14-2, ofbeldi í vil.

(að gefnu tilefni, ég er ekki að gera lítið úr þessu.  Orðalagið fer í taugarnar á mér.  Og Amnesty.  Þó þeir meini vel.) 

"Í nýrri skýrslu Amnesty International kemur fram að ríkisstjórnir hafa brugðist stúlkum í grundvallaratriðum á borð við öryggi í skólum." (sic)

Einusinni hét það stríðni, svo einelti, nú heitir það "ofbeldi gegn stúlkum". (sic) 

"Það er að mati samtakanna óásættanlegt að ekki sé brugðist við ofbeldi gegn stúlkum í skólum á áhrifaríkan og tafarlausan hátt." (sic)

Þegar ég var í barnó þá var ofbeldi beitt af miklu jafnrétti.

"Skýrslan, sem ber heitið Öruggir skólar: réttur allra stúlkna (Safe Schools: Every Girl´s Right), sýnir fram á að ofbeldi innan skóla er alvarlegt samfélagsvandamál víðast hvar um heim."

Kynjaskiftið skólunum, sjáum hvort kynferðislegt ofbeldi minnkar ekki aðeins.  Veit nú ekki með það líkamlega samt - homo sapiens er samt við sig.  Það ætti að byrja þegar þær eru ca. 12-13 ára.

"Stúlkur hvarvetna eiga það á hættu að verða fyrir kynferðislegu ofbeldi, þær áreittar eða þeim hótað á leið sinni í skólann og innan veggja hans."

Ekki eingöngu kvenna-vandamál.  Lausin er að berja á móti.  Þá fer vandamálið og lemur einhvern sem lemur ekki á móti.  Þess vegna endar vandamálið yfirleitt á að níðast á sömu 2-3 aðilunum.  Tékkið á þessu.

"Sumar stúlkur eru í meiri áhættu að verða fórnalömb ofbeldis en aðrar. Stúlkur sem tilheyra þjóðernisminnihlutum, lesbíur og fatlaðar stúlkur eru sérlega í hættu á að vera beittar ofbeldi." (sic)

Fórnarlömb ofbeldis?  Ofbeldi ræðst ekki á neinn.  Einhver ræðst á einhvern, og þar með beitir ofbeldi.  En hey, þessi texti er fullur af orðasambandinu "ofbeldi gegn", svo við hverju er að búast?

Að efninu: Taktu einn máv, og spreyjaðu hann grænan.  Hinir mávarnir munu myrða hann.  Fólk er ekkert öðruvísi.

"Sumar stúlkur eru barðar í kennslustofunni undir því yfirskyni að halda uppi aga."

Svona var þetta í gamla daga.  Gömlu dagarnir eru enn við lýði sumstaðar.  Ég er ekki viss um að þetta beinist eingöngu að kvenfólki.

"Stúlkur eiga ennfremur á hættu að vera beittar kynferðislegu ofbeldi af hálfu annarra nemenda, þeim boðnar hærri einkunnir í skiptum fyrir kynlífsgreiða, eða þeim jafnvel nauðgað á kennarastofunni."



"Ennfremur hefur rannsókn í Bandaríkjunum sýnt fram á að 83% stúlkna í ríkisreknum grunnskólum á aldursbilinu 12-16 ára hafa upplifað einhvers konar kynferðislega áreitni."

Mikið er það siðmenningarlegt.  Hvar fá þessir skólar eiginlega starfsfólk?  Úr local fangelsinu?  Og í síðari setningunni: hverjir nákvæmlega eru að áreita?  Spólgraðir jafnaldrar (sem má búast við - þetta eru jú lífverur og allt það) eða staff - sem leiðir mig að spurningunni hér á undan.
 
"Árásir á stúlkur í skólum hafa bæði skyndileg og langvarandi áhrif."

En árásir á drengi?
 
"Árásargjarnir og óviðeigandi kynferðislegir tilburðir drengja í skólum hafa oft verið álitnir sem eðlileg drengjahegðun. Slík viðleitni sendir þau skilaboð að ofbeldi gegn konum og stúlkum sé ásættanlegt og að áreitni af hendi drengja sé eðlileg." (sic)

Hvernig eru þessir árásargjörnu tilburðir?  Bíta þeir?  Hvað gefur maður þeim að borða?  Hvernig hugsar maður um þá?  Elta þeir mann?  Bara spyr.  Ég hef aldrei haldið tilburð, hvað þá árásargjarnan tilburð.

