Enn er verið að kíkja í pakkann:

pakkinn er heldur leiðinleg lesning að öllu leiti, en mikilvæg.  Svo er líka alltaf verið að spyrjahvort við eigum ekki að kíkja í pakkann, svo.... ég er að því.  Búinn að gera það ansi oft og lengi núna:

 

***

 

ÞRIÐJI HLUTI 
STEFNUR SAMBANDSINS OG AÐGERÐIR Á VETTVANGI ÞESS 
I. BÁLKUR 
INNRI MARKAÐURINN 
26. gr. 

1. Sambandið skal samþykkja ráðstafanir í því skyni að koma innri markaðnum á fót eða tryggja 
starfsemi hans í samræmi við viðeigandi ákvæði sáttmálanna. 
2. Innri markaðurinn skal ná til svæðis án innri landamæra þar sem tryggð er frjáls för fólks, frjálsir 
vöruflutningar, frjáls þjónustustarfsemi og frjálsir fjármagnsflutningar í samræmi við ákvæði 
sáttmálanna. 
3. Ráðið skal, að tillögu framkvæmdastjórnarinnar, kveða á um nauðsynlegar viðmiðunarreglur og skilyrði til að tryggja jafnar framfarir í öllum viðkomandi geirum. 

 

***

 

Markaðir verða til af sjálfu sér, við eðlilegar aðstæður.  Hér er semsagt eitthvað spúkí á seiði.

 

***

 

27. gr. 

Við gerð tillagna, sem settar eru fram til að vinna að markmiðum 26. gr., skal framkvæmdastjórnin taka tillit til þess að aðildarríkin þurfa að hafa misjafnlega mikið fyrir því að koma innri markaðnum á fót, eftir því hversu þróuð hagkerfi þeirra eru, og er henni heimilt að gera tillögur um viðeigandi ákvæði í því tilliti.

Feli þessi ákvæði í sér undanþágur skulu þau gilda tímabundið og valda eins lítilli röskun á starfsemi innri markaðarins og unnt er. 

 

***

 

Innri markaður er bara annað orðalag fyrir lokaðan markað.

 

***

 

II. BÁLKUR 
FRJÁLSIR VÖRUFLUTNINGAR 
28. gr. 

1. Sambandið skal mynda tollabandalag sem tekur til allra vöruviðskipta og hefur í för með sér bann við innheimtu inn- og útflutningstolla í viðskiptum milli aðildarríkjanna, svo og allra gjalda sem 
samsvarandi áhrif hafa, auk þess sem tekin er upp sameiginleg tollskrá gagnvart þriðju löndum. 
2. Ákvæði 30. gr. og 2. kafla þessa bálks skulu gilda bæði um framleiðsluvörur upprunnar í aðildarríkjunum og framleiðsluvörur frá þriðju löndum sem eru í frjálsri dreifingu í aðildarríkjunum. 

 

***

 

Tilgangurinn er að halda utanaðkomandi mörkuðum frá.

 

***

 

29. gr. 

Framleiðsluvörur frá þriðju löndum skulu teljast vera í frjálsri dreifingu í aðildarríki ef formsatriðum vegna innflutnings hefur verið fullnægt og innheimtir hafi verið allir tollar eða önnur gjöld sem samsvarandi áhrif hafa og greiða ber, enda hafi tollarnir eða gjöldin ekki verið endurgreidd í heild eða að hluta.

 

***

 

Hver eru þau formsatriði?

 

***

 

1. KAFLI 
TOLLABANDALAG 
30. gr. 

Tollar á innflutning og útflutning, svo og gjöld sem hafa samsvarandi áhrif, eru bannaðir milli aðildarríkjanna. Þetta skal einnig eiga við um fjáröflunartolla. 

 

***

 

Vegna þess að kerfið sjálft er lokað, er ekkert víst að þetta valdi lægra vöruverði.  Né er víst að þetta myndi lækka vöruverð á Íslandi, kæmi til þess, vegna landlægs okurs.

 

***

 

31. gr. 

Ráðið skal ákvarða tolla, sem eru innheimtir samkvæmt sameiginlegu tollskránni, að fenginni tillögu framkvæmdastjórnarinnar.

 

***

 

Þetta er það sem landbúnaðurinn hér á landi óttast svo mjög.

 

***

 

32. gr. 

