Við skulum fara yfir þetta

Tek­in verða upp strang­ari skil­yrði fyr­ir inn­flutn­ingi og versl­un með skotelda, hæfn­is­skil­yrði fyr­ir fram­leiðslu skot­vopna og skot­færa verða auk­in og strang­ari kröf­ur gerðar til geymslu skot­vopna í læst­um skáp­um, verði nýtt frum­varp um breyt­ingu á vopna­lög­um að veru­leika,....

Til hvers?  Það þarf að fara ansi langt til að finna strangari lög en hér.  Til Bretlands fyrst, annars út fyrir evrópu.  

Sam­kvæmt til­kynn­ingu frá ráðuneyt­inu er þess­um breyt­ing­um, auk annarra sem eru í frum­varp­inu, ætlað að stuðla að auknu al­manna­ör­yggi á einn eða ann­an hátt,

Hvað meina þeir með almannaöryggi? 

um leið eru tvær Evr­ópu­til­skip­an­ir leidd­ar í ís­lensk lög.

... sem eru?  Og hvernig koma þær okkur við? 

Þá eru ákvæði í frum­varp­inu, sem ætlað er að aðlaga ís­lensk­an rétt að ýms­um samn­ing­um sem ríkið hef­ur und­ir­geng­ist, eins og til dæm­is Chicago-samn­ing­inn um flug­mál, en sam­kvæmt hon­um munu flugrek­end­ur fá heim­ild til þess að eign­ast hand- og fóta­járn til þess að nota vegna hugs­an­legra óláta farþega.

Reip-teip hefur nú oft reynst vel, hef ég heyrt. 

Þær til­skip­an­ir Evr­ópu­sam­bands­ins sem leiða á í ís­lensk lög snúa ann­ars veg­ar að til­skip­un um CE-merk­ingu skotelda, og hins veg­ar að til­skip­un um kerfi til þess að auðkenna og rekja sprengi­efni til al­mennra nota.

Til hvers?  Og hvaða not eru af því? 

Mark­miðið með CE-merk­ingu skotelda er að koma á frjáls­um flutn­ing­um á flug­elda­vör­um á innri markaðinum

Þetta er lýgi.  Þeir ætla að útiloka kínverja frá markaðnum. 

Þá er í frum­varp­inu kveðið á um það að sá sem fram­leiði, flytji inn eða versli með sprengi­efni skuli sjá til þess að það, þar með talið smæstu ein­ing­ar þess, sé sér­stak­lega auðkennt og að upp­lýs­ing­ar um efn­in séu skráðar þannig að rekja megi fer­il þess.

... til hvers?  Mín ágiskun: til þess að stækka opinbera kerfið, og gera það dýrara og þyngra í vöfum. 

Sam­kvæmt ákvæðum frum­varps­ins verður byssu­smiðum skylt að setja auðkenn­is­staf­ina IS, fram­leiðslu­núm­er og -ár, og auðkenni á þau skot­vopn sem fram­leidd eru.

Það þjónar engum tilgangi. 

Þurfa þeir einnig að skrá þau í skot­vopna­ská þegar smíði þeirra er lokið.

Það, eins og allt vopnaskráningakerfið er bara persónunjósnir. 

Sömu­leiðis verður skylda að setja eintaksnúm­er á inn­flutt skot­vopn sem skort­ir slík núm­er.

Aftur: tilgangslaust nema til njósna ríkisins. 

Hins veg­ar er lagt til að skil­yrðin sem upp­fylla þarf til þess að fá und­anþágu á inn­flutn­ingi vopna til lands­ins vegna söfn­un­ar­gild­is þeirra verði hert, þannig að vopn þurfi bæði að vera göm­ul og hafa ótví­ræð tengsl við sögu lands­ins, en áður dugði annað hvort skil­yrðið.

Bara til þess að fækka hobbíum á landinu.  Vegna þess að alkóhólismi á að vera nóg fyrir alla, eins og hann hefur alltaf verið. 

(Byssur eru eitt af þessu fáa sem er beinlínis skaðlegt með alkóhóli, ólíkt til dæmis fótbolta, sem er alltaf skaðlegur, eða pílukasti, þar sem sportið verður bara meira spennandi eftir 4 bjóra.) 

Þá er ákvæðum eldri laga, þar sem inn­flutn­ing­ur og fram­leiðsla á eft­ir­lík­ing­um vopna er bannað, breytt þannig að lög­reglu­stjór­inn á höfuðborg­ar­svæðinu geti ákveðið að víkja frá þessu skil­yrði, sé vopnið ætlað til nota við leik­sýn­ing­ar og kvik­mynda­gerð.

Man eftir því að í Japan var mjög auðvelt að redda nákvæmum eftirlýkingum af allskyns vopnum á sérstakra leyfa.  Þau voru til úti á götuhornum þess vegna.  Ég hefði geta fyllt töskuna af þeim.

Þetta var fyrir safnara. 

Mér hefur enn þótt mjög spes að Japanir skuli vera frjálslyndari í þessu... 

Þá bæt­ast að lok­um tvö skil­yrði við út­gáfu skot­vopna­leyfa hér­lend­is. Sá sem vill fá slíkt leyfi verður sam­kvæmt frum­varp­inu að leyfa könn­un lög­reglu­stjóra á hæfi sínu, og má að auki ekki vera meðlim­ur í eða í nán­um tengsl­um við sam­tök sem telj­ast til skipu­lagðra brota­sam­taka.

Uhm... ÞETTA VAR SVONA! 

Í millitíðinni höfðu hinir vo­veif­legu at­b­urðir í Útey og miðborg Ósló­ar gerst, en þar var not­ast við mikið magn sprengi­efna og hálf­sjálf­virk skot­vopn.

Hugsið ykkur hve miklu færri morð Breivik hefði geta framið ef eitthvað af þessu Úteyjarliði hefði verið með byssu. 

... kannski er ríkið að plotta eitthvað? 

Ég meina... á maður að fara eitthvað að treysta yfirvöldum?  Halda að þau vilji okkur vel eða hvað?

Í grein­ar­gerðinni eru nefnd­ir nokkr­ir þætt­ir sem hafi leitt til þess að auðveld­ara sé að nálg­ast vopn og sprengi­efni, og eru vel­meg­un, tækniþróun, greiðar sam­göng­ur og frjáls­ræði í viðskipt­um á meðal þeirra.

Aðgangur að matvöru og hreinsiefnum, það gefur okkur sprengiefni.  Ef enginn er með byssu, þá er frekar auðvelt að kála öllum með hníf.  Eða bara nota eitur.  Það er auðvelt að fá, stela, búa til....

Hvar er ímyndunaraflið?

Ríkið, standandi gegn almannahag síðan 1944.  Ef ekki fyrr. 

Vopnalög þrengd í þágu almannahags