Og hvað í helv. þýðir þetta allt?  Svo kemur allt í einu:"slík viðleitni." Viðleitni til hvers?  Um hvað er verið að tala?
  
"Konur eiga sérlega á hættu að vera beittar ofbeldi í skólum á átakasvæðum. Skólastarf fer ennfremur alvarlega úr skorðum þar sem kennarar og nemendur eru skotmörk vopnaðs ofbeldis." (SIC!)

ARRGH!  (Þetta varð að fá að brjótast út)

Sko, þú ert á átakasvæði.  Þá verður þú skotinn, sprengdur og hengdur, flengdur og fleginn og grillaður báðu megin.  Það er bara ekkert undarlegt.  Hvað í helv. er fólk að pæla að rotta sig saman í skóla á miðjum vígvelli, óvopnað? 

Sennilega sama gáfumannagengið og lemur hvort annað með rafmagnsnúrum í því skyni að halda uppi aga.

Svo er enginn skotmark ofbeldis.  Ofbeldi er eklki hlutur, eða lífvera.  Það er verknaður.  Svons svipað og uppþvottur.  Enginn hefur verið skotmark vopnaðs uppþvottar.  Ekki mér vitanlega, a.m.k. 

"Í Afganistan eru íkveikjur í skólum sífellt algengari, þá sérstaklega í stúlknaskólum, og eru ógnanir og árásir á kvenkyns nemendur æ algengari þar á síðustu árum."

Tók enginn eftri smá erjum sem hafa átt sér stað þar síðan 2001?  Þær hafa verið í fjölmiðlum nokkuð lengi.  Það mál gæti útskýrt eitthvað af því.

"Margir grunnskólar rukka enn skólagjöld, þrátt fyrir að alþjóðalög kveði á um að grunnskólamenntun hvarvetna í heiminum eigi að vera gjaldfrjáls."

Það hafa hreinlega ekkert öll lönd efni á þessu öllu.  Ég meina, rafmagnsnúrur kosta pening.  Athugið að þriðji heimurinn er enn á steinöld að miklu leiti.  Og við erum ekki mikið að hjálpa þeim með því að henda mat í þá úr flugvélum, eða senda sendinefndir á svæðið.

"Amnesty International hefur birt sex liða áætlun handa yfirvöldum og yfirmönnum skólastofnanna, sem í birtast  eftirfarandi tillögur:
Að koma á og fylgja eftir viðeigandi lögum, stefnum og aðgerðum sem banna allar tegundir ofbeldis gegn konum, þar með taldar líkamlegar refsingar, munnlegar svívirðingar, áreitni, líkamlegt og andlegt ofbeldi, kynferðislegt ofbeldi og misnotkun."  (sic)

En sætt, en: Þjóðir sem hafa bara efni á að ráða kynferðisafbrotamenn til kennzlu munu ekki hafa mannskap til að framfylgja neinu af þessu.

"Að lokum hvetja Amnesty International ríkisstjórnir sem vinna að þúsaldarmarkmiðum Sameinuðu þjóðanna að taka fyrir og fjalla um ofbeldi og misrétti í garð kvenna. Þessi markmið, sem miða að því að útrýma fátækt, innihalda kröfur um aðgang allra að  grunnskólamenntun og jafnrétti kynjanna. Árangur þeirra er mældur í fjölda stúlkna í hverjum bekk, en ekki er innan þeirra tekið á því ofbeldi og misrétti sem gerir það að verkum að stúlkur hrökklast úr skóla eða fá ekki tækifæri til skólagöngu." (sic)

Með annarri hendinni heimta þeir að þeir mengi minna, með hinni að þeir noti peninginn sem þeir fá ekki vegna þess að þeir eru ekki með neinn mengandi iðnað til að gera einhverja afar sæta hluti.

Þeir meina vel, en eru hálfvitar. 

Vilja koma í veg fyrir ofbeldi gegn stúlkum í skólum