgreint sameiginlega nálgun Sambandsins, í skilningi fyrstu
málsgreinar, skulu æðsti talsmaður stefnu Sambandsins í utanríkis- og öryggismálum og
utanríkisráðherrar aðildarríkjanna samræma starf sitt innan ráðsins.

Sendiskrifstofur aðildarríkjanna og sendinefndir Sambandsins í þriðju löndum og hjá alþjóðastofnunum skulu hafa með sér samvinnu og leggja sitt af mörkum til þess að móta sameiginlega nálgun og vinna að framkvæmd hennar. 

 

***

 

Mér finnst þeir vera farnir að stagla svolítið á því sama. 

 

***

 

Höfum eina yfirlýsingu með:

 

51. Yfirlýsing Konungsríkisins Belgíu varðandi þjóðþing
Belgía tekur fram, með tilliti til þeirra valdheimilda sem Sambandið fer með, að í samræmi við
stjórnskipunarlög landsins starfar ekki aðeins fulltrúadeild og öldungadeild sambandsþingsins, heldur einnig þing málsvæðanna og héraðanna sem hluti af þjóðþingsskipan landsins eða deildum þjóðþingsins. 

 

***

 

Þar höfum við það... eða eitthvað af því.