Meira bullið í honum Jakob. Aftur.

En hann er náttúrlega maðurinn sem sagði okkur að RÚV ksotaði bara 2000 kall á ári.

Ill­ugi Gunn­ars­son, mennta- og menn­ing­ar­málaráðherra, er skot­inn í þeirri hug­mynd að stofna sér­stakt ráðuneyti und­ir menn­ing­ar­mál­in.

Af hverju?

Yf­ir­skrift þings­ins var Sjálf­stæðis­bar­átta 21. ald­ar­inn­ar - Þurf­um við sér­stakt menn­ing­ar­málaráðuneyti? Meðal fram­sögu­manna voru Char­lotte Bøving, leik­ari og leik­stjóri, Daði Ein­ars­son, list­rænn stjórn­andi, Hulda Proppé, sér­fræðing­ur á rann­sókn­ar- og ný­sköp­un­ar­sviði Rannís, og Þor­leif­ur Arn­ar­son leik­stjóri. 

Hagsmunaaðilar, sem sagt.

„Yf­ir­skrift þings­ins speglaði þá staðreynd að skap­andi grein­ar eru stærsti vaxta­brodd­ur ís­lensk at­vinnu­lífs á Íslandi og í Evr­ópu, og gott ef ekki heim­in­um öll­um,“ seg­ir Jakob.

Þýðir það að þá þurfi sérstakt, kostnaðarsamt ráðuneyti undir það?

Jakob seg­ir þá hug­mynd að þjappa mörg­um mál­um sam­an í stór ráðuneyti barn síns tíma

Það mætti nú draga úr tjóninu sem öll þessi ráðuneyti valda með því að draga málaflokka úr klóm þeirra, og jafnvel hreinlega hætta með nokkur þeirra.

Það sparar peninga sem við eigum ekki.

og bend­ir á að skap­andi grein­ar heyri í raun und­ir fimm ráðuneyti; mennta- og menn­ing­ar­málaráðuneytið, at­vinnu- og ný­sköp­un­ar­ráðuneytið, ráðuneyti þjóðmenn­ing­ar, þ.e. for­sæt­is­ráðuneytið, ut­an­rík­is­ráðuneytið og fjár­málaráðuneytið.

Þarna nefnir hann nokkur ráðuneyti sem mætti alveg þynna og grisja aðeins.

„Mennta- og menn­ing­ar­málaráðherra Ill­ugi Gunn­ars­son kom og hélt al­veg þrumuræðu, mjög góða, og sagði að í sjálfu sér hugnaðist hon­um þessi hug­mynd alls ekki illa,

Hann er jú ríkiskall, alveg til í að stækka báknið.

„Auðvitað get­ur hann ekki sagt það einn og sér að slíkt verði, en það að sitj­andi mennta- og menn­ing­ar­málaráðherra sé skot­inn í hug­mynd­inni, það eru góðar frétt­ir fyr­ir all­ar þær þúsund­ir Íslend­inga sem starfa á þess­um vett­vangi,

Og slæmar fréttir fyrir skattborgarann.

Jakob seg­ir það gamla mýtu að lista­menn séu ein­hverj­ar „styrkjagudd­ur með betlistafi“.

Annað ráðuneyti sérlega stofnað fyrir þá myndi renna stoðum undir þá skoðun í huga almennings.

Skap­andi grein­ar séu víða stærsta út­flutn­ings­var­ann, t.d. í Bretlandi og Banda­ríkj­un­um.

Já, það eru vissulega áhugaverðar fréttir, að vopnasala sé nú talin með skapandi greinum.

Ráðuneyti skapandi greina?

Athugasemdir

[Helgi (IP-tala skráð) 8.2.2015 kl. 07:29]

Sæll.

Í stað þess að stofna fleiri ráðuneyti ætti að leggja ráðuneyti niður.

Þingmenn hérlendis eru mun fleiri miðað við höfðatölu en á t.d. Norðurlöndunum sem þýðir að á Norðurlöndunum eru miklu fleiri kjósendur á bak við hvern þingmann en hér. Samt þykjast þingmenn hér þurfa aðstoðarmenn? Ráðherrar hafa líka aðstoðarmenn og þeir eru heldur betur á háum launum.

Skera þarf hraustlega niður í opinbera geiranum á komandi árum og einkavæða sem mest.

[Gulli (IP-tala skráð) 8.2.2015 kl. 10:37]

"Skapandi greinar" er ákaflega vítt hugtak en þegar kemur að því að betla peninga frá ríkinu þá einhvern veginn takmarkast það alltaf við listir og menningarmál - þó að það séu oftast iðnaður og hugbúnaðargerð sem stendur á bakvið langstærstan hluta veltu þessara "skapandi greina".

[Ásgrímur Hartmannsson, 9.2.2015 kl. 21:13]

Hafið í huga að þarna er Jakob að tjá sig.