Framkvæmdastjórnin skal hafa eftirfarandi að leiðarljósi við framkvæmd þeirra verkefna sem henni eru falin í þessum kafla: 
a) þörfina á að efla viðskipti milli aðildarríkjanna og þriðju landa, 
b) þróun samkeppnisskilyrða innan Sambandsins, að því marki sem sú þróun styrkir samkeppnisgetu fyrirtækja, 
c) þarfir Sambandsins að því er varðar hráefni og hálfunnar vörur; framkvæmdastjórnin skal í því efni gæta þess að skilyrðum til samkeppni milli aðildarríkjanna sé ekki raskað að því er fullunnar vörur varðar, 
d) nauðsyn þess að forðast alvarlega röskun á efnahagslífi aðildarríkjanna og tryggja að framleiðsla þróist með skynsamlegum hætti og neysla aukist innan Sambandsins.

 

***

 

Þetta síðasta er ekki nauðsynlega gott fyrir neinn.

 

***

 

2. KAFLI 
TOLLASAMVINNA 
33. gr. 

Evrópuþingið og ráðið skulu gera ráðstafanir innan gildissviðs sáttmálanna, í samræmi við almenna 
lagasetningarmeðferð, til að efla tollasamvinnu milli aðildarríkjanna annars vegar og milli þeirra og framkvæmdastjórnarinnar hins vegar. 

 

***

 

Si-umir kaflarnir í þessu eru afar stuttir.

 

***

 

3. KAFLI 
BANN VIÐ MAGNTAKMÖRKUNUM MILLI AÐILDARRÍKJANNA

34. gr.

Magntakmarkanir á innflutningi, svo og allar ráðstafanir sem hafa samsvarandi áhrif, eru bannaðar milli aðildarríkjanna. 

 

***

 

Jákvætt?  Já.

 

***

 

35. gr. 

Magntakmarkanir á útflutningi, svo og allar ráðstafanir sem hafa samsvarandi áhrif, eru bannaðar milli aðildarríkjanna. 

 

***

 

36. gr. 

Ákvæði 34. og 35. gr. skulu ekki koma í veg fyrir að leggja megi á innflutning, útflutning eða umflutning vara bönn eða höft sem réttlætast af almennu siðferði, allsherjarreglu, almannaöryggi, vernd lífs og heilsu manna eða dýra eða gróðurvernd, vernd þjóðarverðmæta, er hafa listrænt, sögulegt eða fornfræðilegt gildi, eða verndar eignarréttinda á sviði iðnaðar og viðskipta. Slík bönn eða höft mega þó ekki leiða til gerræðislegrar mismununar eða til þess að duldar hömlur séu lagðar á viðskipti milli aðildarríkjanna. 

 

***

 

Já... þetta verður misskunnarlaust misnotað, sumpart kynferðislega.

 

***

 

37. gr. 

1. Aðildarríkin skulu tryggja breytingar á ríkiseinkasölum í viðskiptum, þannig að enginn 
greinarmunur sé gerður milli ríkisborgara aðildarríkja hvað snertir skilyrði til aðdrátta og 
markaðssetningar vara. 
Ákvæði þessarar greinar gilda um hvern þann aðila sem hefur, fyrir hönd aðildarríkis, að lögum eða í reynd, beint eða óbeint, eftirlit með, ræður eða hefur umtalsverð áhrif á inn- eða útflutning milli 
aðildarríkjanna. Þessi ákvæði gilda einnig um einkasölur sem ríki hefur fengið öðrum í hendur. 
2. Aðildarríkin skulu ekki grípa til neinna nýrra ráðstafana sem brjóta í bága við meginreglur 1. mgr.
eða þrengja gildissvið þeirra greina sem varða bann við tollum og magntakmörkunum í viðskiptum milli þeirra. 
3. Ef ríkiseinkasala, sem stundar almenn viðskipti, er háð reglum, sem ætlað er að greiða fyrir sölu á landbúnaðarafurðum eða tryggja að sem best verð fáist fyrir þær, ber við framkvæmd reglnanna í þessari grein að gera samsvarandi ráðstafanir til að tryggja atvinnu og lífskjör hlutaðeigandi framleiðenda. 

 

***

 

ÁTVR er fucked.

 

Og þetta var allt í dag.  Næst verður Landbúnaðarbálkurinn!  Hlakkar ykkur ekki til?

Ég kveð ykkur í dag með þessu:

 

55. Yfirlýsing Konungsríkisins Spánar og Hins sameinaða konungsríkis Stóra-Bretlands og 
Norður-Írlands.  

Sáttmálarnir gilda um Gíbraltar sem evrópskt yfirráðasvæði sem aðildarríki fer með utanríkismál fyrir. Í þessu felst ekki breyting á afstöðu hlutaðeigandi aðildarríkja hvors um sig.