Hvað er fermetraverðið þarna?

580 millur fyrir 3 frekar lítil hús?  Og fúin í þokkabót?

Þetta með Nike merkinu á þakinu er varla nema 100 fm, sem fyrir 193 millur er frekar lítið.  Það gerir næstum 2 millur á fermetra.  Það þarf sko aldeilis að vera rekstur þarna til að það borgi sig upp.  Hverjar yrðu afborganirnar?

Og hugsum okkur nú verðbólguna - sem er garanteruð til að éta þennan pening upp: eftir 10 ár verða 580 millur að þávirði svona 400 millur að núvirði.  Það er enginn að fara að byggja neitt upp þarna í grenndinni til að hækka lóðaverðið, þið getið gleymt því.

Sjáið til, miðborg London er tóm af þessari ástæðu: of hátt húsnæðisverð.  Hver sá sem gæti keypt lóð við laugaveginnn sem er verðlögð á 200 millur gæti keypt lóð undir heilt hverfi annarsstaðar í Borg Óttans á þeim gífurlega okurprís sem þær eru þó seldar á: allt að 30 millur stykkið, án húss.  (Hvaða sauður borgar það?)

Eða farið úr bænum, til Selfoss til dæmis, eða Hveragerðis og greitt jafnvel enn minna.  Eða hann gæti keypt Hvolsvöll.  Ég held að samanlagt virði allra húsa þar séu ekki nema 200 millur.

Segir borgarsjóð tapa hálfum milljarði á Laugavegshúsum

Athugasemdir

[gummih, 31.1.2008 kl. 13:52]

Það sem skiptir meira máli, hvert er verðið á hvern borgarbúa? Mér sýnist í fljótu bragði að þarna sé verið að seilast ofan í vasa hvers einasta borgarbúa og taka þaðan tæpar 10.000kr. Það gera 30.000 frá mínu heimili sem fara í verndun þessara forljótu útihúsa og ég er ekki PAR HRIFINN. 
Hverjir græddu á þessu? Ekki borgarbúar allavega.

[Ingibjörg (IP-tala skráð) 31.1.2008 kl. 14:20]

ég er bara ´sjóðandi ill yfir því hvernig er farið með peningana okkar borgarbúa

[Ásgrímur Hartmannsson, 1.2.2008 kl. 14:55]

Þeir sem selja þessa kamra græða.  Allir aðrir virðast í fljótu bragði vera að tapa.