Samsæriskenning!

Löggan á suðurnesjum sér um landamæraeftirlitið, rétt?  Þegar einhver er böstaður í tollunum fyrir að flytja inn útvarp sem kostaði þúsundkalli meira en má, þá er sá hinn sami böstaður af suðurnesja PD.

Svo, mín álpappahattskenning er þessi:

Björn Bjarna er að vonast til þess að með minni gæzlu þá sleppi inn fullt af áhugevrðum mannskap með enn áhugaverðari smyglvarning, kannski nokkrar handsprengjur.  Svo fer þessi skuggalegi maður og gerir eitthvað af sér, hendir til dæmis nokkrum handsprengjum í gangandi vegfarendur í kringlunni, sem er náttúrlega hið ágætasta sport. 

Þegar þetta hefur gerst, mun okkar maður segja: "sjá: þetta sýnir að það er þörf fyrir leynilegri ríkislögreglu í þungum klossum og með vélbyssur." 

Og þá mun fólk segja: "Já, það er satt!  Stofnaðu Leynilega Ríkislögreglu sem getur verndað okkur fyrir dularfullum mönnum með poka fulla af handsprengjum."

Í næsta mánuði hefur Leynilega Ríkislögreglan störf, og byrjar að herja á bófa, persónulega óvini, þá sem Kínverska ríkið vill ekki horfa á og menn sem hafa sést af hræddum gömlum konum skömmu eftir að dularfull hljóð heyrðust.

Það er annað hvort það, eða þetta venjulega Ríkis-MO: þeir eru bara að klúðra þessu.  Það getur vel verið að lögreglustjórinn á suðurnesjum sendi alla í handsnyrtingu reglulega vegna þess að ... bara.  Þetta er Ríkisstofnun, svo peningarnir skulu bara koma.

Fjármál lögreglunnar á Suðurnesjum rædd við ráðherra