Hvað er "Árásarhnífur?"

það er alveg gott og blessað að eiga fullan gámj af vopnum, en "árásarhnífa?"  Ég er ekki almennilega viss um hvað það er.

Á sextándu öld notuðu morðingjar langa, mjóa hnífa með þrýhyrndu blaði, svolítið eins og þjöl sem sagt, til þess að kála fólki úr launsátri.  Kannski er það "árásarhnífur?"

Annars eigum við heima helling af hnífum - flökunarhnífa, kjöthnífa, brauðhnífa, allt vel til þess fallið að gera árásir á fólk úr dimmum skúmaskotum.  Það myndi gera þau tól að "árásarhnífum," ekki satt?

Ég held það.

Aftur að morðingjum: á Indlandi voru gaurar sem föndruðu við það að kyrkja alla sem á vegi þeirra urðu með slæðum.  Kannski notuðu þeir til þess árásarslæður?

Hmm... ætla að fara heim og búa mér til árásartrefil.  Fyrir veturinn.

Ólögleg vopnasala í Kaupmannahöfn

Athugasemdir

[Brynjar Björnsson (IP-tala skráð) 11.7.2009 kl. 19:31]

Á gúglinu fann ég þó nokkrar myndir af hnífum sem eru auglýstir sem "assault knife". Hvort mbl hafi einfaldlega beinþýtt þetta yfir á "árásarhnífar", þó í raun sé svo hvergi í enskri orðabók hægt að finna "assault knife".

Væri líklega nær að nota "bardagahnífar" (samanber "Combat knife"/"Kampfmesser"/"Närstridskniv").

[óli (IP-tala skráð) 11.7.2009 kl. 20:45]

Rétt hjá Brynjari. Þetta er e h nýyrði sem notað er yfir návígisshnífa. Þetta eru hnífar með um 40 cm blaði,tvíeggja og ætlaðir til notkunnar í návígi.