Fálkaorðan

Fálkaorðan er aldrei ekki veitt.

Pælum aðeins í því.  Á hverju ári fær einhver Knoll fálkaorðuna fyrir vel unnin störf, því hann/hún/það vann hjá einhverri ríkisstofnun í 20 ár við að búa til hálsmen úr bréfaklemmum.  Og einhver Tott fær fálkaorðuna fyrir að naga blýanta listilega í 25 ár.  Og Ding & Batt fá hvor um sig orðu fyrir störf í þágu framþróunar á verklagssviði ryksöfnunar í 18 ár, sem enginn tók eftir.

Svo, fimmta hvert ár kannski, þá fær einhver Þórður fálkaorðuna fyrir að hafa bjargað 12 manns úr sjávarháska.

Og ég hugsa: hvað hugsa þau Knoll, Tott og félagar, sem eru að fá mikilvæg verðlaun fyrir að hafa safnað ryki listilega á kostnað almennings alla sína lífstíð, engum til framdráttar, á meðan þarna stendur gaur sem hefur unnið sér inn *sömu verðlaun* fyrir að njarga 12 lífum, sem leiðir til að fjöldi barna kynnist feðrum sínum, og kannski tvær tylftir nýs fólks kemst á legg.

Sömu verðlaun eru veitt fyrir eitthvað, og fyrir ekkert.

Hvorum líður fáráðlega, Knoll og Tott eða Þórði?