Grmbl...

Þjóðarátak VÍS gegn umferðarslysum var kynnt á blaðamannafundi í Skautahöllinni í Laugardal í dag og til að minna á að akstur er dauðans alvara var sjö „grafreitum“ komið fyrir utan við fundarstaðinn, en það sem af er ári hafa sjö einstaklingar látið lífið í umferðaslysum hér á landi.

Það er eitthvað svo innilega sick við þetta. 

Á fundinum kom meðal annars fram hjá Ágústi Mogensen forstöðumanni Rannsóknarnefndar umferðarslysa (RNU) að deilur, rifrildi og andlegt uppnám var undanfari fjögurra af 15 banaslysum í umferðinni árið 2007.

Hvað er maðurinn að segja?  Er of hraður akstur þá EKKI ástæða banaslysa?  GUÐLAST!  

Í þremur þessara tilfella kom áfengi einnig við sögu. Ágúst segir að slík slys verði gjarnan að sumarlagi þegar fólk er að skemmta sér og skemmtunin snýst upp í andhverfu sína þegar upp kemur ágreiningur og viðkomandi ekur á brott. Aksturslag þessara ökumanna einkennist oft af kæruleysi, hraðakstri og skeytingaleysi gagnvart hættum en með því leggja þeir bæði líf sitt og annarra í hættu. 

Blindfullt fólk á spjalli í símann, stillandi útvarpið og dansandi.  Je!  Auðvitað keyrir það á. 

Í máli hans kom ennfremur fram að rannsóknir RNU bendi til þess að 5 banaslys í umferðinni á árunum 2001 til 2005 hafi verið sjálfsvíg.

Það er ekki slys.  Slys verða af því einhver gerir mistök, sjálfsmorð er viljaverk.  Ekki slys.  Óheppilegt fyrir aðstandendur kannski, en ekki slys. 

Meðal þeirra þátta sem trufla einbeitingu ökumanna og sem Þjóðarátak VÍS beinist að í ár er notkun farsíma án handfrjáls búnaðar.  Að sögn Ragnheiðar Davíðsdóttur forvarnarfulltrúa hjá VÍS, í fréttatilkynningu, þarf að fylgjast betur með því að ökumenn tali ekki í síma á ferð nema að þeir noti handfrjálsan búnað.

Það að tala í síma er truflandi.  Það að tala við einhvern er truflandi. 

„Það vekur athygli að á sama tíma og skráðir eru 308 þúsund farsímar hér á landi og bílaeign hefur aldrei verið meiri, þá voru á árunum 2001 til 2006 aðeins 625 ökumenn kærðir að jafnaði á ári fyrir að tala í síma undir stýri.

Sneaky bastards. 

Þrátt fyrir að kærum hafði fjölgað í 1338 árið 2006 er ljóst að það þarf að leggja mun meiri áherslu á að breyta þessu hegðunarmynstri ökumanna enda er það vaxandi áhættuþáttur í umferðinni hér á landi,“ segir Ragnheiður.

Þetta mun ekkert virka - ég sagði það áður, allt tal truflar akstur.  Hvað ætliði að gera, banna farþega?

Það er frekar einfalt að fækka slysum.  Bætið bara vegakerfið.  Það er fjórða flokks.  Gerum það fyrsta flokks.  Við eigum peninginn til: það er bara verið að nota hann í fjarlæg sendiráð, varnarmál og til að ganga öryggisráðið.

Sjö grafreitir fyrir fórnarlömb umferðarslysa

Athugasemdir

[Hrafnhildur Ýr (IP-tala skráð) 4.6.2008 kl. 15:58]

Já, það er satt að tal truflar akstur. En það breytir því samt ekki að ef þú ert að tala í síma án handfráls búnaðar þá ertu einni hendinni fátækari til að sinna við aksturinn og það er eitthvað sem er aðallega verið að einblína á.

 En þá ætti í sjálfu sér einnig að banna reykingar, neyslu matar og drykkjar og þess háttar undir stýri.

[Jón Halldór Guðmundsson, 4.6.2008 kl. 20:55]

Ég vil nú aðeins benda á nýlega bandaríska rannsókn á áhrifum neyslu undir stýri. Helstu niðurstöður í stuttu máli: "Það er í lagi að borða súkkulaði og eins ís í brauði með dýfu, einnig er kaffi og gos í hentugum umbúðum bara í lagi undir stýri.  Þessar fæðutegundir skerpa athyglina í umferðinni. Hins vegar slævir Pylsa með öllu, popp, og hamborgar athyglina og það sem kemur með á óvart að allur feitur maður svo sem svið og bjúgu þau veikja ökuskerpuna."

Úr sömu rannsókn: "Reykingar skerpa bæði athygli og sjón ökumanns, ef það hann sem reykir.  Sjón farþega getur hins vegar truflast af vindlingareyk, ef viðkomandi reykir ekki. Lykt af marjuana og áfengi þykir flestum þægileg og hefur fremur góð áhrif á ökumenn.  Ýmis önnur lykt, svo sem sterk rakspíralykt og ilmvatnslykt er til ama fyrir ökumenn og hefur almennt neikvæð áhrif."

Og áfram: "Notkun síma og stillingar á útvarpi eða geislaspilara undir akstri er mjög hættuleg, en tónlistarflutningurinn sjálfur og samræður hafa lítil áhrif í þá veru." 

[corvus corax, 5.6.2008 kl. 08:07]

Það er ýmislegt sem getur truflað ökumenn við aksturinn. Í sambandi við legstaðina við skautahöllina við ég benda á mjög svo ósmekklegan ósið aðstandenda þeirra sem láta lífið í umferðarslysum en það er að setja upp grafreit á slysstaðnum sjálfum með krossi, gott ef ekki legsteini, blómum og fleiru eins og normal fólk setur upp í kirkjugörðum á leiðum ástvina sinna. Þetta er ósmekklegur ósiður að margra mati og einnig þess er þetta ritar. Þennan fáránleika þarf að banna með öllu, fólk verður að átta sig á því að minningarreitur, grafreitur eða hvað það er kallað á heima í kirkjugörðum en ekki meðfram þjóðvegum landsins. Er kannski meiningin að draga að sér athygli annarra vegfarenda og ýta þannig undir enn fleiri slys á viðkomandi stað. Þetta er fáránlega ósmekklegt og hlýtur að vera krafa vegfarenda að vegagerðin eða annað yfirvald sem með svæðin hafa að gera fjarlægi þennan ófögnuð strax!