Þarf að hitta díler einn af þessum dögum

Spyrja hann út í hvað allt þetta stöff kostar.  Í alvöru.  Svo ég geti gert lærðar athugasemdir um allar þessar fréttir þar sem kemur fram meint andvirði einhverra efna úti á götu.

Og hvað ef þeir eru svo ekkert úti á götu?  Hvað ef þeir senda heim?

Það væri flott, þú færir bara inn á kókaín.is, og krossaðir við einhver hök, svona eins og þegar maður kaupir flugfar, nú eða pizzu, og skömmu seinna kemur gæi með efnin til þín.

Hvernig væri það.

En aftur að fréttinni: nú þegar þeir eru búnir að ná öllum þessum efnum, og reikna út söluandvirði þeirra, hækka þau þá ekki í verði strax?  Ég meina, þetta er slatti af efni, sem hefur slæm áhrif á framboð sem hefur iðulega slæm áhrif á verð - fyrir kaupandann.

Ég meina, þetta er bara gangur náttúrunnar - eða Kapítalismi, eins og sumir vilja kalla þetta.  Svo ónáttúrulegt fólk, þessir kommar. 

Náðu kókaíni að verðmæti 2 milljarða

Athugasemdir

[HDN (IP-tala skráð) 4.5.2008 kl. 23:35]

Þú finnur hann örugglega í atvinnuauglýsingasíðunum

[Ásgrímur Hartmannsson, 5.5.2008 kl. 01:04]

Það er alveg jafn óljóst að segja hve marga hægt er að drepa með þessu og að segja hvað þetta kostar.  Þetta verkar ekki eins vel á alla.  Hjartasjúklingar til dæmis deyja við smá skammta, vel byggt fólk þolir slatta.

Reyndar, ef drápsgeta er það eina sem skiftir máli, hvað þá með önnur lyf: aspirín, til dæmis?  Það er mjög deadly.