Stærð, stærðarinna vegna

Þetta er eins og Desert Eagle.  Stærst, já.  Best?  Eh...

En skoðum kraftinn:

Þetta er 9.8 tonn.

Hiroshima bomban samsvaraði 15.000 tonnum.  (Little Boy.)

Verðið er líka geggjun.

Þetta er semsagt 0.00064% af Hiroshima bombunni.

Svo:

"Óvíst er hvort mann­fall varð og þá hversu mikið."

Þeir komast aldrei að því úr þessu.

"Í frétt­um af at­b­urðum dags­ins hef­ur m.a. verið tekið fram að frétt­ir af árás­inni, sem beint er gegn Ríki íslams, komi strax í kjöl­far þess að varn­ar­málaráðuneytið viður­kenndi að hafa fellt átján upp­reisn­ar­menn í Sýr­landi fyr­ir mis­tök."

Þeir sprengdu einhverja hryðjuverkamenn fyrir mistök.  Æ-æ.

(https://en.wikipedia.org/wiki/Free_Syrian_Army)

Hver sprengja kostar 2 milljarða

Athugasemdir

[Guðmundur Ásgeirsson, 14.4.2017 kl. 14:06]

Þetta kallast að hnykla vöðvana. Notkun þessa vopns með þessum hætti er hvorki hagkvæm né hernaðarlega nauðsynleg. Einu rökrænu hvatirnar sem geta búið að baki eru þær að verið að senda skilaboð um að Bandaríkjaher hiki ekki við að beita öflugustu vopnum sínum ef þurfa þykir.

Athugaðu að 9,8 tonn er þyngdin á sjálfu vopninu. Sprengikrafturinn er hins vegar ígildi 11 tonna af TNT. Í frétt mbl.is er ranglega sagt að þessi sprengja innihaldi TNT en það gerir hún ekki heldur er sprengikrafturinn mældur sem TNT ígildi til samanburðar við önnur vopn.

Vegna þess hversu þung þessi sprengja er þá er aðeins hægt að varpa henni úr flutningavél (Hercules) en ekki venjulegum orrustu- eða sprengjuflugvélum. Flutningavél eru álíka varnarlaus og fljúgandi múrsteinn og þar af leiðandi gagnslaus í hátækni-umhverfi þar sem andstæðingurinn býr yfir ratsjárstýrðum loftvarnarkerfum (t.d. rússneskum). Afganskir hirðingjar og ámóta frumstæðir skæruliðar sem eiga engin loftvarnakerfi eru því líklega þeir einu sem gætu undir einhverjum kringumstæðum orðið skotmark þessa vopns.

Nú er sagt að 36 vígamenn hafi fallið í árásinni. Það gerir 50 milljónir ISK á haus miðað við verðið á græjunni. Til samanburðar kostar stykkið af venjulegum MK 84 sprengjum sem innihalda 1 tonn af sprengiefni aðeins jafnvirði 346.000 ISK sem þýðir að fyrir sama pening hefði mátt teppaleggja svæðið með 144 slíkum og jafna það beinlínis við jörðu.

Annað sem hefur hvergi komið fram í umfjöllun fjölmiðla er að eldsneytið sem er notað í svona loftháðar sprengjur er baneitrað og ef það brennur ekki allt upp við sprenginguna getur það samt valdið dauða þeirra sem verða fyrir því. Þetta ætti því með réttu lagi að vera flokkað sem efnavopn.

[Ásgrímur Hartmannsson, 16.4.2017 kl. 13:23]

Ég velti fyrir mér hvort ekki hefði verið flottara vöðvaknykl að carpetbomba bara pleisið, fyrst þeir þurftu þess á annað borð.