Vísindi eru að gerast hérna!

"Líkaminn þolir takmarkaðan hraða" 

Bara ein og sér, er þessi setning eins og eitthvað sem ég hefði búist við að sjá í áróðursbæklingi hestamanna á móti járnbrautarlestum ca 1780. 

Sam­göngu­stofa seg­ir, að ör­yggi veg­far­enda tak­markist við það hvað manns­lík­am­inn þolir.

... ha? 

Regl­ur og tak­mark­an­ir t.d. á hraða eru sett­ar til þess að afleðing­arn­ar af mis­tök­um öku­manns verði sem minnst­ar ef óhapp á sér stað.

Hvernig væri ef reglur miðuðust frekar við að fækka atvikum, sem leiða til óhappa?  Ég hef séð fleiri rannsóknir sem sýna að það væri betra en að reyna að minnka tjónið *ef.* 

Sé hraðar farið en leyfður há­marks­hraði seg­ir til um sé í raun tek­in mun meiri áhætta á að ökumaður eða aðrir veg­far­end­ur slas­ist al­var­lega eða lát­ist ef óhapp eða mis­tök eigi sér stað.

Kjaftæði.  Slysum fjölgar eftir því sem viðkomandi ferðast um á ólíkari hraða en allir hinir.  Hraðar eða hægar.  Reyndar er líklega hættulegra að fara hægar, vegna þess að það hefur slæm áhrif á fleiri.  Á ég að þurfa að vitna í eitthvað?  Aftur?  Prófið að gúgla "Solomon curve."

„Það borgað sig að hafa þetta í huga næst þegar sú hugs­un læðist að manni að fara hraðar,“ seg­ir Sam­göngu­stofa.

Samgöngustofa ætti kannski að fara að tékka aðeins á raunveruleikanum, í staðinn fyrir að láta óskhyggju í bland við stjórnsemi ráða för. 

Skoðið þetta:

http://www.ibiblio.org/rdu/sl-irrel.html

Stundum velti ég því fyrir mér hvort við séum að fá mikið af hass-börnum í embætti hérna.  Hippatímabilið hefur leikið valdstjórnina ansi grátt, ef svo er.

Ef svo er ekki, þá er magnað hvernig fólk með greindarvísitölu tvö staðalfrávik undir meðaltali velst alltaf í ríkisdjobb. 

Líkaminn þolir takmarkaðan hraða

Athugasemdir

[Árni (IP-tala skráð) 10.10.2014 kl. 15:09]

Góður punktur hjá þér. Út frá þessu er sérstaklega athyglisvert að það skuli vera tvenns konar hraðatakmörk í gildi samtímis á íslenskum vegum eftir því hvernig ökutæki er ekið. Þarna er beinlínis verið að auka dreifingu í hraða á tvíbreiðum vegum sem eykur líkur á slysum. Samgöngustofa ætti kannski að skoða það mál.

[Ásgrímur Hartmannsson, 10.10.2014 kl. 15:59]

Ef það á að vera tvöfalt hraðasystem, þá verða vegirnir að vera miklu meira en tvíbreiðir.